Bruă Phung Khua Ƀĭng Kna 3:19 - Klei Aê Diê Blŭ 2015

¹⁹ Kyuanăn kmhal bĕ kơ klei soh diih leh anăn lŏ wĭt kơ Aê Diê, čiăng kơ Ñu pap brei klei soh diih,

Bruă Phung Khua Ƀĭng Kna 3:19 Iomraidhean Croise

Klei Mmuñ Hđăp 103:12

Msĕ si ngŏ kbưi mơ̆ng yŭ, snăn mơh Ñu bi kbưi klei soh drei mơ̆ng drei.

Klei Mmuñ Hđăp 51:13

Hlăk anăn kâo srăng mtô êlan Ih kơ phung gao klei bhiăn, leh anăn phung soh srăng wĭt kơ Ih.

Klei Mmuñ Hđăp 51:9

Đăm lŏ dlăng kơ klei soh kâo ôh, leh anăn lăm hĕ jih klei wê kâo.

Y-Êsai 43:25

Kâo, Kâo yơh jing Pô lăm hĕ klei diih gao klei bhiăn kyua anăn Kâo pô, leh anăn Kâo amâo srăng lŏ hdơr kơ klei soh diih ôh.

Y-Êsai 44:22

Kâo lăm leh klei diih gao klei bhiăn msĕ si knam jŭ, leh anăn klei soh diih msĕ si knam kpal. Lŏ wĭt bĕ kơ Kâo, kyuadah Kâo bi tui diih leh.

Y-Êsai 51:11

Phung Yêhôwa bi tui leh srăng lŏ wĭt, leh anăn hriê kơ ƀuôn Siôn hŏng klei mmuñ, đua đuôn mtao klei mơak hlŏng lar; diñu srăng mâo klei mơak leh anăn klei hơ̆k kdơ̆k, klei ênguôt leh anăn klei krao srăng đuĕ jih.

Y-Êsai 6:10

Brei ih bi khăng hĕ ai tiê phung ƀuôn sang anei; bi ktrŏ hĕ ƀăng knga diñu, leh anăn bi pĭt hĕ ală diñu, huĭdah diñu ƀuh hŏng ală diñu, hmư̆ hŏng knga diñu, leh anăn ai tiê diñu thâo săng, leh anăn diñu lŏ wĭt leh anăn lŏ mâo klei bi hlao.”

Y-Êsai 61:3

čiăng brei kơ phung kơŭ kyăm hlăm ƀuôn Siôn — čiăng brei kơ diñu kwang mnga hrô kơ hbâo, êa ƀâo mngưi klei hơ̆k hrô kơ klei kơŭ kyăm, čhiăm ao klei bi mni hrô kơ klei mĭn êdu ai. Arăng srăng pia diñu kyâo klei kpă ênô mnơ̆ng Yêhôwa pla leh, čiăng kơ Yêhôwa dưi mâo klei guh kơang.

Y-Êsai 61:9

Arăng srăng thâo kral phung anak čô diñu ti krah phung găp djuê mnuih, leh anăn phung čô čĕ diñu ti krah phung ƀuôn sang. Jih jang phung ƀuh diñu srăng thâo săng diñu jing sa phung ƀuôn sang Yêhôwa hơêč hmưi leh.”

Y-Yêrêmi 36:3

Năng ai sang Israel srăng hmư̆ jih jang klei jhat Kâo mĭn leh čiăng ngă kơ diñu, snăn grăp čô dưi wir đuĕ mơ̆ng êlan jhat ñu, snăn Kâo dưi pap brei klei wê leh anăn klei soh diñu.”

Y-Yêrêmi 50:20

Hlăm hruê anăn leh anăn hlăm ênuk anăn,” Yêhôwa lač, “arăng srăng duah klei wê hlăm phung Israel, ƀiădah amâo srăng ƀuh ôh; arăng srăng duah klei soh hlăm phung Yuđa, ƀiădah amâo srăng ƀuh ôh; kyuadah Kâo srăng pap brei kơ phung Kâo pioh ăt dôk.”

Klei Čŏk Hia 3:40

Brei drei lông dlăng leh anăn ksiêm êlan drei, leh anăn lŏ wĭt kơ Yêhôwa!

