Bruă Phung Khua Ƀĭng Kna 6:5 - Klei Aê Diê Blŭ 2015

⁵ Klei diñu kčĕ bi mơak kơ jih jang phung lu. Phung lu ruah Y-Êtiên sa čô êkei bŏ hŏng klei đăo leh anăn Yang Mngăt Jăk, Y-Philip, Y-Prôkôrus, Y-Nikanôr, Y-Timôn, Y-Parmênas, leh anăn Y-Nikôlas sa čô êkei ƀuôn Antiôs mŭt klei đăo Yuđa.

Bruă Phung Khua Ƀĭng Kna 6:5 Iomraidhean Croise

Klei Mphŭn Dơ̆ng 41:37

Pharaôn leh anăn jih jang phung dĭng buăl ñu mơak tŭ hdră anăn.

Klei Bi Hriêng 15:1

Klei lŏ wĭt lač êdu bi hlai klei ngêñ, ƀiădah klei blŭ khăng bi mčhur klei ăl.

Klei Bi Hriêng 15:23

Klei lŏ wĭt lač djŏ bi mơak kơ arăng, leh anăn klei blŭ ti mông găl jing jăk snăk.

Y-Mika 3:8

Ƀiădah bi kơ kâo, kâo bŏ hŏng klei myang, bŏ hŏng Mngăt Yang Yêhôwa, leh anăn hŏng klei djŏ leh anăn klei ktang, čiăng hưn kơ phung Yakôp klei diñu gao klei bhiăn, leh anăn kơ phung Israel klei soh diñu.

Y-Mathiơ 23:15

Knap mñai yơh kơ diih, Ơ phung khua čih hră leh anăn phung Pharisi, phung ai ngăm! Kyuadah diih đuĕ hiu tar ƀar êa ksĭ leh anăn lăn ala čiăng brei sa čô tue mlih klei đăo, leh anăn tơdah gơ̆ mŭt phung diih leh, diih mjing gơ̆ sa čô anak war pui dua blư̆ jhat hĭn kơ diih pô.

Bruă Phung Khua Ƀĭng Kna 11:19

Mâo phung đăo bra đuĕ leh kyua klei arăng ngă jhat dơ̆ng hŏng Y-Êtiên, leh anăn diñu hiu truh ti čar Phênisi, ti plao êa Čiprơ, leh anăn ti ƀuôn Antiôs, mtô klei Aê Diê blŭ knŏng kơ phung Yuđa.

Bruă Phung Khua Ƀĭng Kna 11:20

Ƀiădah mâo đa đa hlăm phung anăn mơ̆ng plao êa Čiprơ leh anăn Čar Siren, tơdah truh ti ƀuôn Antiôs, mtô kơ phung Grĕk mơh klei mrâo mrang jăk Khua Yang Yêsu.

Bruă Phung Khua Ƀĭng Kna 11:22

Phung Sang Aê Diê ti ƀuôn Yêrusalem hmư̆ hing kơ klei anăn, leh anăn tiŏ nao Y-Barnabas kơ ƀuôn Antiôs.

Bruă Phung Khua Ƀĭng Kna 11:24

Y-Barnabas jing mnuih jăk, bŏ hŏng Yang Mngăt Jăk leh anăn klei đăo. Mâo lu mnuih đăo kơ Khua Yang.

Bruă Phung Khua Ƀĭng Kna 11:26

Leh ñu ƀuh Y-Sôl, ñu atăt ba gơ̆ kơ ƀuôn Antiôs. Liăp sa thŭn diñu bi kƀĭn mbĭt hŏng Phung Sang Aê Diê, leh anăn bi hriăm lu mnuih. Hlăm ƀuôn Antiôs tal êlâo hĭn arăng pia phung Krist kơ phung ƀĭng kna.

Bruă Phung Khua Ƀĭng Kna 11:27

Hlăm ênuk anăn mâo phung khua pô hưn êlâo trŭn mơ̆ng ƀuôn Yêrusalem kơ ƀuôn Antiôs.

Bruă Phung Khua Ƀĭng Kna 13:1

Hlăm Phung Sang Aê Diê ƀuôn Antiôs mâo phung khua pô hưn êlâo leh anăn phung nai mtô: Y-Barnabas, Y-Simêôn bi anăn Niger, Y-Lusius čar Siren, Y-Manahen ayŏng adei rông mbĭt hŏng mtao Hêrôt, leh anăn Y-Sôl.

Bruă Phung Khua Ƀĭng Kna 15:22

Leh anăn phung khua ƀĭng kna, phung khua mduôn, leh anăn jih jang Phung Sang Aê Diê mĭn jăk ruah mơ̆ng phung diñu, leh anăn tiŏ nao digơ̆ kơ ƀuôn Antiôs mbĭt hŏng Y-Pôl leh anăn Y-Barnabas. Anăn digơ̆ jing Y-Yuđas lŏ bi anăn Y-Barsabas leh anăn Y-Silas, dua čô mâo klei arăng mpŭ hlăm phung ayŏng adei.

Bruă Phung Khua Ƀĭng Kna 2:4

Jih jang diñu bŏ hŏng Yang Mngăt Jăk, leh anăn dơ̆ng blŭ hlăm klei blŭ mkăn, tui si Yang Mngăt Jăk brei kơ diñu blŭ.

Bruă Phung Khua Ƀĭng Kna 21:8

Hruê mgi hmei đuĕ nao kơ ƀuôn Sêsarê. Hmei mŭt dôk hlăm sang pô mtô Klei Mrâo Mrang Jăk Y-Philip. Ñu jing sa čô hlăm phung kjuh čô khua sang yang anăn.

Bruă Phung Khua Ƀĭng Kna 22:20

Hlăk arăng tuh êrah Y-Êtiên, pô hưn bi sĭt kơ Ih, kâo msĕ mơh dôk dơ̆ng giăm tinăn ư ai klei diñu ngă, leh anăn kiă čhiăm ao phung bi mdjiê gơ̆.’

Bruă Phung Khua Ƀĭng Kna 6:10

Ƀiădah diñu amâo dưi bi mgăl ôh hŏng klei thâo mĭn Y-Êtiên, Yang Mngăt Jăk, Pô brei gơ̆ blŭ.

Bruă Phung Khua Ƀĭng Kna 6:3

Kyua anăn Ơ phung ayŏng adei, ruah bĕ mơ̆ng krah diih kjuh čô êkei mâo hing ang jăk, bŏ hŏng Yang Mngăt Jăk leh anăn hŏng klei thâo mĭn, phung hmei dưi jao bruă anei.

Bruă Phung Khua Ƀĭng Kna 6:8

Y-Êtiên, bŏ hŏng klei pap leh anăn klei myang, ngă klei yuôm bhăn myang leh anăn klei bi knăl yuôm bhăn ti krah phung ƀuôn sang.

Bruă Phung Khua Ƀĭng Kna 7:1

Khua ngă yang prŏng êmuh, “Djŏ msĕ snăn mơ̆?”

Klei Bi Êdah 2:15

Msĕ snăn mơh ih mâo đa đa mnuih tui hlue klei phung Nikôlas mtô.

Klei Bi Êdah 2:6

Ƀiădah anei klei jăk ih mâo: ih bi êmut kơ bruă phung Nikôlas, bruă anăn Kâo bi êmut msĕ mơh.