Bruă Phung Khua Ƀĭng Kna 5:16 - Klei Aê Diê Blŭ 2015

¹⁶ Phung ƀuôn sang mơ̆ng ƀuôn jŭm dar nao kơ ƀuôn Yêrusalem, atăt ba phung ruă duam leh anăn phung mâo yang čhŏ ngă; leh anăn jih jang digơ̆ hlao sơăi.

Bruă Phung Khua Ƀĭng Kna 5:16 Iomraidhean Croise

Y-Mathiơ 2:16

Tơdah mtao Hêrôt thâo kơ phung knhâo ngă mnêč hŏng ñu leh, ñu ngêñ snăk, leh anăn ñu tiŏ nao arăng brei bi mdjiê hĕ jih jang phung anak êkei hlăm ƀuôn Betlêhem leh anăn tar ƀar krĭng anăn mơ̆ng phung mâo dua thŭn kơ gŭ, tui si ñu tĭng mơ̆ng thŭn phung knhâo hưn kơ ñu leh.

Y-Mathiơ 4:24

Snăn arăng hmư̆ hing kơ Ñu tar ƀar čar Siri. Digơ̆ atăt ba kơ Ñu jih phung mnuih ruă duam, mâo klei ruă mdê mdê, đa đa mâo yang jhat dôk hlăm digơ̆, phung mâo klei ruă kñhăk asei mlei, leh anăn phung êwiên. Ñu bi hlao digơ̆ jih.

Y-Mathiơ 8:16

Tlam anăn diñu atăt ba kơ Yêsu lu mnuih mâo yang jhat dôk hlăm digơ̆. Ñu suôt phung yang jhat anăn hŏng sa boh blŭ, leh anăn bi hlao jih jang phung ruă duam.

Y-Luk 5:17

Sa hruê, êjai Yêsu dôk mtô mâo phung Pharisi leh anăn phung khua pô mtô klei bhiăn dôk gŭ giăm Ñu. Digơ̆ hriê leh mơ̆ng grăp boh ƀuôn hlăm čar Galilê, čar Yuđa, leh anăn mơ̆ng ƀuôn Yêrusalem. Klei myang Khua Yang dôk mbĭt hŏng Ñu čiăng bi hlao klei ruă.

Y-Luk 6:18

Phung anăn hriê čiăng hmư̆ klei Ñu mtô leh anăn čiăng kơ hlao klei ruă duam. Phung knap mñai mâo yang čhŏ ngă hlao mơh.

Y-Luk 9:11

Tơdah phung lu thâo klei anăn, digơ̆ tui hlue Ñu. Yêsu jum digơ̆ leh anăn blŭ kơ digơ̆ klei ƀuôn ala mtao Aê Diê, leh anăn bi hlao phung ruă duam.

Y-Yôhan 14:12

Kâo lač kơ diih klei sĭt nik, hlei pô đăo kơ Kâo srăng ngă mơh bruă Kâo ngă; leh anăn ñu srăng ngă bruă prŏng hĭn kơ bruă Kâo ngă, kyuadah Kâo đuĕ nao kơ Ama.

Bruă Phung Khua Ƀĭng Kna 4:30

êjai Ih yơr kngan Ih bi hlao, leh anăn hŏng anăn dĭng buăl doh jăk Ih Yêsu, arăng ngă klei yuôm bhăn leh anăn klei bi knăl mdê.”

Bruă Phung Khua Ƀĭng Kna 5:15

Tơl arăng kkung ba phung ruă, dưm ti êlan dơ̆ng, brei digơ̆ dôk đih ti jhưng pĭt amâodah añuê buk, čiăng kơ tơdah Y-Pêtrôs găn tinăn, êyui ñu dưi guôm đa đa digơ̆.

Bruă Phung Khua Ƀĭng Kna 5:17

Ƀiădah khua ngă yang prŏng leh anăn jih jang phung mbĭt hŏng ñu, čiăng lač phung Sadusi, kgŭ bi kdơ̆ng bŏ hŏng klei nač.

I Kôrantô 12:9

kơ sa čô mkăn Yang Mngăt Jăk anăn mơh brei klei đăo, kơ sa čô mkăn Yang Mngăt Jăk anăn mơh brei klei dưi bi hlao arăng;

Y-Yakơ 5:16

Kyua anăn bi hưn bĕ klei soh hdơ̆ng diih, leh anăn đru wah lač hdơ̆ng diih, čiăng kơ diih dưi hlao. Klei sa čô mnuih kpă wah lač mâo klei myang leh anăn klei dưi.