Bruă Phung Khua Ƀĭng Kna 7:51 - Klei Aê Diê Blŭ 2015

⁵¹ Ơ phung ƀuôn sang khăng kŏ, ai tiê leh anăn knga amâo mâo khăt klĭt ôh. Diih bi kdơ̆ng nanao hŏng Yang Mngăt Jăk. Msĕ si phung aê diih ngă leh, diih ngă msĕ mơh.

Bruă Phung Khua Ƀĭng Kna 7:51 Iomraidhean Croise

II Bruă Mtao 17:14

Ƀiădah diñu amâo dôk hmư̆ ôh, ƀiădah jing khăng kŏ, msĕ si phung aê diñu jing leh, phung amâo đăo ôh kơ Yêhôwa Aê Diê diñu.

II Klei Yăl Dliê 30:8

Đăm jing khăng kŏ msĕ si phung aê diih ôh, ƀiădah yơr bĕ diih pô kơ Yêhôwa, leh anăn hriê kơ anôk doh jăk Ñu, anôk Ñu bi doh pioh brei leh hlŏng lar, leh anăn mă bruă bĕ kơ Yêhôwa Aê Diê diih, čiăng kơ klei Ñu ngêñ hlơr dưi weh đuĕ mơ̆ng diih.

Y-Nêhêmi 9:16

Ƀiădah phung aê hmei ngă hŏng klei mgao bi khăng hĕ kŏ diñu, leh anăn amâo gưt ôh kơ klei Ih mtă.

Y-Nêhêmi 9:30

Ih gĭr hŏng diñu êjai lu thŭn, leh anăn hưn brei diñu răng hŏng Yang Mngăt Jăk Ih mơ̆ng phung khua pô hưn êlâo Ih; ƀiădah diñu amâo čiăng mđing knga ôh. Kyua anăn Ih jao diñu leh hlăm kngan phung ƀuôn sang hlăm čar.

Klei Mmuñ Hđăp 75:5

Đăm kngưr kŏ ngă jhŏng ôh, leh anăn đăm blŭ klei mgao ôh.

Klei Mmuñ Hđăp 78:8

leh anăn čiăng kơ diñu amâo jing msĕ si phung aê diñu ôh, găp djuê amâo thâo đup gưt leh anăn khăng kŏ, găp djuê mâo ai tiê amâo kjăp leh anăn mngăt amâo sĭt suôr hŏng Aê Diê ôh.

Klei Kbiă 32:9

Yêhôwa lač kơ Y-Môis, “Kâo ƀuh leh phung ƀuôn sang anei jing sa phung ƀuôn sang khăng kŏ.

Klei Kbiă 33:3

Đĭ nao bĕ kơ čar mâo mnơ̆ng ƀơ̆ng huă mnăm êbeh dlai; ƀiădah Kâo amâo srăng nao ôh ti krah ih, huĭdah Kâo bi rai ih ktuê êlan; kyuadah ih jing sa phung ƀuôn sang khăng kŏ.”

Klei Kbiă 33:5

Kyuadah Yêhôwa lač leh kơ Y-Môis, “Lač bĕ kơ phung ƀuôn sang Israel, ‘Diih jing phung ƀuôn sang khăng kŏ. Tơdah Kâo nao ti krah ih knŏng bhiâo, Kâo srăng bi rai ih. Snăn toh hĕ ară anei kdrăp ih, čiăng Kâo dưi thâo ya Kâo srăng ngă kơ ih.’ ”

Klei Kbiă 34:9

Ñu lač, “Ơ Khua Yang, ară anei tơdah kâo mâo leh klei pap ti anăp ală ih, kâo akâo kơ ih brei Khua Yang nao ti krah phung hmei, wăt tơdah diñu jing phung ƀuôn sang khăng kŏ dưn; leh anăn pap brei kơ klei wê leh anăn klei soh hmei, leh anăn brei hmei jing ngăn dưn ih.”

Y-Êsai 48:4

Kyuadah Kâo thâo leh kơ ih jing khăng kŏ, kkuê ih jing sa aruăt klei msei, leh anăn adhei ih jing kông.

Y-Êsai 63:10

Ƀiădah digơ̆ bi kdơ̆ng leh anăn bi ênguôt leh Yang Mngăt Doh Jăk Ñu; kyuanăn Ñu lŏ wir jing roh digơ̆, Ñu pô bi blah hŏng digơ̆.

Y-Yêrêmi 17:23

Ƀiădah diñu amâo dôk hmư̆ Kâo ôh, kăn mđing knga diñu rei, ƀiădah bi khăng hĕ ai tiê diñu, čiăng kơ diñu amâo dưi hmư̆ leh anăn tŭ klei mjuăt ôh.

Y-Yêrêmi 4:4

Brei diih khăt klĭt diih pô ti anăp Yêhôwa, brei diih khăt hĕ klĭt ai tiê diih, Ơ phung êkei čar Yuđa leh anăn phung dôk hlăm ƀuôn Yêrusalem; huĭdah klei Kâo ngêñ truh msĕ si pui, leh anăn ƀơ̆ng amâo mâo pô dưi bi ram gơ̆ ôh, kyua bruă soh diih ngă.”

Y-Yêrêmi 6:10

Kơ hlei pô kâo srăng blŭ leh anăn brei răng, čiăng kơ diñu hmư̆? Nĕ anei, knga diñu kăt leh, diñu amâo dưi hmư̆ ôh; nĕ anei, klei Yêhôwa blŭ jing mnơ̆ng diñu djă djik djak, diñu amâo mơak ôh hŏng klei blŭ anăn.

Y-Êsêkiêl 2:4

Phung ƀuôn sang anăn mgao leh anăn khăng kŏ. Kâo tiŏ nao ih kơ diñu, leh anăn brei ih lač kơ diñu, ‘Snei klei Yêhôwa Aê Diê lač.’

