Bruă Phung Khua Ƀĭng Kna 27:1 - Klei Aê Diê Blŭ 2015

¹ Leh bi trông čhai tŭ ư kơ klei brei hmei đĭ kŭmpăn nao kơ čar Itali, arăng jao Y-Pôl leh anăn đa đa phung mnă mkăn kơ sa čô khua kahan bi anăn Y-Julius, khua kahan kơ sa êtuh čô kahan phung Ôgust.

Bruă Phung Khua Ƀĭng Kna 27:1 Iomraidhean Croise

Klei Mphŭn Dơ̆ng 50:20

Bi diih, diih mĭn ngă ƀai kơ kâo; ƀiădah Aê Diê brei klei anăn jing jăk, čiăng bi mtlaih klei hdĭp lu mnuih, msĕ si truh leh hruê anei.

Klei Mmuñ Hđăp 33:11

Ƀiădah klei Yêhôwa čuăn dôk hlŏng lar, klei ai tiê Ñu mĭn dôk hlăm jih jang ênuk.

Klei Mmuñ Hđăp 76:10

Sĭt nik klei mnuih ngêñ ăt srăng brei klei bi mni kơ Ih; Ih srăng yua klei ngêñ ăt dôk, bi guh kơang Ih.

Klei Bi Hriêng 19:21

Ai tiê mnuih mâo lu hdră čiăng ngă, ƀiădah klei Yêhôwa čuăn srăng dưi.

Klei Čŏk Hia 3:27

Jing klei jăk kơ sa čô mnuih gui knông êjai ñu hlăk ai.

Y-Đaniel 4:35

Jih jang mnuih ti lăn ala jing msĕ si hơăi mang; leh anăn Ñu ngă tui si klei Ñu čiăng hlăm phung kahan hlăm adiê leh anăn hlăm phung mnuih ti lăn ala; amâo mâo sa čô dưi kơ̆ng kngan Ñu ôh, amâodah lač kơ Ñu, “Ya klei Ih ngă?”

Y-Mathiơ 27:54

Tơdah khua kahan leh anăn phung kahan mbĭt hŏng ñu kiă Yêsu ƀuh klei yơ̆ng lăn ala leh anăn jih jang klei truh, diñu huĭ snăk leh anăn lač, “Sĭt nik mnuih anei jing Anak Aê Diê!”

Y-Luk 23:47

Tơdah khua kahan ƀuh klei truh leh, gơ̆ mpŭ mni kơ Aê Diê leh anăn lač, “Sĭt nik êkei anei jing mnuih kpă ênô!”

Y-Luk 7:2

Sa čô khua kahan kơ sa êtuh čô mâo sa čô dĭng buăl ñu khăp snăk, dôk ruă, giăm djiê.

Bruă Phung Khua Ƀĭng Kna 10:1

Ti ƀuôn Sêsarê mâo sa čô êkei anăn ñu Y-Kornei, khua kahan kơ sa êtuh čô phung kahan Itali,

Bruă Phung Khua Ƀĭng Kna 10:22

Digơ̆ lač, “Y-Kornei, sa čô khua kahan kơ sa êtuh čô, sa čô kpă leh anăn huĭ mpŭ kơ Aê Diê, Pô jih jang phung Yuđa mpŭ. Mâo sa čô dĭng buăl doh jăk mtă brei hriê iêô ih nao kơ sang ñu, čiăng hmư̆ klei ih mtô.”

Bruă Phung Khua Ƀĭng Kna 16:10

Leh Y-Pôl mâo leh klei bi ƀuh anăn, hmei duah mtam êlan hlŏng nao kơ čar Masêdôn, kyuadah hmei thâo klă Aê Diê iêô leh hmei brei hưn klei mrâo mrang jăk kơ phung anăn.

Bruă Phung Khua Ƀĭng Kna 18:2

Tinăn ñu ƀuh sa čô Yuđa bi anăn Y-Akilas mnuih čar Pônt, mrâo truh mơ̆ng čar Itali mbĭt hŏng mô̆ ñu H'Prisil, kyuadah mtao Klôd mtă leh brei jih jang phung Yuđa kbiă đuĕ mơ̆ng ƀuôn Rôm. Y-Pôl nao čhưn hŏng diñu.

