Bruă Phung Khua Ƀĭng Kna 3:26 - Klei Aê Diê Blŭ 2015

²⁶ Aê Diê bi kbiă lŏ hdĭp leh dĭng buăl Ñu, leh anăn tiŏ nao Gơ̆ kơ diih êlâo hĭn, čiăng brei klei hơêč hmưi kơ diih êjai Ñu bi wir đuĕ grăp čô hlăm phung diih mơ̆ng klei soh jhat.”

Bruă Phung Khua Ƀĭng Kna 3:26 Iomraidhean Croise

Klei Mmuñ Hđăp 72:17

Brei anăn ñu dôk hlŏng lar, brei klei hing ang ñu ăt dôk êjai yang hruê ăt dôk. Brei jih jang găp djuê mnuih mâo klei jăk jĭn kyua ñu, brei jih jang digơ̆ hơêč hmưi kơ ñu.

Y-Yêrêmi 31:18

Kâo hmư̆ leh phung Êphraim krao, ‘Ih mkra kâo leh msĕ si sa drei êđai êmô ka arăng mjuăt, leh anăn kâo tŭ leh klei anăn; atăt bĕ kâo wĭt čiăng kơ kâo dưi lŏ mâo klei jăk jĭn, kyuadah Ih jing Yêhôwa Aê Diê kâo.

Y-Mathiơ 1:21

Gơ̆ srăng kkiêng kơ sa čô anak êkei, leh anăn brei ih bi anăn Ñu Yêsu, kyuadah Ñu srăng bi mtlaih phung ƀuôn sang Ñu mơ̆ng klei soh digơ̆.”

Y-Mathiơ 15:24

Yêsu lŏ wĭt lač, “Arăng tiŏ hriê Kâo knŏng kơ phung biăp luč leh hlăm sang Israel.”

Y-Luk 24:47

leh anăn djŏ kơ klei arăng srăng mtô hlăm anăn Ñu kơ jih jang găp djuê mnuih dơ̆ng mơ̆ng ƀuôn Yêrusalem, klei kmhal leh anăn klei pap brei kơ klei soh.

Y-Yôhan 4:22

Diih kkuh mpŭ kơ pô diih amâo thâo kral ôh; bi hmei dê hmei kkuh mpŭ kơ Pô hmei thâo kral leh, kyuadah klei bi mtlaih kbiă hriê mơ̆ng phung Yuđa.

Bruă Phung Khua Ƀĭng Kna 1:8

Ƀiădah tơdah Yang Mngăt Jăk truh kơ diih; diih srăng mă tŭ klei myang leh anăn diih srăng jing phung hưn bi sĭt kơ Kâo hlăm ƀuôn Yêrusalem, hlăm tar čar Yuđa, čar Samari, leh anăn tơl truh ti knhal lăn ala.”

Bruă Phung Khua Ƀĭng Kna 13:26

Ơ phung ayŏng adei, phung anak čô găp djuê Y-Abraham, leh anăn Ơ diih phung tue huĭ mpŭ kơ Aê Diê, kơ drei yơh Aê Diê hưn leh klei bi mtlaih anei.

Bruă Phung Khua Ƀĭng Kna 2:24

Ƀiădah Aê Diê bi kbiă lŏ hdĭp Ñu leh, bi êngiê leh Ñu mơ̆ng klei myang klei djiê, kyuadah klei djiê amâo dưi kơ̆ng Ñu ôh.

Bruă Phung Khua Ƀĭng Kna 2:32

Yêsu anei Aê Diê bi kbiă lŏ hdĭp leh, leh anăn jih jang phung hmei jing phung hưn bi sĭt kơ klei anăn.

Bruă Phung Khua Ƀĭng Kna 26:20

Ƀiădah kâo hưn tal êlâo hĭn kơ phung dôk ti ƀuôn Damas, leh anăn ti ƀuôn Yêrusalem, leh anăn tar ƀar čar Yuđa, leh anăn kơ phung tue msĕ mơh, brei diñu kmhal kơ klei soh leh anăn wĭt kơ Aê Diê, leh anăn bi êdah bruă năng hŏng klei diñu kmhal kơ klei soh.

