Bruă Phung Khua Ƀĭng Kna 5:13 - Klei Aê Diê Blŭ 2015

¹³ Amâo mâo mnuih mkăn ôh jhŏng mŭt hlăm phung diñu, ƀiădah phung ƀuôn sang mpŭ mni snăk kơ diñu.

Bruă Phung Khua Ƀĭng Kna 5:13 Iomraidhean Croise

I Bruă Mtao 17:18

Mniê anăn lač kơ Y-Êli, “Ya klei ih mâo hŏng kâo, Ơ mnuih Aê Diê? Ih hriê leh kơ kâo čiăng bi hdơr kơ klei soh kâo, leh anăn bi mdjiê hĕ anak êkei kâo!”

Y-Êsai 33:14

Phung ngă soh hlăm ƀuôn Siôn huĭ, phung amâo mpŭ ôh kơ Aê Diê ktư̆ yơ̆ng. “Hlei hlăm phung drei dưi dôk hlăm pui trơ̆ng? Hlei hlăm phung drei dưi dôk hlăm êlah pui ƀơ̆ng hlŏng lar?”

Y-Luk 19:48

Ƀiădah diñu amâo ƀuh ôh ya klei diñu dưi ngă, kyuadah jih jang mnuih ƀuôn sang khăp hmư̆ jih klei Yêsu blŭ.

Y-Yôhan 12:42

Mâo lu wăt hlăm phung khua đăo kơ Gơ̆, ƀiădah diñu amâo hưn klei anăn ôh, kyua huĭ kơ phung Pharisi, huĭdah arăng suôt diñu mơ̆ng sang bi kƀĭn.

Y-Yôhan 19:38

Leh klei anăn Y-Yôsep ƀuôn Arimathê, jing sa čô ƀĭng kna Yêsu, ƀiădah hŏng klei hgăm kyua huĭ kơ phung Yuđa, akâo kơ Aê Pilat klei dưi mă asei mlei Yêsu. Aê Pilat brei mơh. Snăn ñu nao mă asei mlei Yêsu.

Y-Yôhan 9:22

Amĭ ama gơ̆ lač klei anăn kyuadah diñu huĭ kơ phung Yuđa; kyuadah phung Yuđa bi tŭ ư leh tơdah hlei pô hưn kơ Yêsu jing Yang Krist, arăng srăng suôt hĕ pô anăn mơ̆ng sang bi kƀĭn.

Bruă Phung Khua Ƀĭng Kna 19:17

Jih jang phung Yuđa leh anăn phung Grĕk dôk ti ƀuôn Êphêsô hmư̆ hing kơ klei anăn. Jih jang diñu huĭ; leh anăn arăng hơêč hmưi bi mni kơ anăn Khua Yang Yêsu.

Bruă Phung Khua Ƀĭng Kna 2:47

bi mni kơ Aê Diê leh anăn bi mơak kơ jih jang phung ƀuôn sang. Leh anăn grăp hruê Khua Yang lŏ thiăm kơ Phung Sang Aê Diê phung mă tŭ klei bi mtlaih.

Bruă Phung Khua Ƀĭng Kna 4:21

Tơdah leh diñu lŏ arưp aram kơ digơ̆, diñu phưi digơ̆, amâo ƀuh êlan dưi bi kmhal digơ̆ ôh kyua phung ƀuôn sang. Kyuadah jih jang mnuih mpŭ mni kơ Aê Diê kyua klei truh leh.

Bruă Phung Khua Ƀĭng Kna 5:26

Leh anăn khua kahan nao mbĭt hŏng phung khua leh anăn atăt ba phung khua ƀĭng kna, ƀiădah amâo ngă jhat ôh, kyuadah diñu huĭ kơ phung ƀuôn sang bhĭr boh tâo kơ diñu.

Bruă Phung Khua Ƀĭng Kna 5:5

Y-Ananias hmư̆ klei blŭ anăn, ñu lĕ buh leh anăn djiê. Jih jang phung hmư̆ klei anăn huĭ snăk.

II Kôrantô 10:15

Hmei amâo bi mni kơ hmei pô êgao hnơ̆ng ôh hlăm bruă phung mkăn ngă; ƀiădah hmei čang hmăng êjai klei diih đăo hriê kơ prŏng, bruă hmei ti krah diih srăng jing prŏng hĭn,