Bruă Phung Khua Ƀĭng Kna 8:2 - Klei Aê Diê Blŭ 2015

² Phung đăo kjăp sĭt suôr dơr Y-Êtiên leh anăn čŏk hia ênguôt snăk kơ gơ̆.

Bruă Phung Khua Ƀĭng Kna 8:2 Iomraidhean Croise

Klei Mphŭn Dơ̆ng 23:2

H'Sara djiê ti ƀuôn Kiriat-Arba (anăn jing ƀuôn Hêbron) hlăm čar Kanaan. Y-Abraham nao mkra klei kơŭ kyăm leh anăn čŏk hia kơ H'Sara.

Klei Mphŭn Dơ̆ng 50:9

Mâo lu êdeh aseh leh anăn phung mgăt aseh nao mbĭt hŏng ñu mơh. Diñu jing sa phung lu snăk.

II Y-Samuel 3:31

Y-Đawit lač kơ Y-Jôap leh anăn kơ jih jang phung ƀuôn sang dôk mbĭt hŏng ñu, “Hiêk čhum ao diih leh anăn hơô klŭng, leh anăn kơŭ kyăm ti anăp Y-Apner.” Leh anăn mtao Y-Đawit tui hlue bông.

II Klei Yăl Dliê 32:33

Y-Hêsêkia nao dôk mbĭt hŏng phung aê ñu, leh anăn arăng dơr ñu ti anôk đĭ kơ msat phung anak êkei Y-Đawit. Jih jang phung Yuđa leh anăn phung dôk hlăm ƀuôn Yêrusalem mpŭ kơ ñu ti hruê ñu djiê. Y-Manasê anak êkei ñu kiă kriê čuê ñu.

II Klei Yăl Dliê 35:25

Y-Yêrêmi mkra klei čŏk hia kơ Y-Jôsia; leh anăn jih jang phung êkei mniê mmuñ čŏk hia leh kơ Y-Jôsia truh kơ hruê anei. Diñu brei klei čŏk hia anăn jing klei bhiăn hlăm čar Israel; klei anei arăng čih leh hlăm hdruôm hră Klei Čŏk Hia.

Y-Yêrêmi 22:10

Đăm hia ôh kơ pô djiê leh, kăn čŏk hia kơ ñu rei; ƀiădah hia bĕ hŏng klei ênguôt kơ pô đuĕ nao mơ̆ng čar leh, kyuadah ñu amâo srăng lŏ wĭt ôh čiăng ƀuh čar ñu pô.

Y-Yêrêmi 22:18

Kyuanăn snei Yêhôwa lač klei djŏ kơ Y-Jêhôyakim anak êkei Y-Jôsia mtao Yuđa: “Diñu amâo srăng čŏk hia kơ gơ̆ ôh, lač, ‘Ơ ayŏng kâo ah!’ amâodah ‘Ơ amai kâo ah!’ Diñu amâo srăng čŏk hia kơ gơ̆ ôh, lač, ‘Ơ khua ah!’ amâodah ‘Ơ klei guh kơang ñu!’

Klei Yap 20:29

Tơdah jih jang phung bi kƀĭn thâo Y-Arôn djiê leh, jih jang sang Israel čŏk hia kơ Y-Arôn êjai tlâo pluh hruê.

Y-Markôs 6:29

Tơdah phung ƀĭng kna Y-Yôhan hmư̆ klei anăn, diñu hriê mă ba dơr asei mlei gơ̆ hlăm msat.

Y-Luk 2:25

Hlăk anăn mâo ti ƀuôn Yêrusalem sa čô êkei, anăn ñu Y-Simêôn. Ñu jing kpă ênô leh anăn doh jăk. Ñu dôk čang hmăng klei bi juh kơ phung Israel, leh anăn Yang Mngăt Jăk dôk ti ñu.

Bruă Phung Khua Ƀĭng Kna 10:2

sa čô mâo klei đăo, thâo huĭ mpŭ kơ Aê Diê mbĭt hŏng jih phung hlăm sang ñu. Ñu brei lu mnơ̆ng pap hŏng klei kmah kơ phung ƀuôn sang, leh anăn ñu wah lač kơ Aê Diê nanao.

Bruă Phung Khua Ƀĭng Kna 2:5

Hlăk anăn mâo ti ƀuôn Yêrusalem phung Yuđa, phung kriăng kkuh mpŭ kơ Aê Diê hriê mơ̆ng jih jang găp djuê mnuih ti gŭ adiê.

Bruă Phung Khua Ƀĭng Kna 8:1

Y-Sôl ư ai mơh kơ klei bi mdjiê Y-Êtiên. Hruê anăn arăng dơ̆ng ngă jhat ktang snăk kơ Phung Sang Aê Diê hlăm ƀuôn Yêrusalem. Jih jang phung đăo bra đuĕ mdê mdê hlăm čar Yuđa leh anăn čar Samari. Knŏng phung khua ƀĭng kna ăt dôk hlăm ƀuôn Yêrusalem.

Bruă Phung Khua Ƀĭng Kna 8:3

Bi Y-Sôl dê lĕ duah bi rai Phung Sang Aê Diê, mŭt grăp boh sang leh anăn mă čăp phung êkei mniê leh anăn ba krư̆ digơ̆.

Klei Mtô Mñă Klei Bhiăn 34:8

Phung ƀuôn sang Israel čŏk hia kơ Y-Môis hlăm lăn dap ala čar Môap êjai tlâo pluh hruê; leh anăn hruê čŏk hia leh anăn kơŭ kyăm kơ Y-Môis ruê̆.

I Y-Samuel 28:3

Y-Samuel djiê leh, leh anăn jih jang phung Israel čŏk hia kơ ñu leh, leh anăn dơr ñu ti ƀuôn Rama, ƀuôn ñu pô. Y-Sôl suôt leh mơ̆ng čar phung mjâo leh anăn phung mdian.