Bruă Phung Khua Ƀĭng Kna 3:15 - Klei Aê Diê Blŭ 2015

¹⁵ Diih bi mdjiê leh Khua Klei Hdĭp, Pô Aê Diê bi kbiă lŏ hdĭp leh mơ̆ng phung djiê. Kơ klei anăn hmei jing phung hưn bi sĭt.

Bruă Phung Khua Ƀĭng Kna 3:15 Iomraidhean Croise

Y-Luk 24:48

Diih jing phung hưn bi sĭt kơ jih klei anăn.

Y-Yôhan 1:4

Hlăm Ñu mâo klei hdĭp, leh anăn klei hdĭp anăn jing klei mngač kơ mnuih.

Y-Yôhan 10:28

Leh anăn Kâo brei kơ digơ̆ klei hdĭp hlŏng lar, leh anăn digơ̆ amâo srăng rai luč ôh, leh anăn amâo mâo pô srăng kdhăk mă digơ̆ mơ̆ng kngan Kâo ôh.

Y-Yôhan 14:6

Yêsu lač kơ gơ̆, “Kâo jing êlan, klei sĭt nik, leh anăn klei hdĭp; amâo mâo pô dưi nao kơ Ama, knŏng hŏng Kâo.

Y-Yôhan 17:2

kyuadah Ih brei leh kơ Ñu klei dưi kiă kriê jih jang mnuih, čiăng kơ Ñu dưi brei klei hdĭp hlŏng lar kơ jih jang phung Ih brei leh kơ Ñu.

Y-Yôhan 4:10

Yêsu lŏ wĭt lač kơ gơ̆, “Tơdah ih thâo mnơ̆ng Aê Diê thiê brei, leh anăn tơdah ih thâo kral Pô dôk blŭ hŏng ih, lač, ‘Brei êa Kâo mnăm đa,’ snăn ih pô srăng akâo kơ Ñu, leh anăn Ñu srăng brei êa hdĭp kơ ih.”

Y-Yôhan 4:14

ƀiădah hlei pô mnăm êa Kâo brei amâo srăng lŏ mhao ôh; êa Kâo brei srăng jing hlăm ñu sa bĭt akŏ êa bluh truh kơ klei hdĭp hlŏng lar.”

Y-Yôhan 5:26

Kyuadah msĕ si Ama mâo klei hdĭp hlăm Ñu pô, msĕ snăn mơh Ñu brei leh kơ Anak mâo klei hdĭp hlăm Gơ̆ pô.

Bruă Phung Khua Ƀĭng Kna 1:22

dơ̆ng mơ̆ng hruê Y-Yôhan ngă ƀaptem truh ti hruê Aê Diê pŭ ba Ñu kơ dlông mơ̆ng phung drei, brei sa čô hlăm phung anei jing pô hưn bi sĭt mbĭt hŏng drei kơ klei Yêsu kbiă lŏ hdĭp.”

Bruă Phung Khua Ƀĭng Kna 2:24

Ƀiădah Aê Diê bi kbiă lŏ hdĭp Ñu leh, bi êngiê leh Ñu mơ̆ng klei myang klei djiê, kyuadah klei djiê amâo dưi kơ̆ng Ñu ôh.

Bruă Phung Khua Ƀĭng Kna 2:32

Yêsu anei Aê Diê bi kbiă lŏ hdĭp leh, leh anăn jih jang phung hmei jing phung hưn bi sĭt kơ klei anăn.

Bruă Phung Khua Ƀĭng Kna 4:2

ăl kyuadah digơ̆ mtô kơ phung ƀuôn sang leh anăn hưn klei kbiă lŏ hdĭp mơ̆ng phung djiê hŏng anăn Yêsu.

Bruă Phung Khua Ƀĭng Kna 5:31

Aê Diê mđĭ brei Pô anăn dôk leh tĭng hnuă Ñu jing Khua Mil Čhil leh anăn Pô Bi Mtlaih, čiăng brei phung Israel kmhal leh anăn mâo klei pap brei kơ klei soh.

I Kôrantô 15:45

Snei Klei Aê Diê Blŭ čih leh, “Mnuih tal êlâo Y-Ađam jing mngăt hdĭp; Y-Ađam knhal tuč jing mngăt brei klei hdĭp.”

Êphêsô 1:20

Aê Diê mă bruă leh hlăm Krist tơdah Ñu bi hdĭp Gơ̆ leh mơ̆ng phung djiê leh anăn brei Gơ̆ dôk gŭ tĭng hnuă Ñu ti jih anôk hlăm adiê,

Hêbrơ 12:2

êjai dlăng kơ Yêsu, Pô khua leh anăn Pô bi klă klei đăo drei. Kyua klei mơak pioh leh ti anăp Ñu, Ñu tŭ klei knap mñai ti kyâo bi kal, amâo uêñ ôh tŭ klei hêñ, leh anăn dôk gŭ leh tĭng hnuă kơ jhưng mtao Aê Diê.

Hêbrơ 2:10

Kyuadah jing djŏ leh Aê Diê Pô mjing leh anăn krơ̆ng jih jang mnơ̆ng, hlăm klei Ñu atăt lu anak kơ klei guh kơang, srăng brei Yêsu Pô atăt diñu kơ klei bi mtlaih jing jăk klă hŏng klei knap mñai Gơ̆ tŭ.

Hêbrơ 5:9

leh anăn tơdah leh Ñu jing jăk klă, Ñu jing akŏ kơ klei bi mtlaih hlŏng lar kơ jih jang hlei pô gưt asăp kơ Ñu.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.

Klei Bi Êdah 21:6

Leh anăn Ñu lač kơ kâo, “Jih bruă leh! Kâo jing Alpha leh anăn Ômêga, klei mphŭn dơ̆ng leh anăn klei knhal tuč. Kơ hlei pô mhao, kâo srăng brei hơăi mang êa hdĭp mơ̆ng akŏ êa hdĭp.

Klei Bi Êdah 22:1

Leh anăn dĭng buăk jăk ktrâo kơ kâo êa krông klei hdĭp, mngač msĕ si ală kĭng, kbiă đoh mơ̆ng jhưng mtao Aê Diê leh anăn Êđai Biăp,

Klei Bi Êdah 22:17

Yang Mngăt Jăk leh anăn Mô̆ lač, “Hriê bĕ.” Leh anăn brei hlei pô hmư̆ lač, “Hriê bĕ.” Leh anăn hlei pô mhao brei ñu hriê, hlei pô čiăng brei ñu mă tŭ hơăi mang êa hdĭp.