Klei Čŏk Hia 5:21

Lŏ bi wĭt hmei bĕ, Ơ Yêhôwa, čiăng kơ hmei dưi lŏ wĭt; lŏ bi mrâo bĕ hruê hmei msĕ si mphŭn dô!

Y-Êsêkiêl 33:11

Lač bĕ kơ diñu, ‘Tui si Kâo dôk hdĭp, Yêhôwa Aê Diê lač, Kâo amâo mơak ôh kơ pô soh djiê, ƀiădah čiăng kơ pô soh lui êlan soh ñu leh anăn dôk hdĭp; wir đuĕ bĕ, wir đuĕ bĕ mơ̆ng êlan soh diih; kyuadah si ngă diih čiăng djiê, Ơ sang Israel?’

Y-Đaniel 9:13

Tui si čih leh hlăm klei bhiăn Y-Môis, jih klei jhat anei truh leh kơ hmei, ƀiădah ăt hmei amâo kwưh ôh klei pap mơ̆ng Yêhôwa Aê Diê hmei, kăn hmei lui klei wê leh anăn gưt klei sĭt nik Ih rei.

Y-Ôsê 14:2

Wah lač bĕ ti anăp Yêhôwa, leh anăn lŏ wĭt kơ Ñu bĕ. Lač kơ Ñu: “Mă hĕ jih klei wê, mă tŭ hmei hŏng klei Ih pap, čiăng kơ hmei dưi myơr boh mơ̆ng ƀăng kƀông hmei.

Y-Yôel 2:13

Leh anăn hiêk bĕ ai tiê diih, amâo djŏ čhiăm ao diih ôh. Lŏ wĭt bĕ kơ Yêhôwa, Aê Diê diih, kyuadah Ñu jing Pô jăk leh anăn thâo pap, amâo djăl ăl, leh anăn bŏ hŏng klei jăk, leh anăn Ñu bi mlih klei Ñu ngă jhat.

Y-Mathiơ 13:15

Kyuadah ai tiê phung ƀuôn sang anei jing khăng leh, leh anăn knga diñu kngăl leh, diñu pĭt leh ală diñu, kyuadah tơdah diñu ƀuh hŏng ală diñu, hmư̆ hŏng knga diñu, thâo săng hlăm ai tiê diñu, leh anăn wĭt kơ Kâo čiăng kơ Kâo bi hlao diñu.’

Y-Mathiơ 18:3

“Sĭt nik Kâo lač kơ diih, tơdah diih amâo bi mlih jing msĕ si hđeh điêt, diih amâo srăng mŭt hlăm ƀuôn ala mtao adiê ôh.

Y-Luk 1:16

Gơ̆ srăng bi wĭt lu phung anak êkei Israel kơ Khua Yang Aê Diê diñu.

Y-Luk 22:57

Ƀiădah Y-Pêtrôs hngah leh anăn lač, “Ơ mniê, kâo amâo thâo kral ñu ôh.”

Bruă Phung Khua Ƀĭng Kna 1:6

Snăn tơdah phung khua ƀĭng kna bi kƀĭn mbĭt hŏng Yêsu, digơ̆ êmuh kơ Ñu, “Ơ Khua Yang, djŏ mơ̆ ară anei Ih srăng lŏ mdơ̆ng ƀuôn ala mtao Israel?”

Bruă Phung Khua Ƀĭng Kna 11:18

Tơdah phung ƀuah kơ Y-Pêtrôs hmư̆ leh klei anăn, diñu dôk ñăt, leh anăn mpŭ mni kơ Aê Diê, lač, “Snăn Aê Diê brei leh mơh kơ phung tue klei kmhal kơ klei soh čiăng mâo klei hdĭp.”

Bruă Phung Khua Ƀĭng Kna 11:21

Kngan Khua Yang dôk mbĭt hŏng diñu, leh anăn mâo lu mnuih đăo kơ Khua Yang.

Bruă Phung Khua Ƀĭng Kna 15:3

Snăn leh Phung Sang Aê Diê tiŏ nao diñu, diñu găn čar Phênisi leh anăn čar Samari yăl dliê klei phung tue đăo. Klei anăn bi mơak snăk kơ jih jang phung ayŏng adei.

