Biblia Todo Logo
Bìoball air-loidhne

- Sanasan -




Bruă Phung Khua Ƀĭng Kna 7:25 - Klei Aê Diê Blŭ 2015

25 Ñu mĭn kơ phung ayŏng adei ñu srăng thâo săng kơ Aê Diê srăng bi mtlaih digơ̆ hŏng kngan ñu, ƀiădah digơ̆ amâo thâo săng ôh.

Faic an caibideil Dèan lethbhreac




Bruă Phung Khua Ƀĭng Kna 7:25
20 Iomraidhean Croise  

Y-Naaman, khua kơ phung kahan mtao Siri, jing sa čô mnuih hing ang mbĭt hŏng khua ñu, leh anăn khua ñu khăp snăk, kyuadah hŏng ñu yơh Yêhôwa brei klei dưi kơ phung Siri. Ñu jing sa čô êkei jhŏng ktang, ƀiădah ñu djŏ phŭng.


Phung aê hmei hlăm čar Êjip amâo mđing ôh kơ klei yuôm bhăn Ih ngă leh; diñu amâo lŏ hdơr ôh kơ klei jăk Ih êbeh dlai, ƀiădah diñu bi kdơ̆ng ti Êa Ksĭ Hrah.


Ñu dlăng tinei, tinăn, leh anăn amâo ƀuh sa čô mnuih ôh. Leh anăn ñu bi mdjiê pô Êjip anăn leh anăn dơr mdăp gơ̆ hlăm čuah.


Ƀiădah digơ̆ amâo thâo săng ôh klei blŭ anăn, leh anăn digơ̆ huĭ êmuh kơ Yêsu.


Ƀiădah digơ̆ amâo thâo săng ôh klei anăn. Klei blŭ anăn jing hgăm kơ digơ̆, leh anăn digơ̆ amâo thâo săng ôh ya klei Ñu lač.


Ƀiădah phung ƀĭng kna amâo thâo săng ôh klei blŭ anăn. Klei anăn jing hgăm kơ diñu, čiăng kơ diñu amâo thâo săng ôh leh anăn diñu huĭ êmuh kơ Yêsu kơ klei blŭ anăn.


Leh diñu truh, diñu bi kƀĭn Phung Sang Aê Diê leh anăn yăl dliê jih klei Aê Diê ngă mbĭt hŏng diñu, leh anăn si Aê Diê pŏk leh ƀăng bhă klei đăo kơ phung tue.


Tơdah diñu truh ti ƀuôn Yêrusalem, Phung Sang Aê Diê, phung khua ƀĭng kna, leh anăn phung khua mduôn jum diñu. Leh anăn diñu yăl dliê jih klei Aê Diê ngă leh mbĭt hŏng diñu.


Leh mâo klei trông čhai lu, Y-Pêtrôs kgŭ dơ̆ng leh anăn lač kơ diñu, “Ơ phung ayŏng adei, diih thâo leh hlăk êlâo Aê Diê ruah kâo mơ̆ng phung diih, čiăng kơ hŏng klei kâo mtô klei mrâo mrang jăk, phung tue dưi hmư̆ leh anăn đăo.


Leh kkuh čhưn hŏng diñu, Y-Pôl yăl dliê jih klei Aê Diê yua ñu ngă leh ti krah phung tue.


Tơdah ñu ƀuh arăng ngă jhat kơ sa čô hlăm phung digơ̆, ñu mgang pô arăng ktư̆ juă anăn leh anăn rŭ ênua čăm sa čô Êjip.


Ti hruê mgi ñu ƀuh dua čô digơ̆ dôk bi msao, čiăng bi grăng klei digơ̆, ñu lač, ‘Hơi, diih jing ayŏng adei, si ngă diih bi ngă jhat hdơ̆ng găp lĕ?’


Kyuadah kâo amâo jhŏng blŭ sa mta klei mkăn ôh, knŏng ya klei Krist ngă leh hlăm kâo, čiăng atăt phung tue kơ klei gưt asăp kơ Aê Diê. Ñu ngă leh klei anei hŏng klei blŭ leh anăn klei ngă,


Ƀiădah hŏng klei Aê Diê pap kâo jing msĕ si kâo jing anei, leh anăn klei Ñu pap kơ kâo amâo jing hơăi mang ôh. Ƀiădah kâo mă bruă suăi hĭn kơ jih jang diñu, amâo djŏ kâo pô ôh, ƀiădah klei Aê Diê pap dôk mbĭt hŏng kâo.


Kyuadah hmei jing phung mă bruă mbĭt kơ Aê Diê. Diih jing hma Aê Diê; diih jing sang Aê Diê.


Snăn êjai hmei mă bruă mbĭt hŏng Aê Diê, hmei kwưh kơ diih đăm mă tŭ klei Aê Diê pap jing hơăi mang ôh.


Kơ klei anăn kâo mă bruă suăi, yua jih klei ktang Ñu êjai bi blah, klei ktang anăn dôk mă bruă hlăm kâo hŏng klei myang.


Digơ̆ lač kơ ñu, “Hmei hriê čiăng čăp ih, snăn hmei dưi jao ih hlăm kngan phung Philistin.” Y-Samsôn lač kơ diñu, “Brei diih kat asei kơ kâo kơ diih pô amâo srăng bi mdjiê kâo ôh.”


Hlăk anăn phung ƀuôn sang lač kơ Y-Sôl, “Si ngă, Y-Jônathan srăng djiê mơ̆, pô bi truh leh klei dưi prŏng anei hlăm phung Israel? Hơăi, amâo djŏ snăn ôh! Tui si Yêhôwa dôk hdĭp, sa aruăt ƀŭk mơ̆ng boh kŏ ñu amâo srăng luh ti lăn ôh; kyuadah ñu ngă bruă mbĭt hŏng Aê Diê hruê anei.” Snăn phung ƀuôn sang bi mtlaih Y-Jônathan, gơ̆ amâo djiê ôh.


Gơ̆ săn asei mlei leh anăn bi mdjiê leh êkei Philistin, leh anăn Yêhôwa ngă leh kơ jih jang phung Israel sa klei dưi prŏng hŏng phung roh diñu. Ih ƀuh leh klei anăn leh anăn hơ̆k mơak. Snăn ih srăng ngă soh mơ̆ hŏng êrah amâo mâo soh ôh êjai bi mdjiê hĕ Y-Đawit amâo mâo klei?”


Lean sinn:

Sanasan


Sanasan