Bruă Phung Khua Ƀĭng Kna 8:22 - Klei Aê Diê Blŭ 2015

²² Snăn kmhal hĕ bĕ kơ klei soh jhat ih anei, leh anăn wah lač kơ Khua Yang, čiăng kơ klei mĭn ai tiê ih srăng mâo klei pap brei, tơdah dưi.

Bruă Phung Khua Ƀĭng Kna 8:22 Iomraidhean Croise

Klei Bi Hriêng 24:9

Klei mĭn čiăng ngă mơ̆ng klei mluk jing klei soh, leh anăn mnuih mưč jing pô arăng bi êmut kheh.

Y-Đaniel 4:27

Snăn Ơ mtao, brei ih tŭ klei kâo bi kčĕ kơ ih: ngă klei kpă ênô hrô kơ klei soh ih, leh anăn ngă klei pap kơ phung arăng ktư̆ juă hrô kơ klei wê ih, čiăng kơ năng ai dưi bi sui hĭn klei êđăp ênang ih.”

Y-Amôs 5:15

Bi êmut bĕ kơ klei jhat, leh anăn khăp bĕ kơ klei jăk, bi kjăp klei kpă ti ƀăng jang. Năng ai Yêhôwa, Aê Diê kơ phung kahan srăng pap kơ phung Yôsep adôk.

Y-Amôs 5:6

Duah bĕ Yêhôwa leh anăn diih srăng hdĭp, huĭdah Ñu trơ̆ng msĕ si pui hlăm sang Yôsep, leh anăn pui anăn ƀơ̆ng, amâo mâo pô bi ram ôh ti ƀuôn Ƀêthel.

Y-Yôna 1:6

Snăn khua kŭmpăn nao kơ ñu leh anăn lač, “Ya ih ngă, Ơ pô dôk pĭt? Kgŭ bĕ ih, iêô yang ih! Năng ai yang anăn srăng mĭn kơ drei đa čiăng kơ drei amâo srăng rai ôh.”

Y-Yôna 3:9

Hlei thâo, năng ai Aê Diê srăng bi mlih klei mĭn leh anăn lui hĕ klei Ñu ngêñ hlơr, čiăng kơ drei amâo srăng rai tuč ôh?”

Bruă Phung Khua Ƀĭng Kna 17:30

Aê Diê amâo yap ôh ênuk mnuih amâo thâo săng ôh, ƀiădah ară anei hin Ñu mtă kơ jih jang mnuih dôk tar ƀar brei kmhal kơ klei soh.

Bruă Phung Khua Ƀĭng Kna 2:38

Y-Pêtrôs lač kơ diñu, “Kmhal bĕ kơ klei soh diih, leh anăn brei grăp čô diih tŭ klei ƀaptem hlăm anăn Yêsu Krist, čiăng mâo klei pap brei kơ klei soh diih; leh anăn diih srăng mă tŭ Yang Mngăt Jăk Aê Diê brei.

Bruă Phung Khua Ƀĭng Kna 3:19

Kyuanăn kmhal bĕ kơ klei soh diih leh anăn lŏ wĭt kơ Aê Diê, čiăng kơ Ñu pap brei klei soh diih,

Bruă Phung Khua Ƀĭng Kna 8:20

Ƀiădah Y-Pêtrôs lač kơ gơ̆, “Brei prăk ih rai mbĭt hŏng ih, kyuadah ih mĭn dưi blei klei Aê Diê brei hŏng prăk!

Bruă Phung Khua Ƀĭng Kna 9:11

Khua Yang lač kơ ñu, “Kgŭ bĕ leh anăn nao kơ êlan arăng pia Êlan Kpă, leh anăn hlăm sang Y-Yuđas duah êmuh kơ sa čô bi anăn Y-Sôl mơ̆ng ƀuôn Tars, gơ̆ dôk wah lač,

Hră Y-Pôl Mơĭt kơ Phung Rôm 2:4

Amâodah ih amâo uêñ hĕ kơ Aê Diê mdrŏng hŏng klei jăk, klei thâo pap, leh anăn klei gĭr? Ih amâo thâo hĕ klei jăk Aê Diê čiăng atăt ih kơ klei kmhal kơ klei soh?

Hêbrơ 4:12

Sĭt nik klei Aê Diê blŭ jing hdĭp leh anăn myang, ƀơ̆ng hĭn kơ sa ƀĕ đao gưm mâo dua nah mta, kma tơl blah ai mĭn hŏng mngăt, klang bi kkuh hŏng dlô, ksiêm klei mĭn leh anăn klei ai tiê čiăng.

Klei Bi Êdah 2:21

Kâo brei leh mông kơ ñu dưi kmhal kơ klei soh, ƀiădah ñu hngah amâo čiăng kmhal kơ klei knhông ñu ôh.