Bruă Phung Khua Ƀĭng Kna 5:41 - Klei Aê Diê Blŭ 2015

⁴¹ Snăn phung khua ƀĭng kna kbiă mơ̆ng anăp phung khua phat kđi, hơ̆k mơak kyuadah Aê Diê yap digơ̆ năng tŭ klei hêñ kyua anăn Yêsu.

Bruă Phung Khua Ƀĭng Kna 5:41 Iomraidhean Croise

Y-Êsai 51:7

Hmư̆ bĕ Kâo, Ơ diih phung thâo klei kpă, phung ƀuôn sang mâo klei bhiăn Kâo hlăm ai tiê. Đăm huĭ ôh kơ klei mnuih ƀuah, leh anăn đăm rŭng răng ôh kơ klei diñu dlao wač.

Y-Êsai 61:10

Kâo srăng hơ̆k mơak snăk hlăm Yêhôwa; mngăt kâo srăng bŏ hŏng klei hơ̆k kdơ̆k hlăm Aê Diê kâo. Kyuadah ñu bi hơô leh kâo hŏng čhiăm ao klei bi mtlaih, ñu guôm leh kâo hŏng ao jhung klei kpă ênô, msĕ si êkei dôk mô̆ mprăp ñu pô hŏng kwang mnga, msĕ si sa čô mniê dôk ung mprăp ñu pô hŏng boh tâo yuôm ñu.

Y-Êsai 65:14

Nĕ anei, phung dĭng buăl Kâo srăng mmuñ kyua ai tiê hơ̆k ƀiădah diih srăng ur krao kyua ruă ai tiê, leh anăn srăng čŏk hia kyua klei ênguôt ktrŏ.

Y-Êsai 66:5

Hmư̆ bĕ klei Yêhôwa blŭ, Ơ diih phung ktư̆ yơ̆ng kơ klei Ñu blŭ: “Phung ayŏng adei diih bi êmut kơ diih leh anăn suôt diih kyua anăn Kâo, diñu lač leh, ‘Brei Yêhôwa mâo klei guh kơang, čiăng kơ hmei dưi ƀuh klei hơ̆k mơak diih.’ Ƀiădah diñu yơh arăng srăng bi hêñ.”

Y-Luk 6:22

Jăk mơak yơh phung diih tơdah mnuih bi êmut kơ diih, tơdah diñu amâo jum ôh diih, dlao wač kơ diih, leh anăn hngah anăn diih msĕ si pô jhat kyua Anak Mnuih!

Y-Yôhan 15:21

Ƀiădah diñu srăng ngă jih klei anăn kơ diih kyua Kâo, kyuadah diñu amâo thâo kral ôh Pô tiŏ hriê Kâo.

Bruă Phung Khua Ƀĭng Kna 21:13

Ƀiădah Y-Pôl lŏ wĭt lač, “Ya diih ngă, hia leh anăn bi ênguôt ai tiê kâo? Kyuadah kâo kăp tŭ amâo djŏ knŏng brei arăng krư̆ ôh, ƀiădah wăt kăp tŭ klei djiê ti ƀuôn Yêrusalem kyua anăn Khua Yang Yêsu.”

Bruă Phung Khua Ƀĭng Kna 5:21

Hmư̆ klei anăn, aguah ưm diñu mŭt hlăm sang kkuh mpŭ leh anăn mtô. Khua ngă yang prŏng leh anăn phung mbĭt hŏng ñu truh. Diñu iêô bi kƀĭn phung khua phat kđi leh anăn jih jang phung khua mduôn phung Israel. Leh anăn diñu tiŏ nao brei atăt ba phung khua ƀĭng kna mơ̆ng war mnă.

Hră Y-Pôl Mơĭt kơ Phung Rôm 5:3

Amâo djŏ knŏng dŭm anăn ôh, drei hơ̆k mơak mơh êjai drei tŭ klei knap mñai, kyuadah drei thâo klei knap mñai anăn bi truh klei gĭr;

II Kôrantô 12:10

Snăn kyua Krist kâo mơak tŭ klei awăt, klei arăng dlao wač, klei dleh dlan, klei arăng ngă jhat, leh anăn klei jŭ jhat; kyuadah êjai kâo jing awăt, hlăk anăn kâo jing ktang.

Philip 1:29

Kyuadah Aê Diê brei leh kơ diih amâo djŏ knŏng đăo kơ Krist ôh, ƀiădah wăt tŭ klei knap mñai kyua Ñu msĕ mơh,

Hêbrơ 10:34

Kyuadah diih mâo leh klei thâo pap kơ phung mnă, leh anăn diih tŭ leh hŏng klei hơ̆k mơak klei arăng plah mă ngăn dŏ diih, kyuadah diih thâo leh diih pô mâo ngăn dŏ jăk hĭn leh anăn dôk hlŏng lar.

Hêbrơ 12:2

êjai dlăng kơ Yêsu, Pô khua leh anăn Pô bi klă klei đăo drei. Kyua klei mơak pioh leh ti anăp Ñu, Ñu tŭ klei knap mñai ti kyâo bi kal, amâo uêñ ôh tŭ klei hêñ, leh anăn dôk gŭ leh tĭng hnuă kơ jhưng mtao Aê Diê.

Y-Yakơ 1:2

Ơ phung ayŏng amai adei, tơdah diih tuôm hŏng klei lông dlăng lu mta, brei diih yap klei anăn jing klei hơ̆k mơak sơăi.

III Y-Yôhan 1:7

Kyuadah diñu hiu kyua anăn Krist, leh anăn amâo tuôm mă tŭ ôh sa mta mnơ̆ng mơ̆ng phung amâo đăo.