Bruă Phung Khua Ƀĭng Kna 7:15 - Klei Aê Diê Blŭ 2015

¹⁵ Y-Yakôp trŭn nao kơ čar Êjip, leh anăn ñu djiê tinăn, wăt phung aê phŭn drei djiê msĕ mơh.

Bruă Phung Khua Ƀĭng Kna 7:15 Iomraidhean Croise

Klei Kbiă 1:6

Y-Yôsep djiê, leh anăn jih jang phung ayŏng adei ñu, wăt jih jang mnuih gưl diñu ênuk anăn msĕ mơh.

Klei Mphŭn Dơ̆ng 49:33

Tơdah Y-Yakôp ruê̆ mtă kơ phung anak êkei ñu, ñu lŏ đih ti jhưng pĭt leh anăn tuč êwa, leh anăn nao dôk mbĭt hŏng phung aê ñu.

Y-Yôsuê 24:4

Kâo brei Y-Yakôp leh anăn Y-Êsâo kơ Y-Isăk. Kâo brei čar kngư Sêir kơ Y-Êsâo mă bha, ƀiădah Y-Yakôp leh anăn phung anak ñu trŭn nao kơ čar Êjip.

Klei Mtô Mñă Klei Bhiăn 26:5

Diih srăng mâo klei blŭ ti anăp Yêhôwa Aê Diê diih, ‘Ama kâo đưm jing sa čô mnuih Aram hiu rưng; ñu trŭn nao kơ čar Êjip leh anăn dôk jưh bhiâo tinăn, jing sa phung ƀiă; leh anăn tinăn lŏ bliư̆ jing sa găp djuê prŏng, ktang, leh anăn êngŭm.

Klei Mtô Mñă Klei Bhiăn 10:22

Phung aê diih đưm trŭn ti čar Êjip hŏng kjuh pluh čô mnuih; leh anăn ară anei Yêhôwa Aê Diê diih bi lar diih leh jing lu msĕ si mtŭ hlăm adiê.”

Klei Yap 20:15

klei phung aê hmei trŭn nao leh kơ čar Êjip, leh anăn hmei dôk ti ala čar Êjip sui thŭn; leh anăn phung Êjip ngă hŏng klei khăng kơ hmei leh anăn kơ phung aê hmei.

Klei Mphŭn Dơ̆ng 46:1

Y-Israel kbiă nao hŏng jih jang mnơ̆ng ñu mâo. Ñu truh kơ ƀuôn Bêr-Sêba leh anăn myơr lu mnơ̆ng ngă yang kơ Aê Diê ama ñu, Y-Isăk.

Klei Mphŭn Dơ̆ng 47:30

Brei ih dơr kâo ti anôk phung ama kâo; mă ba asei mlei kâo kbiă mơ̆ng čar Êjip leh anăn dơr kâo hlăm msat phung ama kâo.” Y-Yôsep lač, “Kâo srăng ngă tui si klei ih blŭ.”

Klei Kbiă 13:19

Leh anăn Y-Môis mă ba mbĭt hŏng ñu klang Y-Yôsep; kyuadah Y-Yôsep brei phung ƀuôn sang Israel kat asei ktang tĭt, lač kơ digơ̆, “Aê Diê srăng čhưn hŏng diih; leh anăn brei diih mă ba mbĭt hŏng diih klang kâo mơ̆ng anôk anei.”

Y-Yôsuê 24:32

Klang Y-Yôsep phung ƀuôn sang Israel mă ba mơ̆ng čar Êjip arăng dơr ti ƀuôn Sičem, hlăm kdriêk lăn Y-Yakôp blei mơ̆ng phung anak êkei Y-Hamôr ama kơ Y-Sičem hŏng ênoh sa êtuh klŏ prăk; lăn anăn jing ngăn dưn phung anak čô Y-Yôsep.

Klei Mmuñ Hđăp 105:23

Hlăk anăn Y-Israel nao kơ čar Êjip; Y-Yakôp dôk hlăm čar Čam msĕ si tue.