Bruă Phung Khua Ƀĭng Kna 3:25 - Klei Aê Diê Blŭ 2015

²⁵ Diih jing anak čô phung khua pô hưn êlâo leh anăn klei bi mguôp Aê Diê ngă leh hŏng phung aê drei, êjai lač kơ Y-Abraham, ‘Jih jang phung găp djuê mnuih ti lăn ala srăng mâo klei hơêč hmưi mơ̆ng anak čô ih.’

Bruă Phung Khua Ƀĭng Kna 3:25 Iomraidhean Croise

Klei Mphŭn Dơ̆ng 12:3

Kâo srăng brei klei jăk jĭn kơ hlei pô brei klei jăk jĭn kơ ih; Kâo srăng tăm pah kơ hlei pô tăm pah kơ ih; leh anăn hlăm ih jih jang găp djuê mnuih hlăm lăn ala srăng mâo klei jăk jĭn.”

Klei Mphŭn Dơ̆ng 17:19

Aê Diê lač, “Hơăi, ƀiădah H'Sara mô̆ ih srăng kkiêng sa čô anak êkei kơ ih, leh anăn brei ih bi anăn ñu Y-Isăk; Kâo srăng bi kjăp klei Kâo bi mguôp hŏng ñu jing klei bi mguôp hlŏng lar kơ phung anak čô ñu kơ êdei.

Klei Mphŭn Dơ̆ng 18:18

Kyuadah Y-Abraham srăng jing sa phung găp djuê prŏng leh anăn ktang, leh anăn jih jang phung găp djuê hlăm lăn ala srăng mâo klei jăk jĭn hlăm ñu.

Klei Mphŭn Dơ̆ng 20:7

Snăn ară anei bi wĭt bĕ kơ êkei anăn mô̆ ñu, kyuadah ñu jing sa čô khua pô hưn êlâo. Ñu srăng wah lač kơ ih, leh anăn ih srăng dôk hdĭp. Ƀiădah tơdah ih amâo bi wĭt gơ̆ ôh, brei ih thâo ih srăng djiê sĭt nik, wăt jih jang mnuih hlăm sang ih.”

Klei Mphŭn Dơ̆ng 22:18

Jih jang phung găp djuê hlăm lăn ala srăng mâo klei jăk jĭn kyua phung anak čô ih, kyuadah ih gưt leh asăp Kâo.”

Klei Mphŭn Dơ̆ng 26:4

Kâo srăng bi lar phung anak čô ih msĕ si mtŭ hlăm adiê; leh anăn Kâo srăng brei jih čar anei kơ phung anak čô ih. Jih jang găp djuê hlăm lăn ala srăng mâo klei jăk jĭn kyua phung anak čô ih;

Klei Mphŭn Dơ̆ng 28:14

Phung anak čô ih srăng jing lu msĕ si ƀruih lăn; ih srăng bi lar phă yŭ, phă ngŏ, phă dưr, leh anăn phă dhŭng, leh anăn jih jang phung găp djuê hlăm lăn ala srăng mâo klei jăk jĭn kyua ih leh anăn kyua phung anak čô ih.

I Klei Yăl Dliê 16:16

klei bi mguôp ñu ngă leh hŏng Y-Abraham, klei ñu kat asei ƀuăn kơ Y-Isăk,

I Klei Yăl Dliê 16:17

klei anăn ñu bi kjăp leh jing klei bhiăn kơ Y-Yakôp, jing klei bi mguôp hlŏng lar kơ phung Israel,

Y-Nêhêmi 9:8

leh anăn Ih ƀuh leh ai tiê ñu dôk sĭt suôr ti anăp Ih, leh anăn ngă leh klei bi mguôp hŏng ñu čiăng brei kơ phung anak čô ñu čar phung Kanaan, phung Hitit, phung Amôrit, phung Pêrisit, phung Jêbusit, leh anăn phung Girgasit; leh anăn Ih bi sĭt leh klei ih ƀuăn, kyuadah Ih jing kpă ênô.

Klei Mmuñ Hđăp 22:27

Jih jang knhal lăn ala srăng hdơr leh anăn wĭt kơ Yêhôwa; jih jang găp djuê mnuih srăng buôn kkuh ti anăp Ñu.