Bruă Phung Khua Ƀĭng Kna 19:21

Êdei kơ klei anăn Y-Pôl mâo klei mtrŭt čiăng găn čar Masêdôn leh anăn čar Akai nao kơ ƀuôn Yêrusalem. Ñu lač, “Leh kâo nao tinăn, kâo čiăng ƀuh ƀuôn Rôm msĕ mơh.”

Bruă Phung Khua Ƀĭng Kna 21:32

Ñu mă phung kahan mtam, wăt phung khua kahan kơ sa êtuh čô, leh anăn êran nao kơ phung lu. Tơdah phung anăn ƀuh khua kahan prŏng leh anăn phung kahan, diñu mdei čăm Y-Pôl.

Bruă Phung Khua Ƀĭng Kna 22:26

Tơdah khua kahan hmư̆ klei Y-Pôl blŭ snăn, gơ̆ nao hưn kơ khua kahan prŏng, lač, “Ya ih srăng ngă? Kyuadah êkei anei jing sa čô mnuih Rôm.”

Bruă Phung Khua Ƀĭng Kna 23:11

Mlam êdei Khua Yang dôk dơ̆ng giăm Y-Pôl leh anăn lač, “Đăm êdu ai ôh, kyuadah msĕ si ih hưn bi sĭt kơ Kâo ti ƀuôn Yêrusalem, snăn ih srăng hưn bi sĭt ti ƀuôn Rôm msĕ mơh.”

Bruă Phung Khua Ƀĭng Kna 23:17

Y-Pôl iêô sa čô khua kahan leh anăn lač, “Atăt ba êkei hlăk ai anei kơ khua kahan prŏng, kyuadah gơ̆ mâo klei čiăng hưn kơ ñu.”

Bruă Phung Khua Ƀĭng Kna 24:23

Leh anăn ñu mtă kơ khua kahan brei krư̆ Y-Pôl, ƀiădah brei klei êngiê ƀiă kơ gơ̆, leh anăn amâo ghă ôh phung mah jiăng gơ̆ hriê ba mnơ̆ng gơ̆ kƀah.

Bruă Phung Khua Ƀĭng Kna 25:12

Snăn leh bi trông čhai hŏng phung khua kčĕ ñu, Aê Phêtus lŏ wĭt lač kơ Y-Pôl, “Ih akâo kơ Sêsar phat kđi; ih srăng nao kơ Sêsar yơh.”

Bruă Phung Khua Ƀĭng Kna 25:25

Ƀiădah kâo ƀuh gơ̆ amâo ngă klei soh năng djiê ôh. Leh anăn kyuadah gơ̆ pô akâo kơ Sêsar phat kđi gơ̆, snăn kâo čuăn srăng tiŏ nao gơ̆ tinăn.

Bruă Phung Khua Ƀĭng Kna 27:11

Ƀiădah khua kahan gưt hĭn kơ khua gai kŭmpăn leh anăn pô kŭmpăn hŏng klei Y-Pôl lač.

Bruă Phung Khua Ƀĭng Kna 27:43

Ƀiădah khua kahan čiăng bi mtlaih Y-Pôl ghă klei diñu mĭn ngă anăn. Ñu mtă kơ phung thâo luê kdâo êlâo hĭn leh anăn luê nao kơ hang.

Bruă Phung Khua Ƀĭng Kna 27:6

Tinăn khua kahan ƀuh sa boh kŭmpăn mơ̆ng ƀuôn Aleksandri nao kơ čar Itali, snăn ñu brei hmei đĭ kŭmpăn anăn.

Bruă Phung Khua Ƀĭng Kna 28:1

Leh hmei tlaih, hmei thâo kơ plao êa anăn arăng bi anăn Maltơ.

Bruă Phung Khua Ƀĭng Kna 28:16

Tơdah hmei truh ti ƀuôn Rôm, Y-Pôl mâo klei dưi dôk hjăn ñu mbĭt hŏng sa čô kahan kiă ñu.

Hêbrơ 13:24

Brei diih mơĭt klei hmei čhưn kơ jih jang phung khua gĭt gai diih leh anăn kơ jih jang phung doh jăk. Phung doh jăk čar Itali mơĭt klei čhưn kơ diih mơh.