Bruă Phung Khua Ƀĭng Kna 4:7 - Klei Aê Diê Blŭ 2015

⁷ Tơdah diñu atăt ba Y-Pêtrôs leh anăn Y-Yôhan dôk ti anăp diñu, diñu êmuh, “Hŏng ya klei dưi amâodah hlăm hlei anăn diih ngă klei anei?”

Bruă Phung Khua Ƀĭng Kna 4:7 Iomraidhean Croise

Klei Kbiă 2:14

Mnuih anăn lŏ wĭt lač, “Hlei brei ih jing khua leh anăn khua phat kđi kơ hmei? Ih mĭn bi mdjiê kâo msĕ si ih bi mdjiê leh sa čô Êjip anăn mơ̆?” Leh anăn Y-Môis huĭ leh anăn lač, “Sĭt nik arăng thâo leh klei anăn.”

Y-Mathiơ 21:23

Êjai Yêsu mŭt hlăm Sang Kkuh Mpŭ, phung knơ̆ng khua ngă yang leh anăn phung khua mduôn hriê lač kơ Ñu êjai Ñu dôk mtô, “Hŏng ya klei dưi Ih ngă klei anei? Leh anăn hlei pô brei kơ Ih klei dưi anăn?”

Y-Markôs 11:28

Digơ̆ lač kơ Yêsu, “Hŏng ya klei dưi Ih ngă klei anei? Hlei pô brei kơ Ih klei dưi ngă klei anei?”

Y-Yôhan 2:18

Phung Yuđa lač kơ Ñu, “Ya klei yuôm bhăn Ih bi êdah kơ hmei brei Ih dưi ngă snăn?”

Y-Yôhan 8:3

Phung khua čih hră leh anăn phung Pharisi atăt ba sa čô mniê arăng mâo mă êjai gơ̆ tlĕ piu, dưm gơ̆ ti krah phung lu,

Y-Yôhan 8:9

Ƀiădah tơdah hmư̆ klei anăn, diñu đuĕ sa čô sa čô, dơ̆ng mơ̆ng pô mduôn hĭn; leh anăn Yêsu dôk hjăn mbĭt hŏng mniê anăn dôk dơ̆ng ti anăp Ñu.

Bruă Phung Khua Ƀĭng Kna 4:10

brei diih leh anăn jih jang phung ƀuôn sang Israel thâo klei anei, hlăm anăn Yêsu Krist ƀuôn Nasaret, Pô diih pơ̆ng leh ti kyâo bi kal, Pô Aê Diê bi kbiă lŏ hdĭp leh mơ̆ng phung djiê, Pô anăn yơh bi hlao leh mnuih dôk ti anăp diih anei.

Bruă Phung Khua Ƀĭng Kna 4:6

mbĭt hŏng khua ngă yang prŏng Y-Anas, Y-Kaip, Y-Yôhan, Y-Aleksanđơr, leh anăn jih jang phung găp djuê khua ngă yang prŏng.

Bruă Phung Khua Ƀĭng Kna 4:8

Hlăk anăn Y-Pêtrôs, bŏ hŏng Yang Mngăt Jăk, lač kơ diñu, “Ơ phung khua kiă kriê phung ƀuôn sang leh anăn phung khua mduôn,

Bruă Phung Khua Ƀĭng Kna 5:40

Snăn diñu tŭ klei Y-Gamaliêl kčĕ. Tơdah diñu lŏ iêô phung khua ƀĭng kna mŭt, diñu čăm digơ̆ hŏng giê, ghă digơ̆ amâo brei blŭ hlăm anăn Yêsu ôh, leh anăn phưi digơ̆.