Bruă Phung Khua Ƀĭng Kna 4:12 - Klei Aê Diê Blŭ 2015

¹² Amâo mâo klei bi mtlaih hlăm pô mkăn ôh, kyuadah ti gŭ adiê amâo mâo ôh anăn mkăn arăng brei leh kơ mnuih čiăng kơ hŏng ñu yơh drei dưi mâo klei bi mtlaih.”

Bruă Phung Khua Ƀĭng Kna 4:12 Iomraidhean Croise

Klei Mphŭn Dơ̆ng 7:19

Êa đĭ hĭn nanao ti dlông lăn ala tơl jih jang čư̆ dlông ti gŭ adiê hgăm sơăi.

Y-Yôp 41:11

Hlei pô brei leh kơ Kâo, tơl Kâo srăng lŏ tla wĭt kơ ñu? Jih jang mnơ̆ng ti gŭ jih adiê jing dŏ Kâo.

Klei Mmuñ Hđăp 45:17

Kâo srăng brei anăn ih jing hing ang hlăm jih jang ênuk; kyuanăn phung ƀuôn sang srăng mpŭ mni kơ ih nanao hlŏng lar.

Y-Mathiơ 1:21

Gơ̆ srăng kkiêng kơ sa čô anak êkei, leh anăn brei ih bi anăn Ñu Yêsu, kyuadah Ñu srăng bi mtlaih phung ƀuôn sang Ñu mơ̆ng klei soh digơ̆.”

Y-Luk 24:47

leh anăn djŏ kơ klei arăng srăng mtô hlăm anăn Ñu kơ jih jang găp djuê mnuih dơ̆ng mơ̆ng ƀuôn Yêrusalem, klei kmhal leh anăn klei pap brei kơ klei soh.

Y-Yôhan 14:6

Yêsu lač kơ gơ̆, “Kâo jing êlan, klei sĭt nik, leh anăn klei hdĭp; amâo mâo pô dưi nao kơ Ama, knŏng hŏng Kâo.

Y-Yôhan 3:36

Hlei pô đăo kơ Anak mâo leh klei hdĭp hlŏng lar; hlei pô amâo gưt kơ Anak amâo srăng ƀuh ôh klei hdĭp, ƀiădah klei Aê Diê ngêñ dôk leh ti ñu.

Bruă Phung Khua Ƀĭng Kna 13:26

Ơ phung ayŏng adei, phung anak čô găp djuê Y-Abraham, leh anăn Ơ diih phung tue huĭ mpŭ kơ Aê Diê, kơ drei yơh Aê Diê hưn leh klei bi mtlaih anei.

Bruă Phung Khua Ƀĭng Kna 2:5

Hlăk anăn mâo ti ƀuôn Yêrusalem phung Yuđa, phung kriăng kkuh mpŭ kơ Aê Diê hriê mơ̆ng jih jang găp djuê mnuih ti gŭ adiê.

I Kôrantô 3:11

Kyuadah amâo mâo atur mkăn ôh Aê Diê dưi dưm, knŏng atur Ñu dưm leh, jing Yêsu Krist.

Kôlôs 1:23

knŏng tơdah diih ăt dôk kjăp hlăm klei đăo, amâo kpleh mơ̆ng klei čang hmăng kbiă hriê mơ̆ng klei mrâo mrang jăk diih hmư̆ leh. Klei anăn arăng mtô leh kơ jih jang mnuih ti gŭ adiê, leh anăn kâo gơ̆, Y-Pôl, jing sa čô dĭng ktang kơ klei anăn.

Hêbrơ 12:25

Răng bĕ, đăm hngah kơ Pô dôk blŭ ôh. Kyuadah tơdah phung anăn amâo tlaih ôh klei bi kmhal tơdah diñu hngah hmư̆ pô brei diñu răng ti lăn ala, sĭt nik drei amâo srăng tlaih ôh tơdah drei hngah kơ Pô blŭ brei răng mơ̆ng adiê.

Hêbrơ 2:3

si drei srăng dưi tlaih tơdah drei amâo uêñ ôh kơ klei bi mtlaih prŏng snăn? Tal êlâo Khua Yang hưn klei bi mtlaih anăn, leh anăn phung hmư̆ leh Ñu hưn bi sĭt kơ hmei,

Klei Bi Êdah 20:15

Hlei pô amâo mâo anăn čih leh hlăm hdruôm hră klei hdĭp, arăng dlăm ñu hlăm ênao pui.