Bruă Phung Khua Ƀĭng Kna 17:26

Ñu brei jih jang găp djuê mnuih kbiă hriê mơ̆ng sa čô čiăng dôk tar ƀar lăn ala. Ñu bi kčah leh ênuk digơ̆ leh anăn kdriêl lăn anôk digơ̆ dôk,

Bruă Phung Khua Ƀĭng Kna 2:38

Y-Pêtrôs lač kơ diñu, “Kmhal bĕ kơ klei soh diih, leh anăn brei grăp čô diih tŭ klei ƀaptem hlăm anăn Yêsu Krist, čiăng mâo klei pap brei kơ klei soh diih; leh anăn diih srăng mă tŭ Yang Mngăt Jăk Aê Diê brei.

Bruă Phung Khua Ƀĭng Kna 28:27

Kyuadah klei mĭn phung ƀuôn sang anei êmưt thâo săng; diñu kăt hĕ ƀăng knga diñu, diñu bi pĭt hĕ ală diñu, bi tơdah ală diñu dưi ƀuh, knga diñu dưi hmư̆, leh anăn klei mĭn diñu dưi thâo săng, leh anăn diñu dưi wir lŏ wĭt kơ kâo, kâo dưi bi hlao diñu.” ’

Bruă Phung Khua Ƀĭng Kna 3:20

leh anăn čiăng kơ hruê lŏ bi mrâo srăng hriê mơ̆ng Khua Yang, leh anăn Ñu dưi tiŏ hriê Yang Krist, Pô Ñu čuăn leh kơ diih, jing Yêsu.

Bruă Phung Khua Ƀĭng Kna 3:21

Krist yơh srăng ăt dôk hlăm adiê tơl ênuk lŏ mdơ̆ng jih jang mnơ̆ng Aê Diê blŭ leh hŏng ƀăng êgei phung khua pô hưn êlâo doh jăk Ñu mơ̆ng ênuk đưm.

Hră Y-Pôl Mơĭt kơ Phung Rôm 11:25

Ơ phung ayŏng adei, huĭdah diih mgao hŏng klei diih pô thâo mĭn, kâo čiăng kơ diih thâo săng klei hgăm anei: sa kdrêč hlăm phung Israel mâo leh ai tiê khăng, tơl ênŭm leh ênoh Aê Diê bi kčah kơ phung tue đăo kơ Aê Diê,

II Têsalônik 1:10

hlăk Ñu srăng lŏ hriê hlăm hruê anăn, čiăng mâo klei guh kơang mơ̆ng phung doh jăk Ñu, leh anăn klei mpŭ mơ̆ng jih jang phung đăo leh, kyuadah diih đăo leh kơ klei hmei hưn kơ diih.

II Têsalônik 1:7

leh anăn brei kơ diih phung mâo leh klei knap mñai klei mdei mbĭt hŏng hmei hlăk Khua Yang Yêsu srăng bi êdah mơ̆ng adiê mbĭt hŏng phung dĭng buăl jăk myang Ñu ti krah pui trơ̆ng,

II Y-Timôthê 2:25

mkra phung bi kdơ̆ng hŏng pô hŏng klei êdu. Năng ai Aê Diê srăng brei diñu kmhal kơ klei soh leh anăn truh kơ klei thâo săng klei sĭt nik,

Hêbrơ 4:1

Kyuanăn êjai ăt mâo klei ƀuăn dưi mŭt hlăm klei Ñu mdei, brei drei huĭ đăm brei sa čô hlăm phung diih Aê Diê ksiêm ƀuh amâo dưi mŭt ôh.

I Y-Pêtrôs 2:25

Kyuadah diih klah đuĕ leh msĕ si biăp, ƀiădah ară anei diih wĭt leh kơ Mgăt Biăp leh anăn Pô Kiă mngăt diih.

II Y-Pêtrôs 3:8

Ƀiădah Ơ phung kâo khăp, đăm wơr bĭt ôh klei anei, ti anăp Khua Yang, sa hruê jing msĕ si sa êbâo thŭn, leh anăn sa êbâo thŭn jing msĕ si sa hruê.

Klei Bi Êdah 21:4

Ñu srăng sut jih êa ală mơ̆ng ală digơ̆, leh anăn amâo srăng lŏ mâo klei djiê ôh, leh anăn amâo srăng lŏ mâo klei kơŭ kyăm, klei hia, amâodah klei ruă ôh, kyuadah jih jang mnơ̆ng tal êlâo êgao tuč leh.”