Klei Mmuñ Hđăp 96:7

Myơr bĕ kơ Yêhôwa, Ơ găp djuê phung ƀuôn sang, myơr bĕ kơ Yêhôwa klei guh kơang leh anăn klei myang.

Y-Luk 1:72

čiăng bi sĭt klei pap Ñu ƀuăn leh kơ phung aê drei, leh anăn hdơr klei bi mguôp doh jăk Ñu ngă leh,

Bruă Phung Khua Ƀĭng Kna 13:26

Ơ phung ayŏng adei, phung anak čô găp djuê Y-Abraham, leh anăn Ơ diih phung tue huĭ mpŭ kơ Aê Diê, kơ drei yơh Aê Diê hưn leh klei bi mtlaih anei.

Bruă Phung Khua Ƀĭng Kna 2:39

Kyuadah klei ƀuăn pioh kơ diih, kơ phung anak diih, leh anăn kơ jih jang hlei pô dôk kbưi, kơ grăp čô mnuih Khua Yang Aê Diê drei srăng iêô kơ Ñu.”

Hră Y-Pôl Mơĭt kơ Phung Rôm 15:8

Kyuadah kâo hưn kơ diih klei Krist jing leh dĭng buăl kơ phung khăt klĭt kyua klei sĭt nik Aê Diê, čiăng bi sĭt klei Ñu ƀuăn leh kơ phung aê phŭn drei,

Hră Y-Pôl Mơĭt kơ Phung Rôm 4:13

Klei Aê Diê ƀuăn kơ Y-Abraham leh anăn kơ phung anak čô ñu brei ñu srăng dưn lăn ala, amâo truh kyua klei bhiăn ôh, ƀiădah kyua klei kpă ênô mơ̆ng klei đăo.

Galati 3:16

Aê Diê brei leh klei ƀuăn kơ Y-Abraham leh anăn kơ čô čĕ ñu. Klei Aê Diê Blŭ amâo lač ôh, “Kơ phung čô čĕ”, djŏ kơ lu mnuih, ƀiădah lač djŏ “kơ čô čĕ ih”, Pô anăn jing Krist.

Galati 3:29

Leh anăn tơdah diih jing dŏ Krist, diih jing phung čô čĕ Y-Abraham, jing phung dưn ngăn tui si klei ƀuăn.

Galati 3:8

Leh anăn Klei Aê Diê Blŭ hưn leh êlâo kơ Aê Diê srăng yap kpă phung tue hŏng klei đăo, snăn Klei Aê Diê Blŭ anăn mtô leh êlâo klei mrâo mrang jăk kơ Y-Abraham, lač, “Hlăm ih jih jang găp djuê mnuih srăng mâo klei jăk jĭn.”

Klei Bi Êdah 14:6

Êdei tinăn kâo ƀuh sa čô dĭng buăl jăk mkăn phiơr ti krah adiê. Ñu mâo klei mrâo mrang jăk hlŏng lar čiăng hưn kơ phung dôk ti lăn ala, kơ jih jang găp djuê mnuih, jih jang djuê ana, jih jang klei blŭ mdê mdê, leh anăn jih jang phung ƀuôn sang.

Klei Bi Êdah 5:9

Diñu mmuñ sa klei mmuñ mrâo snei, “Ih mâo klei năng mă hdruôm hră klĭt anăn leh anăn ruh mnơ̆ng kđăm, kyuadah arăng bi mdjiê Ih leh, leh anăn hŏng êrah Ih Pô Ih bi tui leh phung mnuih kơ Aê Diê mơ̆ng jih jang krĭng, jih jang klei blŭ, jih jang ƀuôn sang, leh anăn jih jang găp djuê mnuih.

Klei Bi Êdah 7:9

Leh klei anăn kâo dlăng leh anăn nĕ anei, mâo phung mnuih lu snăk arăng amâo dưi yap ôh, mơ̆ng jih jang găp djuê mnuih, mơ̆ng jih jang djuê ana, mơ̆ng jih jang phung ƀuôn sang, leh anăn jih jang klei blŭ. Diñu dôk dơ̆ng ti anăp jhưng mtao leh anăn ti anăp Êđai Biăp, hơô leh ao jhung kô̆ leh anăn djă pak ana boh đung hlăm kngan diñu.