Bruă Phung Khua Ƀĭng Kna 5:11 - Klei Aê Diê Blŭ 2015

¹¹ Mâo klei huĭ prŏng snăk truh kơ jih jang Phung Sang Aê Diê, wăt truh kơ jih jang phung hmư̆ hing kơ klei anăn.

Bruă Phung Khua Ƀĭng Kna 5:11 Iomraidhean Croise

Klei Mmuñ Hđăp 89:7

Aê Diê jing Pô arăng huĭ hlăm klei bi kƀĭn phung doh jăk. Leh anăn Ñu jing prŏng leh anăn năng huĭ hĭn kơ jih jang phung dôk jŭm Ñu.

Y-Yêrêmi 32:40

Kâo srăng ngă klei bi mguôp hlŏng lar hŏng diñu, čiăng kơ Kâo amâo lui klei ngă jăk kơ diñu ôh; leh anăn Kâo srăng dưm klei huĭ mpŭ kơ Kâo hlăm ai tiê diñu, čiăng kơ diñu amâo lui wir Kâo ôh.

Bruă Phung Khua Ƀĭng Kna 19:17

Jih jang phung Yuđa leh anăn phung Grĕk dôk ti ƀuôn Êphêsô hmư̆ hing kơ klei anăn. Jih jang diñu huĭ; leh anăn arăng hơêč hmưi bi mni kơ anăn Khua Yang Yêsu.

Bruă Phung Khua Ƀĭng Kna 2:43

Jih jang mnuih mâo klei huĭ kyua phung khua ƀĭng kna ngă lu klei yuôm bhăn leh anăn klei bi knăl mdê.

Bruă Phung Khua Ƀĭng Kna 5:5

Y-Ananias hmư̆ klei blŭ anăn, ñu lĕ buh leh anăn djiê. Jih jang phung hmư̆ klei anăn huĭ snăk.

Bruă Phung Khua Ƀĭng Kna 9:31

Snăn Phung Sang Aê Diê hlăm tar ƀar čar Yuđa, čar Galilê, leh anăn čar Samari mâo klei êđăp ênang, hriê kơ prŏng; leh anăn kyuadah Phung Sang Aê Diê êbat hlăm klei huĭ mpŭ kơ Khua Yang leh anăn klei Yang Mngăt Jăk đru, diñu lŏ jing lu hĭn êjai.

Philip 2:12

Snăn Ơ phung ayŏng adei kâo khăp, msĕ si diih gưt leh nanao, amâo djŏ knŏng ti anăp kâo ôh, ƀiădah gưt lu hĭn ară anei êjai kâo êkŭt, mă bruă bĕ kyua klei bi mtlaih diih hŏng klei huĭ leh anăn klei ktư̆ yơ̆ng.

Hêbrơ 11:7

Hŏng klei đăo Y-Nôê gưt leh anăn ngă sa boh kŭmpăn čiăng bi mtlaih sang ñu, leh Aê Diê hưn kơ ñu kơ klei srăng truh ka arăng tuôm ƀuh ôh. Hŏng klei ngă snăn ñu phat kđi lăn ala leh anăn jing pô dưn klei kpă ênô truh kyua klei đăo.

Hêbrơ 12:15

Răng bĕ, đăm brei ôh sa čô kƀah mă tŭ klei Aê Diê pap; čiăng đăm brei “agha phĭ” čăt leh anăn ngă klei bi rŭng leh anăn bi čhŏ lu phung mkăn.

Hêbrơ 12:28

Kyua anăn brei drei hdơr knga kyua drei mă tŭ leh ƀuôn ala mtao arăng amâo dưi êyuh ôh. Snăn brei drei myơr kơ Aê Diê klei kkuh mpŭ bi mơak kơ Ñu hŏng klei mpŭ leh anăn klei huĭ.

Hêbrơ 4:1

Kyuanăn êjai ăt mâo klei ƀuăn dưi mŭt hlăm klei Ñu mdei, brei drei huĭ đăm brei sa čô hlăm phung diih Aê Diê ksiêm ƀuh amâo dưi mŭt ôh.

I Y-Pêtrôs 1:17

Leh anăn tơdah diih iêô Ama êjai wah lač kơ Aê Diê, Pô phat kđi grăp čô tui si bruă ñu amâo dlăng mnuih ti êngao ôh, brei diih hdĭp hŏng klei huĭ mpŭ êjai ênuk bhiâo diih dôk ti lăn ala.

Klei Bi Êdah 15:4

Ơ Khua Yang, hlei amâo srăng huĭ mpŭ leh anăn bi guh kơang anăn Ih? Kyuadah knŏng hjăn Ih jing doh jăk. Jih jang găp djuê mnuih srăng hriê kkuh mpŭ kơ Ih, kyuadah bruă kpă ênô Ih bi êdah leh.”