Y-Êsêkiêl 44:7

êjai diih jum phung tue, phung amâo mâo khăt klĭt hlăm ai tiê leh anăn hlăm asei mlei brei mŭt hlăm adŭ doh jăk Kâo, bi čhŏ sang yang Kâo tơdah diih myơr kơ Kâo mnơ̆ng ƀơ̆ng huă, prăi leh anăn êrah. Diih gao leh klei Kâo bi mguôp êjai diih ngă jih jang klei jhat Kâo bi êmut kheh.

Y-Êsêkiêl 44:9

Kyuanăn snei Yêhôwa Aê Diê lač: ‘Đăm brei sa čô tue mŭt hlăm adŭ doh jăk Kâo, phung amâo khăt klĭt hlăm ai tiê leh anăn hlăm asei mlei ôh, hlăm jih jang phung tue dôk ti krah phung ƀuôn sang Israel.

Bruă Lêwi 26:41

snăn Kâo êbat mdê hŏng klei diñu čiăng leh anăn atăt ba diñu kơ čar phung roh diñu; hlăk anăn tơdah ai tiê diñu amâo khăt klĭt ôh srăng luă gŭ leh anăn diñu tla nư klei wê diñu,

Klei Yap 27:14

kyuadah ih bi kdơ̆ng leh hŏng klei Kâo blŭ hlăm kdrăn tač Sin êjai phung bi kƀĭn bi kdơ̆ng hŏng Kâo, kyuadah ih amâo mpŭ kơ klei doh jăk Kâo ôh ti êa ti anăp ală diñu.” (Anăn jing êa Mêriba ti Kadês hlăm kdrăn tač Sin).

Bruă Phung Khua Ƀĭng Kna 6:10

Ƀiădah diñu amâo dưi bi mgăl ôh hŏng klei thâo mĭn Y-Êtiên, Yang Mngăt Jăk, Pô brei gơ̆ blŭ.

Bruă Phung Khua Ƀĭng Kna 7:27

Ƀiădah pô ngă jhat kơ riêng gah ñu anăn klư̆ Y-Môis leh anăn lač, ‘Hlei pô mjing ih khua kiă kriê leh anăn khua phat kđi kơ hmei lĕ?

Bruă Phung Khua Ƀĭng Kna 7:35

Y-Môis anăn, pô digơ̆ hngah leh anăn lač, ‘Hlei mjing ih khua kiă kriê leh anăn khua phat kđi kơ hmei lĕ?’ ñu yơh Aê Diê tiŏ nao jing khua kiă kriê leh anăn pô bi mtlaih hŏng kngan dĭng buăl jăk, pô bi êdah leh kơ ñu hlăm ƀur.

Bruă Phung Khua Ƀĭng Kna 7:39

Phung aê drei amâo čiăng gưt kơ Y-Môis ôh, ƀiădah hngah hĕ ñu, leh anăn ai tiê digơ̆ čiăng wĭt kơ čar Êjip.

Bruă Phung Khua Ƀĭng Kna 7:9

Phung aê phŭn anăn nač kơ Y-Yôsep, čhĭ gơ̆ kơ čar Êjip. Ƀiădah Aê Diê dôk mbĭt hŏng gơ̆,

Hră Y-Pôl Mơĭt kơ Phung Rôm 2:25

Sĭt nik klei khăt klĭt jing yuôm tơdah ih gưt klei bhiăn; ƀiădah tơdah ih gao klei bhiăn, klei khăt klĭt ih jing msĕ si amâo tuôm khăt klĭt ôh.

Êphêsô 4:30

Đăm bi ênguôt Yang Mngăt Jăk Aê Diê ôh, Ñu yơh kđăm leh diih pioh kơ hruê bi tui.

Klei Mtô Mñă Klei Bhiăn 10:16

Snăn brei diih bi khăt klĭt ai tiê pô, leh anăn đăm lŏ jing khăng kŏ ôh.

Klei Mtô Mñă Klei Bhiăn 30:6

Yêhôwa, Aê Diê diih srăng khăt klĭt ai tiê diih leh anăn ai tiê phung anak diih, snăn kơh diih srăng khăp kơ Yêhôwa, Aê Diê diih hŏng jih ai tiê diih leh anăn jih mngăt diih, čiăng kơ diih dưi hdĭp.

Klei Mtô Mñă Klei Bhiăn 31:27

Kyuadah kâo thâo diih jing phung khăng bi kdơ̆ng leh anăn khăng kŏ êdi. Nĕ anei, êjai kâo ăt dôk hdĭp mbĭt hŏng diih, hruê anei diih bi kdơ̆ng leh hŏng Yêhôwa; kdlưn hĭn kơ anăn mơh leh kâo djiê!

Klei Mtô Mñă Klei Bhiăn 9:13

Êbeh kơ anăn Yêhôwa lač kơ kâo, ‘Kâo ƀuh leh phung ƀuôn sang anei, nĕ anei jing sa phung ƀuôn sang khăng kŏ.

Klei Mtô Mñă Klei Bhiăn 9:6

Snăn brei diih thâo, amâo djŏ ôh kyua klei kpă ênô diih Yêhôwa Aê Diê diih brei diih mă bha čar jăk anei; kyuadah diih jing sa phung ƀuôn sang khăng kŏ.”

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

Kôlôs 2:11

Hlăm Ñu msĕ mơh diih tŭ leh klei khăt klĭt, amâo djŏ ôh klei khăt klĭt hŏng kngan mnuih, ƀiădah klei khăt klĭt Krist ngă, jing klei bi êngiê mơ̆ng klei myang klei kđeh tluh.