Bruă Phung Khua Ƀĭng Kna 7:41 - Klei Aê Diê Blŭ 2015

⁴¹ Hlăk anăn digơ̆ ngă rup sa drei êđai êmô. Digơ̆ myơr mnơ̆ng ngă yang kơ rup anăn, leh anăn hơ̆k mơak kyua bruă kngan digơ̆ ngă.

Bruă Phung Khua Ƀĭng Kna 7:41 Iomraidhean Croise

Y-Nêhêmi 9:18

Wăt tơdah diñu tuh leh kơ diñu pô rup sa drei êđai êmô leh anăn lač, ‘Anei yơh jing yang diih, pô atăt diih kbiă leh mơ̆ng čar Êjip,’ leh anăn diñu ngă leh klei tăm pah prŏng kơ Ih,

Y-Ôsê 9:1

Đăm hơ̆k ôh, Ơ Israel! Đăm mơak ôh msĕ si phung găp djuê mkăn! Kyuadah ih ngă leh klei knhông êjai lui hĕ Aê Diê diih. Ih khăp leh kơ klei mưn sa čô mniê knhông ti jih jang anôk prah mdiê.

Y-Ôsê 9:10

“Hlăk Kâo tuôm hŏng Israel, diñu jing msĕ si boh kriăk ƀâo hlăm kdrăn tač. Hlăk Kâo ƀuh phung aê diih, diñu jing msĕ si boh hlâo hlang ti ana boh hra hlăm yan ñu mboh tal êlâo. Ƀiădah diñu nao kơ Baal-Pêôr leh anăn pioh diñu pô kơ rup yang hêñ mlâo, leh anăn diñu jing mnơ̆ng Aê Diê bi êmut kheh msĕ si mnơ̆ng diñu khăp.

Klei Bi Êdah 9:20

Phung mnuih adôk amâo djiê hŏng klei bi knap anăn amâo kmhal ôh kơ bruă kngan diñu ngă, kăn lui rei klei kkuh mpŭ kơ yang jhat, kơ rup yang ngă hŏng mah, prăk, kông, boh tâo, leh anăn kyâo, rup yang anăn amâo thâo ƀuh, hmư̆, amâodah êbat ôh.