Bruă Phung Khua Ƀĭng Kna 5:3 - Klei Aê Diê Blŭ 2015

³ Ƀiădah Y-Pêtrôs lač, “Ơ Y-Ananias, si ngă Satan bi bŏ leh ai tiê ih brei luar kơ Yang Mngăt Jăk leh anăn pioh sa kdrêč ênoh lăn?

Bruă Phung Khua Ƀĭng Kna 5:3 Iomraidhean Croise

Y-Yôp 22:13

Snăn ih lač, ‘Ya klei Aê Diê thâo? Dưi mơ̆ Aê Diê dlăng hlăm anôk mmăt kpal leh anăn phat kđi?

Klei Bi Hriêng 20:25

Jing kđông ƀêč yơh kơ mnuih pral đei ƀuăn brei mnơ̆ng doh jăk, leh anăn lŏ ksiêm êdei kơ klei ñu ƀuăn leh.

Khua Pô Mtô 5:4

Tơdah diih ƀuăn sa klei kơ Aê Diê, đăm lŏ bi kdung hruê bi sĭt klei anăn ôh, kyuadah Aê Diê amâo mơak ôh hŏng phung mluk. Bi sĭt bĕ ya klei diih ƀuăn.

Y-Êsai 29:15

Knap mñai yơh kơ phung mdăp mơ̆ng Yêhôwa klei diñu trông čhai hgăm, bruă diñu dôk ngă hlăm klei mmăt, leh anăn diñu lač, “Hlei ƀuh drei?” leh anăn “Hlei thâo kral drei?”

Y-Yêrêmi 23:24

“Dưi mơ̆ sa čô mdăp ñu pô hlăm anôk hgăm tơl Kâo amâo dưi ƀuh ñu ôh?” Yêhôwa lač. “Amâo djŏ hĕ Kâo bi bŏ phung adiê wăt lăn ala mơh?” Yêhôwa lač.

Y-Ôsê 11:12

Êphraim wang Kâo hŏng klei luar, sang Israel wang Kâo hŏng klei mplư; ƀiădah Yuđa êbat mbĭt hŏng Aê Diê, leh anăn dôk sĭt suôr hŏng Pô Doh Jăk.

Klei Yap 30:2

Tơdah sa čô êkei ngă leh klei ƀuăn kơ Yêhôwa, amâodah kat asei hŏng klei brei mnơ̆ng ƀuăn, ñu amâo dưi gao ôh klei ñu blŭ; brei ñu ngă jih tui si ñu blŭ leh.

Y-Mathiơ 13:19

Tơdah sa čô hmư̆ klei blŭ kơ ƀuôn ala mtao leh anăn amâo thâo săng ôh, pô jhat truh mă hĕ ya klei arăng rah leh hlăm ai tiê ñu, anei jing mjeh rah ktuê êlan.

Y-Luk 22:3

Hlăk anăn Satan mŭt hlăm Y-Yuđas arăng pia Iskariôt, sa čô hlăm phung pluh dua čô ƀĭng kna.

Y-Yôhan 13:2

Êjai diñu dôk huă ƀơ̆ng mlam, yang jhat dưm leh hlăm ai tiê Y-Yuđas Iskariôt, anak êkei Y-Simôn, klei mĭn lhiăr kơ Yêsu,

Y-Yôhan 13:27

Leh Y-Yuđas mă klŏ kpŭng anăn, yang Satan mŭt hlăm Y-Yuđas. Yêsu lač kơ Y-Yuđas, “Ya klei ih ngă, ngă bĕ bi djăl.”

Bruă Phung Khua Ƀĭng Kna 5:2

Ñu pioh sa kdrêč ênoh lăn kơ ñu pô, mô̆ ñu sa ai mơh leh anăn ba kdrêč adôk dưm ti jơ̆ng phung khua ƀĭng kna.

Bruă Phung Khua Ƀĭng Kna 5:4

Tơdah ih ka čhĭ lăn anăn ôh, amâo djŏ hĕ gơ̆ ăt jing dŏ ih pô? Tơdah leh ih čhĭ lăn anăn, amâo djŏ hĕ ih dưi yua prăk anăn tui si ih čiăng? Si ih mĭn hlăm ai tiê ih ngă hĕ klei anei? Ih luar leh amâo djŏ kơ mnuih ôh, ƀiădah kơ Aê Diê yơh.”

Bruă Phung Khua Ƀĭng Kna 5:9

Snăn Y-Pêtrôs lač kơ ñu, “Si ngă diih jing sa ai čiăng lông dlăng Yang Mngăt Jăk Khua Yang? Nĕ anei, jơ̆ng phung wĭt dơr ung ih truh leh ti ƀăng bhă, leh anăn diñu srăng kkung ba dơr ih msĕ mơh.”

Klei Mtô Mñă Klei Bhiăn 23:21

Tơdah diih ngă sa klei kat asei ƀuăn kơ Yêhôwa Aê Diê diih, đăm krư̆i ôh bi sĭt gơ̆; kyuadah sĭt nik Yêhôwa Aê Diê diih srăng brei diih bi sĭt, tơdah amâo yŏng sĭt klei anăn srăng jing soh kơ diih.

Y-Yakơ 4:7

Snăn đup gưt bĕ kơ Aê Diê. Bi kdơ̆ng bĕ hŏng yang jhat, leh anăn ñu srăng đuĕ kbưi mơ̆ng diih.

I Y-Pêtrôs 5:8

Brei diih dôk djŏ hnơ̆ng leh anăn dôk răng. Pô roh diih yang jhat dar jŭm diih msĕ si êmông gu gruh, duah hlei pô ñu dưi hiêk ƀơ̆ng.