Bruă Phung Khua Ƀĭng Kna 7:11 - Klei Aê Diê Blŭ 2015

¹¹ Hlăk anăn mâo klei ư̆ êpa tar ƀar čar Êjip leh anăn čar Kanaan. Mâo klei knap mñai prŏng, leh anăn phung aê drei amâo dưi mâo mnơ̆ng ƀơ̆ng huă ôh.

Bruă Phung Khua Ƀĭng Kna 7:11 Iomraidhean Croise

Klei Mphŭn Dơ̆ng 42:5

Snăn phung anak êkei Y-Israel nao čiăng blei mdiê mbĭt hŏng phung mkăn nao kơ čar Êjip, kyuadah mâo klei ư̆ êpa hlăm čar Kanaan.

Klei Mphŭn Dơ̆ng 43:1

Klei ư̆ êpa knap snăk hlăm čar.

Klei Mphŭn Dơ̆ng 45:11

Tinăn kâo srăng čiêm ih, kyuadah adôk êma thŭn ư̆ êpa, huĭdah ih leh anăn sang ih leh anăn jih jang mnơ̆ng ih mâo truh kơ klei knap.’

Klei Mphŭn Dơ̆ng 47:4

Diñu lač kơ Pharaôn, “Hmei truh čiăng dôk bhiâo hlăm čar anei; kyuadah amâo lŏ mâo ôh anôk rơ̆k mda kơ biăp phung dĭng buăl ih, kyuadah klei ư̆ êpa knap snăk hlăm čar Kanaan. Snăn hmei akâo kơ ih, brei phung dĭng buăl ih dôk hlăm krĭng Gôsen.”

Klei Mmuñ Hđăp 105:16

Tơdah Ñu brei klei ư̆ êpa truh kơ čar, leh anăn mă hĕ jih mnơ̆ng ƀơ̆ng huă,