Bruă Phung Khua Ƀĭng Kna 3:13 - Klei Aê Diê Blŭ 2015

¹³ Aê Diê Y-Abraham, Y-Isăk, leh anăn Y-Yakôp, Aê Diê phung aê drei bi guh kơang leh dĭng buăl Ñu Yêsu, Pô diih hngah leh anăn jao leh ti anăp Aê Pilat, tơdah Aê Pilat čiăng phưi Gơ̆.

Bruă Phung Khua Ƀĭng Kna 3:13 Iomraidhean Croise

Klei Kbiă 3:13

Y-Môis lač kơ Aê Diê, “Tơdah kâo truh kơ phung anak Israel leh anăn lač kơ diñu, ‘Aê Diê phung aê diih tiŏ hriê kâo kơ diih,’ leh anăn tơdah diñu êmuh kơ kâo, ‘Hlei anăn Ñu?’ ya kâo srăng lŏ wĭt lač kơ diñu lĕ?”

Klei Kbiă 3:15

Aê Diê lŏ lač kơ Y-Môis, “Brei ih blŭ kơ phung ƀuôn sang Israel snei, ‘Yêhôwa, Aê Diê phung aê diih, Aê Diê Y-Abraham, Aê Diê Y-Isăk, leh anăn Aê Diê Y-Yakôp, tiŏ hriê kâo kơ diih.’ Anei yơh anăn Kâo hlŏng lar, anei yơh arăng srăng hdơr kơ Kâo hlăm jih jang ênuk.

Klei Kbiă 3:6

Leh anăn ñu lač, “Kâo jing Aê Diê ama ih, Aê Diê Y-Abraham, Aê Diê Y-Isăk, leh anăn Aê Diê Y-Yakôp.” Y-Môis mdăp ƀô̆ mta ñu, kyuadah ñu huĭ dlăng kơ Aê Diê.

Y-Mathiơ 11:27

Jih jang mnơ̆ng Ama Kâo jao leh kơ Kâo; amâo mâo pô thâo kral Anak ôh, knŏng hjăn Ama yơh; leh anăn amâo mâo pô thâo kral Ama ôh, knŏng hjăn Anak leh anăn kơ hlei pô Anak ruah bi êdah Ama kơ ñu.

Y-Mathiơ 20:19

Diñu srăng jao Gơ̆ kơ phung tue čiăng kơ arăng tlao mưč, čăm Gơ̆ hŏng klei hnuăt, leh anăn pơ̆ng Gơ̆ ti kyâo bi kal; ƀiădah ti hruê tal tlâo Ñu srăng lŏ hdĭp.”

Y-Mathiơ 22:32

‘Kâo jing Aê Diê Y-Abraham, Aê Diê Y-Isăk, leh anăn Aê Diê Y-Yakôp?’ Ñu amâo jing Aê Diê kơ phung djiê ôh, ƀiădah Aê Diê kơ phung hdĭp.”

Y-Mathiơ 27:2

Leh kă Gơ̆, diñu atăt jao Gơ̆ kơ khua čar Aê Pilat.

Y-Mathiơ 28:18

Yêsu nao giăm diñu leh anăn lač, “Jih jang klei dưi hlăm adiê leh anăn ti lăn ala arăng jao leh kơ Kâo.

Y-Markôs 15:11

Ƀiădah phung knơ̆ng khua ngă yang mčhur phung lu čiăng kơ Aê Pilat pŏk Y-Barabas kơ diñu hrô kơ Yêsu.

Y-Luk 22:57

Ƀiădah Y-Pêtrôs hngah leh anăn lač, “Ơ mniê, kâo amâo thâo kral ñu ôh.”

Y-Luk 23:4

Aê Pilat lač kơ phung knơ̆ng khua ngă yang leh anăn kơ phung lu, “Kâo amâo ƀuh klei soh ôh hlăm êkei anei.”

Y-Luk 6:37

“Đăm phat kđi arăng, snăn Aê Diê amâo srăng phat kđi diih ôh. Đăm yap arăng năng bi kmhal, snăn Aê Diê amâo srăng yap diih năng bi kmhal ôh. Pap brei kơ arăng, snăn Aê Diê srăng pap brei kơ diih.

Y-Yôhan 12:16

Phung ƀĭng kna Ñu amâo thâo săng ôh klei anăn êlâo; ƀiădah tơdah Aê Diê bi guh kơang leh Yêsu, hlăk anăn digơ̆ hdơr kơ Klei Aê Diê Blŭ čih leh klei anăn djŏ kơ Ñu, leh anăn klei arăng ngă leh kơ Ñu snăn.

Y-Yôhan 18:40

Diñu lŏ ur lač, “Amâo djŏ mnuih anei ôh, ƀiădah phưi Y-Barabas!” Y-Barabas jing sa čô mnuih knĕ.

Y-Yôhan 19:11

Yêsu lŏ wĭt lač kơ Aê Pilat, “Ih amâo mâo klei dưi ngă kơ Kâo ôh, tơdah Aê Diê amâo brei klei dưi anăn kơ ih. Kyuanăn hlei pô jao Kâo kơ ih mâo klei soh prŏng hĭn.”

