Bruă Phung Khua Ƀĭng Kna 5:5 - Klei Aê Diê Blŭ 2015

⁵ Y-Ananias hmư̆ klei blŭ anăn, ñu lĕ buh leh anăn djiê. Jih jang phung hmư̆ klei anăn huĭ snăk.

Bruă Phung Khua Ƀĭng Kna 5:5 Iomraidhean Croise

II Bruă Mtao 2:24

Ñu wir dlăng kơ digơ̆ leh anăn tăm pah kơ digơ̆ hlăm anăn Yêhôwa. Leh anăn dua drei kgâo ana kbiă mơ̆ng kmrơ̆ng leh anăn hiêk pă pluh dua čô hlăm phung hđeh êdam anăn.

I Klei Yăl Dliê 13:12

Leh anăn Y-Đawit huĭ kơ Aê Diê hruê anăn, leh anăn ñu lač, “Si kâo dưi atăt ba hip Aê Diê kơ sang kâo?”

I Klei Yăl Dliê 15:13

Kyuadah diih amâo tuôm kkung gơ̆ tal êlâo ôh, Yêhôwa Aê Diê drei ngă kơ drei, kyuadah drei amâo kiă kriê gơ̆ tui si ñu mtă leh.

Klei Mmuñ Hđăp 119:120

Kđeh kâo ktư̆ yơ̆ng kyua huĭ kơ Ih; leh anăn kâo huĭ kơ klei Ih phat kđi.

Klei Mmuñ Hđăp 64:9

Leh anăn jih jang mnuih srăng huĭ; diñu srăng hưn ya bruă Aê Diê ngă leh, leh anăn srăng mĭn kơ klei gơ̆ ngă leh.

Y-Yêrêmi 5:14

Kyuanăn Yêhôwa Aê Diê kơ phung kahan lač snei: “Kyuadah diñu blŭ leh klei anăn, nĕ anei, Kâo mjing klei Kâo blŭ hlăm ƀăng êgei ih msĕ si pui, Kâo mjing phung ƀuôn sang anei msĕ si djuh, leh anăn pui srăng ƀơ̆ng diñu.

Y-Êsêkiêl 11:13

Êjai kâo dôk hưn êlâo, Y-Pêlatia anak êkei Y-Bênaya djiê. Snăn kâo buôn kŭp ƀô̆ ti lăn leh anăn ur hŏng asăp kraih ktang, lač, “Ơ Yêhôwa Aê Diê! Ih srăng bi rai jih mơ̆ phung Israel ăt dôk?”

Bruă Lêwi 10:3

Leh anăn Y-Môis lač kơ Y-Arôn, “Klei anei Yêhôwa lač leh, ‘Kâo srăng bi êdah Kâo pô doh jăk ti krah phung hriê giăm Kâo, leh anăn Kâo srăng mâo klei mpŭ ti anăp jih jang phung ƀuôn sang.’ ” Y-Arôn dôk ñăt.

Bruă Phung Khua Ƀĭng Kna 13:11

Nĕ ară anei hin, kngan Khua Yang ngă kơ ih, leh anăn ih srăng jing bum ală êjai sui ƀiă, amâo dưi ƀuh yang hruê ôh.” Mtam mâo klei bum mmăt tĭt truh kơ Y-Êlimas, leh anăn ñu duah mnuih atăt ñu djă ti kngan.

Bruă Phung Khua Ƀĭng Kna 2:43

Jih jang mnuih mâo klei huĭ kyua phung khua ƀĭng kna ngă lu klei yuôm bhăn leh anăn klei bi knăl mdê.

Bruă Phung Khua Ƀĭng Kna 5:13

Amâo mâo mnuih mkăn ôh jhŏng mŭt hlăm phung diñu, ƀiădah phung ƀuôn sang mpŭ mni snăk kơ diñu.

I Kôrantô 4:21

Ya diih čiăng? Kâo srăng hriê kơ diih djă giê bi kmhal diih mơ̆, amâodah hŏng klei khăp leh anăn ai tiê êdu?

II Kôrantô 13:10

Kâo čih klei anei êjai kâo êkŭt mơ̆ng diih, čiăng kơ tơdah kâo truh kơ diih, kâo amâo srăng ngă khăng ôh êjai kâo yua klei dưi Khua Yang brei leh kơ kâo čiăng đru diih hriê kơ prŏng leh anăn amâo djŏ čiăng mdlưh diih ôh.

II Kôrantô 13:2

Kâo hưn leh kơ phung ngă soh leh êlâo brei diñu răng, leh anăn kâo brei jih jang phung mkăn răng mơh, leh anăn kâo brei diñu răng ară anei êjai kâo êkŭt, msĕ si kâo ngă leh êjai kâo nao čhưn kơ diih tal dua, tơdah kâo lŏ truh kâo amâo srăng pap kơ diñu ôh —

II Kôrantô 7:11

Brei diih ksiêm ya klei ênguôt anăn tui si Aê Diê čiăng mjing leh hlăm diih: Ya klei hur har, ya klei čiăng bi sĭt klei diih jing êngeh, ya klei hƀŏk, ya klei bi huĭ, ya klei čiăng snăk, ya klei sĭt suôr, ya klei bi kmhal! Hlăm djăp mta, diih bi êdah leh diih pô amâo jing soh ôh hlăm bruă anăn.

Klei Mtô Mñă Klei Bhiăn 13:11

Snăn jih jang phung Israel srăng hmư̆ leh anăn huĭ, leh anăn amâo srăng lŏ ngă ôh klei ƀai msĕ snăn ti krah ih.

Klei Mtô Mñă Klei Bhiăn 21:21

Snăn jih jang phung êkei hlăm ƀuôn srăng bhĭr bi mdjiê ñu hŏng boh tâo. Msĕ snăn diih srăng bi doh klei jhat mơ̆ng krah diih; leh anăn jih jang phung Israel srăng hmư̆ leh anăn huĭ.”

Y-Yôsuê 22:20

Amâo djŏ hĕ Y-Akan anak êkei Y-Sêra amâo dôk sĭt suôr ôh kyua mnơ̆ng pioh leh kơ Yêhôwa, leh anăn klei Yêhôwa ngêñ truh kơ jih phung ƀuôn sang Israel? Leh anăn ñu amâo rai tuč hjăn ñu ôh kyua klei wê ñu.’ ”

Klei Bi Êdah 11:13

Ti mông anăn mâo klei yơ̆ng lăn ala ktang, leh anăn sa kdrêč hlăm pluh ƀuôn prŏng klưh. Kjuh êbâo čô mnuih djiê hlăm klei yơ̆ng lăn ala anăn, bi phung mkăn huĭ snăk leh anăn mpŭ mni kơ Aê Diê hlăm adiê.

Klei Bi Êdah 11:5

Hlei pô čiăng ngă jhat kơ diñu, pui kbiă mơ̆ng ƀăng êgei diñu leh anăn čuh phung roh diñu; hlei pô ngă jhat kơ diñu srăng tŭ klei djiê msĕ snăn yơh.