Bruă Phung Khua Ƀĭng Kna 28:2 - Klei Aê Diê Blŭ 2015

² Phung ƀuôn sang plao êa anăn ngă jăk snăk kơ hmei. Diñu kuč pui leh anăn jum jih jang hmei, kyuadah adiê dơ̆ng hjan leh anăn êăt.

Bruă Phung Khua Ƀĭng Kna 28:2 Iomraidhean Croise

Y-Êsra 10:9

Jih jang êkei Yuđa leh anăn êkei Benjamin bi kƀĭn ti ƀuôn Yêrusalem hlăm tlâo hruê; hruê anăn tal dua pluh mlan dua păn. Jih jang phung ƀuôn sang dôk gŭ ti anôk wăl prŏng ti anăp sang Aê Diê, ktư̆ yơ̆ng kyua klei anei leh anăn kyua hjan prŏng.

Bruă Lêwi 19:18

Đăm rŭ ênua amâodah đuôm ai ăl hŏng phung ƀuôn sang ih ôh, ƀiădah brei ih khăp kơ pô riêng gah ih msĕ si kơ ih pô. Kâo jing Yêhôwa.

Bruă Lêwi 19:34

Tue dôk jưh bhiâo mbĭt hŏng diih srăng jing kơ diih msĕ si sa čô mnuih ƀuôn sang pô ti krah diih, leh anăn brei ih khăp kơ gơ̆ msĕ si kơ ih pô; kyuadah diih jing leh tue hlăm čar Êjip. Kâo jing Yêhôwa Aê Diê diih.

Y-Mathiơ 10:42

Hlei pô brei kơ sa čô hlăm phung hđeh điêt anei mnăm sa kčok êa ngač kyuadah gơ̆ jing sa čô ƀĭng kna, sĭt nik Kâo lač kơ diih, pô brei anăn amâo srăng luč ôh klei mưn ñu.”

Y-Yôhan 18:18

Phung dĭng buăl leh anăn phung khua kahan răm leh pui hdăng, leh anăn dôk dơ̆ng mdang pui, kyuadah adiê êăt. Wăt Y-Pêtrôs mơh dôk mbĭt hŏng diñu, dôk dơ̆ng leh anăn mdang pui.

Bruă Phung Khua Ƀĭng Kna 27:3

Tơl si mgi hmei truh ti ƀuôn Sidôn. Leh anăn Y-Julius ngă jăk kơ Y-Pôl, brei ñu dưi nao čhưn hŏng phung mah jiăng ñu leh anăn dưi mă mnơ̆ng digơ̆ đru.

Bruă Phung Khua Ƀĭng Kna 28:3

Y-Pôl duñ sa êwak djuh dưm hlăm pui, mâo sa drei ala yuôm kbiă mơ̆ng djuh kyua hlơr pui leh anăn din ti kngan ñu.

Bruă Phung Khua Ƀĭng Kna 28:4

Tơdah phung ƀuôn sang plao êa anăn ƀuh ala đuôm ti kngan Y-Pôl, diñu bi lač hdơ̆ng diñu, “Sĭt nik êkei anei jing sa čô bi mdjiê mnuih. Wăt tơdah gơ̆ tlaih leh mơ̆ng êa ksĭ dưn, klei kpă amâo brei gơ̆ dôk hdĭp ôh.”

Hră Y-Pôl Mơĭt kơ Phung Rôm 1:14

Kâo đuôm nư kơ phung Grĕk leh anăn phung dliê, kơ phung thâo lu leh anăn kơ phung mluk mgu.

Hră Y-Pôl Mơĭt kơ Phung Rôm 14:1

Bi kơ phung awăt hlăm klei đăo, jum bĕ digơ̆, ƀiădah đăm bi tăng ôh kyua klei mĭn mdê mdê.

Hră Y-Pôl Mơĭt kơ Phung Rôm 14:3

Đăm brei ôh pô ƀơ̆ng jih jang mnơ̆ng bi êmut kơ pô amâo ƀơ̆ng ôh; leh anăn đăm brei hlei pô amâo ƀơ̆ng ôh phat kđi pô ƀơ̆ng, kyuadah Aê Diê jum ñu leh.

Hră Y-Pôl Mơĭt kơ Phung Rôm 2:27

Snăn phung amâo mâo khăt klĭt tui si kđeh ƀiădah gưt klei bhiăn srăng phat kđi ih, pô mâo hră klei bhiăn leh anăn klei khăt klĭt ƀiădah gao klei bhiăn.

I Kôrantô 14:11

Ƀiădah tơdah kâo amâo thâo săng klei blŭ anăn ôh, kâo srăng jing sa čô tue kơ pô blŭ, leh anăn pô blŭ srăng jing sa čô tue kơ kâo.

II Kôrantô 11:27

Kâo gĭr mă bruă suăi leh anăn dleh, lu blư̆ kâo amâo dưi pĭt ôh êjai mlam, êpa leh anăn mhao, jêñ jêñ amâo mâo mnơ̆ng ƀơ̆ng huă ôh, êăt leh anăn amâo mâo čhiăm ao ôh.

Kôlôs 3:11

Hlăm mnuih mrâo anei, amâo yap mdê ôh phung Grĕk amâodah phung Yuđa, mnuih tŭ klei khăt klĭt amâodah mnuih amâo tŭ klei khăt klĭt, mnuih dliê, mnuih Sit, mnuih hlŭn, mnuih êngiê, ƀiădah Krist jing jih hlăm jih jang.

Hêbrơ 13:2

Đăm wơr bĭt ôh jum phung tue, kyuadah êjai ngă klei anăn mâo đa đa jum leh phung dĭng buăl jăk, amâo thâo kral digơ̆ ôh.