Bruă Phung Khua Ƀĭng Kna 7:16 - Klei Aê Diê Blŭ 2015

¹⁶ Leh anăn arăng mdiăng wĭt asei mlei diñu ti ƀuôn Sičem, leh anăn arăng dơr diñu hlăm msat Y-Abraham blei leh hŏng ênoh prăk mơ̆ng phung anak êkei Y-Hamôr ƀuôn Sičem.

Bruă Phung Khua Ƀĭng Kna 7:16 Iomraidhean Croise

Klei Mphŭn Dơ̆ng 23:16

Y-Abraham tŭ klei Y-Êprôn lač, leh anăn mkă prăk dŭm Y-Êprôn kăm kơ ñu ti anăp phung anak êkei Y-Het, pă êtuh sêkel prăk tui si prăk arăng yua bi blei mnia.

Klei Mphŭn Dơ̆ng 23:4

“Kâo jing mnuih tue leh anăn mnuih dôk bhiâo mbĭt hŏng phung diih. Brei kơ kâo sa anôk ngă msat hlăm čar diih, čiăng kơ kâo dưi dơr mnuih djiê kâo.”

Klei Mphŭn Dơ̆ng 35:19

Snăn H'Račel djiê, leh anăn arăng dơr ñu ti êlan Êphrata (ƀuôn anăn jing ƀuôn Betlêhem).

Klei Mphŭn Dơ̆ng 47:30

Brei ih dơr kâo ti anôk phung ama kâo; mă ba asei mlei kâo kbiă mơ̆ng čar Êjip leh anăn dơr kâo hlăm msat phung ama kâo.” Y-Yôsep lač, “Kâo srăng ngă tui si klei ih blŭ.”

Klei Mphŭn Dơ̆ng 50:12

Snăn phung anak êkei Y-Yakôp ngă kơ ñu tui si ñu mtă leh.

Klei Mphŭn Dơ̆ng 50:13

Phung anak êkei ñu mdiăng ba ñu kơ čar Kanaan, leh anăn dơr ñu hlăm ƀăng čư̆ ti hma Makpêla tĭng ngŏ Mamrê, Y-Abraham blei leh mbĭt hŏng hma mơ̆ng Y-Êprôn mnuih Hitit, jing anôk msat.

Klei Kbiă 13:19

Leh anăn Y-Môis mă ba mbĭt hŏng ñu klang Y-Yôsep; kyuadah Y-Yôsep brei phung ƀuôn sang Israel kat asei ktang tĭt, lač kơ digơ̆, “Aê Diê srăng čhưn hŏng diih; leh anăn brei diih mă ba mbĭt hŏng diih klang kâo mơ̆ng anôk anei.”

Y-Yôsuê 24:32

Klang Y-Yôsep phung ƀuôn sang Israel mă ba mơ̆ng čar Êjip arăng dơr ti ƀuôn Sičem, hlăm kdriêk lăn Y-Yakôp blei mơ̆ng phung anak êkei Y-Hamôr ama kơ Y-Sičem hŏng ênoh sa êtuh klŏ prăk; lăn anăn jing ngăn dưn phung anak čô Y-Yôsep.