Y-Yôhan 19:12

Leh hmư̆ klei anăn Aê Pilat duah klei čiăng phưi Yêsu, ƀiădah phung Yuđa ur kraih, “Tơdah ih phưi mnuih anei, ih amâo jing mah jiăng hŏng Sêsar ôh. Grăp čô hlei pô mjing ñu pô mtao bi kdơ̆ng hŏng Sêsar yơh.”

Y-Yôhan 19:15

Diñu ur kraih, “Bi mdjiê hĕ ñu, bi mdjiê hĕ ñu, pơ̆ng ñu ti kyâo bi kal!” Aê Pilat lač kơ diñu, “Diih čiăng kâo pơ̆ng hĕ Mtao diih ti kyâo bi kal mơ̆?” Phung knơ̆ng khua ngă yang lŏ wĭt lač, “Hmei amâo lŏ mâo mtao mkăn ôh, knŏng hjăn Sêsar yơh.”

Y-Yôhan 7:39

Ñu lač klei anăn djŏ kơ Yang Mngăt Jăk hlei pô đăo kơ Ñu srăng mă tŭ; hruê anăn ka Aê Diê brei ôh Yang Mngăt Jăk, kyuadah Yêsu ka mâo klei guh kơang ôh.

Bruă Phung Khua Ƀĭng Kna 22:14

Ñu lač, ‘Aê Diê phung aê drei čuăn leh ih brei thâo klei Ñu čiăng, brei ƀuh Pô Kpă, leh anăn brei hmư̆ asăp ƀăng êgei Gơ̆ blŭ;

Bruă Phung Khua Ƀĭng Kna 24:14

Ƀiădah kâo tŭ klei anei ti anăp ih, kâo kkuh mpŭ kơ Aê Diê phung aê hmei tui si Êlan diñu lač jing soh, êjai kâo đăo jih klei čih leh hlăm hdruôm hră klei bhiăn leh anăn phung khua pô hưn êlâo.

Bruă Phung Khua Ƀĭng Kna 3:12

Tơdah Y-Pêtrôs ƀuh klei anăn, ñu lač kơ phung ƀuôn sang, “Ơ phung Israel, si ngă diih bi kngăr kơ klei anei? Si ngă diih dlăng kơ hmei msĕ si hŏng klei myang amâodah klei kpă hmei pô brei mnuih anei êbat?

Bruă Phung Khua Ƀĭng Kna 3:26

Aê Diê bi kbiă lŏ hdĭp leh dĭng buăl Ñu, leh anăn tiŏ nao Gơ̆ kơ diih êlâo hĭn, čiăng brei klei hơêč hmưi kơ diih êjai Ñu bi wir đuĕ grăp čô hlăm phung diih mơ̆ng klei soh jhat.”

Bruă Phung Khua Ƀĭng Kna 4:27

Kyuadah sĭt nik hlăm ƀuôn prŏng anei Hêrôt leh anăn Pôns Pilat mbĭt hŏng phung tue leh anăn phung ƀuôn sang Israel bi kƀĭn leh, čiăng bi kdơ̆ng hŏng dĭng buăl doh jăk Ih Yêsu, Pô Ih trôč leh êa ƀâo mngưi,

Bruă Phung Khua Ƀĭng Kna 4:30

êjai Ih yơr kngan Ih bi hlao, leh anăn hŏng anăn dĭng buăl doh jăk Ih Yêsu, arăng ngă klei yuôm bhăn leh anăn klei bi knăl mdê.”

Bruă Phung Khua Ƀĭng Kna 7:32

‘Kâo jing Aê Diê kơ phung aê ih, Aê Diê kơ Y-Abraham, Aê Diê kơ Y-Isăk, leh anăn Aê Diê kơ Y-Yakôp.’ Y-Môis ktư̆ yơ̆ng amâo jhŏng dlăng ôh.

Hră Y-Pôl Mơĭt kơ Phung Rôm 9:5

Diñu kbiă hriê mơ̆ng phung aê phŭn, leh anăn Krist kbiă hriê mơ̆ng găp djuê diñu tui si kđeh, Pô jing khua kơ jih jang, Pô jing Aê Diê năng mâo klei mpŭ mni hlŏng lar. Amen.

Hêbrơ 2:9

Ƀiădah drei ƀuh Yêsu, Pô Aê Diê bi luă gŭ bhiâo ti gŭ phung dĭng buăl jăk, Pô Aê Diê mđua leh đuôn mtao klei guh kơang leh anăn klei mpŭ kyua klei djiê Ñu tŭ leh, čiăng kơ hŏng klei Aê Diê pap Ñu dưi tŭ klei djiê hrô kơ jih jang mnuih.

Klei Bi Êdah 1:18

leh anăn Pô dôk hdĭp. Kâo djiê leh, leh anăn nĕ anei, Kâo dôk hdĭp nanao hlŏng lar, leh anăn Kâo djă kliăng Klei Djiê leh anăn Ƀuôn Phung Djiê.

Klei Bi Êdah 1:5

leh anăn mơ̆ng Yêsu Krist, Pô hưn sĭt suôr, Pô kbiă lŏ hdĭp tal êlâo mơ̆ng phung djiê, leh anăn Khua kơ phung mtao ti lăn ala. Kơ Pô khăp kơ drei leh anăn bi êngiê leh drei mơ̆ng klei soh drei hŏng êrah Ñu pô,