Bruă Phung Khua Ƀĭng Kna 3:22 - Klei Aê Diê Blŭ 2015

²² Y-Môis lač, ‘Khua Yang Aê Diê srăng bi kbiă mơ̆ng phung ayŏng adei diih sa čô khua pô hưn êlâo msĕ si kâo. Brei diih mđing knga dôk hmư̆ jih klei Ñu blŭ kơ diih.

Bruă Phung Khua Ƀĭng Kna 3:22 Iomraidhean Croise

Y-Mathiơ 21:11

Phung lu lŏ wĭt lač, “Pô anei jing Yêsu, khua pô hưn êlâo mơ̆ng ƀuôn Nasaret čar Galilê.”

Y-Luk 13:33

Wăt tơdah snăn Kâo ăt srăng êbat nao hruê anei, mgi, leh anăn aguah dih; kyuadah amâo dưi ôh sa čô khua pô hưn êlâo djiê kbưi mơ̆ng ƀuôn Yêrusalem.’

Y-Luk 24:19

Yêsu lač kơ diñu, “Ya klei anăn?” Diñu lač kơ Yêsu, “Klei truh leh kơ Yêsu ƀuôn Nasaret; Gơ̆ jing sa čô khua pô hưn êlâo myang snăk hlăm bruă ngă leh anăn hlăm klei blŭ ti anăp Aê Diê leh anăn ti anăp jih jang phung ƀuôn sang.

Y-Yôhan 1:17

Kyuadah Aê Diê brei leh klei bhiăn hŏng Y-Môis; ƀiădah klei pap leh anăn klei sĭt nik mâo hŏng Yêsu Krist.

Y-Yôhan 12:46

Kâo jing klei mngač hriê leh kơ lăn ala, čiăng kơ hlei pô đăo kơ Kâo amâo lŏ dôk hlăm klei mmăt ôh.

Y-Yôhan 5:24

Kâo lač kơ diih klei sĭt nik, hlei pô hmư̆ klei Kâo blŭ leh anăn đăo kơ Pô tiŏ hriê Kâo, mâo leh klei hdĭp hlŏng lar; ñu amâo srăng truh kơ klei phat kđi ôh, ƀiădah ñu găn leh klei djiê nao kơ klei hdĭp.

Y-Yôhan 8:12

Yêsu lŏ blŭ kơ phung diñu, lač, “Kâo jing klei mngač kơ lăn ala. Hlei pô tui hlue Kâo amâo srăng êbat hlăm klei mmăt ôh, ƀiădah srăng mâo klei mngač kơ klei hdĭp.”

Bruă Phung Khua Ƀĭng Kna 7:37

Y-Môis anei yơh blŭ leh kơ phung Israel snei, ‘Aê Diê srăng bi kbiă mơ̆ng phung ayŏng adei diih sa čô khua pô hưn êlâo msĕ si kâo.’

Hră Y-Pôl Mơĭt kơ Phung Rôm 8:3

Kyuadah ya klei bhiăn amâo dưi ngă ôh, kyua kđeh bi awăt klei bhiăn, Aê Diê ngă leh. Klei Ñu ngă snei: Ñu tiŏ hriê Anak Ñu pô brei Gơ̆ jing mnuih msĕ si mnuih mâo kđeh drei, leh anăn jing mnơ̆ng ngă yang kơ klei soh; snăn Ñu phat kđi klei soh hlăm kđeh,

Hră Y-Pôl Mơĭt kơ Phung Rôm 9:5

Diñu kbiă hriê mơ̆ng phung aê phŭn, leh anăn Krist kbiă hriê mơ̆ng găp djuê diñu tui si kđeh, Pô jing khua kơ jih jang, Pô jing Aê Diê năng mâo klei mpŭ mni hlŏng lar. Amen.

Galati 4:4

Ƀiădah tơdah hruê bi kčah truh leh, Aê Diê tiŏ hriê Anak Ñu, brei sa čô mniê kkiêng, čiăng kơ Ñu dôk hdĭp ti gŭ klei bhiăn

Hêbrơ 2:1

Kyuanăn brei drei mđing knga jăk hĭn kơ klei drei hmư̆ leh, huĭdah drei srăng klah đuĕ mơ̆ng klei anăn.

Hêbrơ 5:9

leh anăn tơdah leh Ñu jing jăk klă, Ñu jing akŏ kơ klei bi mtlaih hlŏng lar kơ jih jang hlei pô gưt asăp kơ Ñu.

Klei Bi Êdah 1:1

Klei Yêsu Krist bi êdah tui si Aê Diê brei leh kơ Ñu, čiăng kơ Ñu bi êdah kơ phung dĭng buăl Ñu klei srăng truh djăl. Ñu bi êdah klei anăn hŏng klei Ñu tiŏ nao sa čô dĭng buăl jăk Ñu hưn bi êdah kơ dĭng buăl Ñu Y-Yôhan.