Bruă Phung Khua Ƀĭng Kna 5:4 - Klei Aê Diê Blŭ 2015

⁴ Tơdah ih ka čhĭ lăn anăn ôh, amâo djŏ hĕ gơ̆ ăt jing dŏ ih pô? Tơdah leh ih čhĭ lăn anăn, amâo djŏ hĕ ih dưi yua prăk anăn tui si ih čiăng? Si ih mĭn hlăm ai tiê ih ngă hĕ klei anei? Ih luar leh amâo djŏ kơ mnuih ôh, ƀiădah kơ Aê Diê yơh.”

Bruă Phung Khua Ƀĭng Kna 5:4 Iomraidhean Croise

I Klei Yăl Dliê 29:17

Ơ Aê Diê kâo, kâo thâo leh kơ ih lông dlăng ai tiê mnuih, leh anăn khăp kơ klei kpă ênô; hŏng ai tiê kpă kâo myơr leh hŏng klei êngiê jih jang mnơ̆ng anei, leh anăn ară anei kâo ƀuh leh phung ƀuôn sang ih dôk ti anei myơr kơ ih hŏng klei êngiê leh anăn hŏng klei hơ̆k kdơ̆k.

I Klei Yăl Dliê 29:3

Êbeh kơ anăn čiăng lŏ thiăm kơ jih jang mnơ̆ng kâo mâo leh pioh kơ sang doh jăk, kâo mâo leh ngăn drăp kâo pô mah leh anăn prăk, leh anăn kyuadah kâo khăp kơ sang Aê Diê kâo, kâo brei mnơ̆ng anăn kơ sang Aê Diê kâo:

I Klei Yăl Dliê 29:5

leh anăn pioh kơ jih jang bruă phung mbruă srăng ngă, mah pioh kơ mnơ̆ng ngă hŏng mah leh anăn prăk pioh kơ mnơ̆ng ngă hŏng prăk. Snăn hlei pô čiăng myơr ñu pô pioh brei kơ Yêhôwa hruê anei?”

I Klei Yăl Dliê 29:9

Snăn phung ƀuôn sang hơ̆k mơak kyuadah phung anăn brei leh hŏng ai tiê čiăng, kyuadah hŏng jih ai tiê leh anăn hŏng klei êngiê diñu myơr leh kơ Yêhôwa; msĕ mơh Mtao Đawit bŏ hŏng klei hơ̆k mơak.

Y-Yôp 15:35

Diñu mtian klei jhat leh anăn kkiêng klei ƀai, leh anăn ai tiê diñu mkra klei mplư.”

Klei Mmuñ Hđăp 139:4

Êlâo kơ êlah kâo blŭ, nĕ anei, Ơ Yêhôwa, Ih thâo leh klei kâo srăng blŭ anăn.

Klei Mmuñ Hđăp 7:14

Nĕ anei, mnuih ƀai kkiêng klei jhat; ñu ƀă klei wê, leh anăn kkiêng klei luar.

Klei Kbiă 16:8

Y-Môis lač, “Tơdah Yêhôwa brei kơ diih tlam anei čĭm ƀơ̆ng, leh anăn ti aguah kpŭng tơl trei, kyuadah Yêhôwa hmư̆ leh klei diih blŭ dŭñ dŭñ kơ Ñu — hlei hmei jing? Amâo djŏ kơ hmei ôh diih blŭ dŭñ dŭñ, ƀiădah kơ Yêhôwa yơh.”

Klei Kbiă 35:29

Jih jang êkei mniê phung ƀuôn sang Israel mâo ai tiê mtrŭt čiăng đru bruă Yêhôwa mtă kơ Y-Môis djă ba mnơ̆ng myơr kơ Yêhôwa tui si diñu čiăng.

Khua Pô Mtô 5:5

Jăk hĭn ih amâo tuôm ƀuăn ôh hŏng klei ih ƀuăn leh ƀiădah amâo bi sĭt ôh.

Y-Êsai 59:4

Amâo mâo sa čô kčŭt hŏng klei kpă ôh, amâo mâo sa čô phat kđi hŏng klei kpă ôh. Diñu knang kơ klei blŭ hơăi mang leh anăn blŭ luar. Diñu mĭn kơ klei jhat leh anăn ngă klei wê.

Y-Êsêkiêl 38:10

Snei Yêhôwa Aê Diê lač: “Hlăm hruê anăn ih srăng mâo klei mĭn leh anăn mkra hdră klei ngă jhat

Klei Yap 16:11

Kyua anăn ih leh anăn jih jang phung bi kƀĭn mbĭt hŏng ih bi kƀĭn čiăng bi kdơ̆ng hŏng Yêhôwa yơh. Hlei Y-Arôn jing tơl diih blŭ dŭñ dŭñ bi kdơ̆ng hŏng ñu?”

Y-Luk 10:16

Hlei pô dôk hmư̆ diih dôk hmư̆ Kâo yơh; leh anăn hlei pô hngah kơ diih hngah kơ Kâo yơh; leh anăn hlei pô hngah kơ Kâo hngah kơ Pô tiŏ hriê Kâo leh.”

Bruă Phung Khua Ƀĭng Kna 5:3

Ƀiădah Y-Pêtrôs lač, “Ơ Y-Ananias, si ngă Satan bi bŏ leh ai tiê ih brei luar kơ Yang Mngăt Jăk leh anăn pioh sa kdrêč ênoh lăn?

Bruă Phung Khua Ƀĭng Kna 5:9

Snăn Y-Pêtrôs lač kơ ñu, “Si ngă diih jing sa ai čiăng lông dlăng Yang Mngăt Jăk Khua Yang? Nĕ anei, jơ̆ng phung wĭt dơr ung ih truh leh ti ƀăng bhă, leh anăn diñu srăng kkung ba dơr ih msĕ mơh.”

I Kôrantô 8:8

Mnơ̆ng ƀơ̆ng huă amâo dưi brei drei nao giăm Aê Diê ôh. Tơdah drei amâo ƀơ̆ng drei amâo jing jhat hĭn ôh; leh anăn tơdah drei ƀơ̆ng drei amâo jing jăk hĭn ôh.

I Têsalônik 4:8

Snăn hlei pô hngah klei mtă anei, ñu hngah amâo djŏ kơ mnuih ôh, ƀiădah kơ Aê Diê yơh, Pô brei leh kơ diih Yang Mngăt Jăk Ñu.

Y-Philêmôn 1:14

Ƀiădah kâo amâo čiăng ngă sa mta klei ôh tơdah amâo mâo klei ih tŭ, čiăng kơ klei jăk ih ngă amâo djŏ hŏng klei mgô̆ ôh, ƀiădah tui si klei êngiê ih čiăng.

Y-Yakơ 1:15

Tơdah klei tluh hriê kơ prŏng, ñu kkiêng kơ klei soh; tơdah klei soh hriê kơ prŏng, ñu bi truh klei djiê.

I Y-Samuel 8:7

Yêhôwa lač kơ Y-Samuel, “Dôk hmư̆ bĕ kơ asăp phung ƀuôn sang hlăm jih klei diñu lač kơ ih; kyuadah diñu amâo hngah kơ ih ôh, ƀiădah diñu hngah kơ Kâo leh, amâo lŏ brei jing mtao kiă kriê diñu ôh.