Bruă Phung Khua Ƀĭng Kna 3:13

Aê Diê Y-Abraham, Y-Isăk, leh anăn Y-Yakôp, Aê Diê phung aê drei bi guh kơang leh dĭng buăl Ñu Yêsu, Pô diih hngah leh anăn jao leh ti anăp Aê Pilat, tơdah Aê Pilat čiăng phưi Gơ̆.

Bruă Phung Khua Ƀĭng Kna 3:15

Diih bi mdjiê leh Khua Klei Hdĭp, Pô Aê Diê bi kbiă lŏ hdĭp leh mơ̆ng phung djiê. Kơ klei anăn hmei jing phung hưn bi sĭt.

Bruă Phung Khua Ƀĭng Kna 3:20

leh anăn čiăng kơ hruê lŏ bi mrâo srăng hriê mơ̆ng Khua Yang, leh anăn Ñu dưi tiŏ hriê Yang Krist, Pô Ñu čuăn leh kơ diih, jing Yêsu.

Bruă Phung Khua Ƀĭng Kna 3:22

Y-Môis lač, ‘Khua Yang Aê Diê srăng bi kbiă mơ̆ng phung ayŏng adei diih sa čô khua pô hưn êlâo msĕ si kâo. Brei diih mđing knga dôk hmư̆ jih klei Ñu blŭ kơ diih.

Bruă Phung Khua Ƀĭng Kna 3:25

Diih jing anak čô phung khua pô hưn êlâo leh anăn klei bi mguôp Aê Diê ngă leh hŏng phung aê drei, êjai lač kơ Y-Abraham, ‘Jih jang phung găp djuê mnuih ti lăn ala srăng mâo klei hơêč hmưi mơ̆ng anak čô ih.’

Hră Y-Pôl Mơĭt kơ Phung Rôm 1:16

Sĭt nik kâo amâo hêñ ôh kơ klei mrâo mrang jăk, kyuadah ñu jing klei myang Aê Diê pioh bi mtlaih grăp čô hlei pô đăo, phung Yuđa êlâo hĭn, leh anăn wăt phung Grĕk mơh.

Hră Y-Pôl Mơĭt kơ Phung Rôm 15:29

Kâo thâo tơdah kâo truh kơ diih, kâo srăng truh bŏ hŏng klei jăk jĭn mơ̆ng Krist.

Hră Y-Pôl Mơĭt kơ Phung Rôm 15:8

Kyuadah kâo hưn kơ diih klei Krist jing leh dĭng buăl kơ phung khăt klĭt kyua klei sĭt nik Aê Diê, čiăng bi sĭt klei Ñu ƀuăn leh kơ phung aê phŭn drei,

Êphêsô 1:3

Bi mni kơ Aê Diê, Ama Khua Yang drei Yêsu Krist, Pô brei leh kơ drei hlăm Krist djăp mta klei jăk jĭn myang ti jih anôk hlăm adiê.

I Y-Pêtrôs 1:3

Mpŭ mni kơ Aê Diê, Ama Khua Yang drei Yêsu Krist! Hŏng klei Ñu pap prŏng snăk Ñu bi kkiêng drei mrâo leh, brei drei mâo klei čang hmăng hdĭp kyua klei Yêsu Krist kbiă lŏ hdĭp mơ̆ng phung djiê.

I Y-Pêtrôs 3:9

Đăm bi wĭt klei jhat kơ klei jhat arăng ngă ôh, kăn bi wĭt klei dlao wač kơ klei arăng dlao wač rei; ƀiădah lĕ hơêč hmưi bĕ klei jăk jĭn, kyua kơ klei anăn Aê Diê iêô diih leh, čiăng kơ diih dưi dưn klei jăk jĭn.

Y-Yut 1:24

Snăn, kơ Pô dưi mgang diih mơ̆ng klei lĕ, leh anăn dưi bi êdah diih amâo mâo klei ƀuah ôh leh anăn hơ̆k mơak ti anăp klei guh kơang Ñu,