Bruă Phung Khua Ƀĭng Kna 26:6 - Klei Aê Diê Blŭ 2015

⁶ Ară anei arăng phat kđi kâo tinei kyuadah kâo čang hmăng kơ klei Aê Diê ƀuăn leh kơ phung aê hmei.

Bruă Phung Khua Ƀĭng Kna 26:6 Iomraidhean Croise

Klei Mphŭn Dơ̆ng 12:3

Kâo srăng brei klei jăk jĭn kơ hlei pô brei klei jăk jĭn kơ ih; Kâo srăng tăm pah kơ hlei pô tăm pah kơ ih; leh anăn hlăm ih jih jang găp djuê mnuih hlăm lăn ala srăng mâo klei jăk jĭn.”

Klei Mphŭn Dơ̆ng 22:18

Jih jang phung găp djuê hlăm lăn ala srăng mâo klei jăk jĭn kyua phung anak čô ih, kyuadah ih gưt leh asăp Kâo.”

Klei Mphŭn Dơ̆ng 26:4

Kâo srăng bi lar phung anak čô ih msĕ si mtŭ hlăm adiê; leh anăn Kâo srăng brei jih čar anei kơ phung anak čô ih. Jih jang găp djuê hlăm lăn ala srăng mâo klei jăk jĭn kyua phung anak čô ih;

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

Klei Mphŭn Dơ̆ng 49:10

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

Klei Mmuñ Hđăp 132:11

Yêhôwa kat asei leh hŏng klei sĭt nik kơ Y-Đawit, Ñu amâo srăng bi mlih klei anăn ôh: “Kâo srăng mđĭ ti jhưng mtao ih sa čô anak êkei mơ̆ng tian prôč ih.

Klei Mmuñ Hđăp 132:17

Tinăn, Kâo srăng brei ki Y-Đawit bi knăt; Kâo srăng mkra kơ pô Kâo trôč leh êa ƀâo mngưi sa boh pui kđen.

Klei Mmuñ Hđăp 98:2

Yêhôwa bi êdah leh klei Ñu bi mtlaih; Ñu bi êdah leh klei kpă ênô Ñu ti anăp phung găp djuê mnuih.

Y-Êsai 4:2

Hlăm hruê anăn, Kƀiêng Yêhôwa srăng jing siam leh anăn guh kơang, phung Israel tlaih leh srăng hơ̆k mơak leh anăn mđĭ ai kyua boh hlăm čar.

Y-Êsai 7:14

Kyuanăn Khua Yang pô srăng brei sa klei bi knăl kơ diih: Nĕ anei, sa čô mniê êra hrông srăng ba tian leh anăn kkiêng kơ sa čô anak êkei. Ñu srăng bi anăn gơ̆ Êmanuel.

Y-Êsêkiêl 21:27

Kâo srăng mjing ñu kăm rai, kăm rai, kăm rai; Kâo srăng brei ñu jing kăm rai tơl pô mâo klei năng truh; leh anăn kơ pô anăn yơh Kâo srăng brei klei kiă kriê anăn.’ ”

Y-Êsêkiêl 37:24

Dĭng buăl Kâo Y-Đawit srăng jing mtao kiă kriê diñu, leh anăn jih jang diñu srăng mâo sa čô mgăt biăp. Diñu srăng tui hlue klei Kâo mtă leh anăn răng ngă tui klei bhiăn Kâo.

Y-Ôsê 3:5

Êdei kơ klei anăn phung anak čô Israel srăng lŏ wĭt leh anăn tui duah Yêhôwa Aê Diê diñu, leh anăn Y-Đawit mtao diñu. Diñu srăng hriê hŏng klei huĭ mpŭ kơ Yêhôwa leh anăn hriê mă tŭ klei jăk jĭn Ñu hlăm ênuk knhal tuč.

Y-Yôel 2:32

Leh anăn klei anei srăng truh, jih jang hlei pô iêô wah lač kơ anăn Yêhôwa srăng tlaih; kyuadah hlăm čư̆ Siôn leh anăn Ƀuôn Yêrusalem srăng mâo phung tlaih leh, tui si Yêhôwa lač leh, hlăm phung adôk hdĭp ăt srăng mâo phung Yêhôwa iêô.

Y-Apđia 1:21

Phung bi mtlaih srăng đĭ čư̆ Siôn čiăng kiă kriê čư̆ Êsâo. Leh anăn ƀuôn ala mtao srăng jing dŏ Yêhôwa.

Y-Mika 5:2

Ƀiădah ih, Ơ ƀuôn Betlêhem Êphrata, wăt tơdah ih jing ƀuôn điêt ti krah phung găp djuê čar Yuđa, mơ̆ng ih srăng kbiă hriê kơ Kâo sa čô srăng jing khua gai gĭt hlăm phung Israel, Pô mâo phŭn mơ̆ng ênuk đưm, mơ̆ng ênuk hlŏng lar.

Y-Mika 7:20

Ih srăng bi êdah klei sĭt suôr kơ Y-Yakôp, leh anăn klei jăk kơ Y-Abraham, msĕ si Ih kat asei leh kơ phung aê hmei hlăm ênuk đưm đă.

Y-Sakari 13:1

“Ti hruê anăn, arăng srăng pŏk sa akŏ êa kơ sang Y-Đawit leh anăn kơ phung dôk hlăm ƀuôn Yêrusalem, čiăng bi doh diñu mơ̆ng klei soh leh anăn klei čhŏ mrŏ.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Sakari 6:12

Lač bĕ kơ ñu, Snei Yêhôwa kơ phung kahan lač, ‘Nĕ anei êkei mâo anăn Kƀiêng, kyuadah Ñu srăng hriê kơ prŏng msĕ si sa ƀĕ adhan hlăm anôk Ñu, leh anăn Ñu srăng mdơ̆ng sang yang Yêhôwa.

Y-Sakari 9:9

Hơ̆k kdơ̆k êdi bĕ, Ơ Anak Mniê Ƀuôn Siôn! Ur driâo bĕ, Ơ anak mniê ƀuôn Yêrusalem! Nĕ anei, mtao ih hriê kơ ih, Ñu kpă ênô leh anăn mâo klei bi mtlaih, luă gŭ đĭ sa drei aseh dliê, sa drei êđai aseh dliê.

Y-Malaki 3:1

“Nĕ anei, Kâo srăng tiŏ nao pô hưn kơ Kâo čiăng mkra êlan ti anăp Kâo. Leh anăn Khua Yang Pô diih duah srăng hriê bhiâo riâo rit kơ sang yang Ñu, Pô hưn kơ klei bi mguôp, hŏng Ñu diih mâo klei mơak. Nĕ anei, Ñu srăng hriê,” Yêhôwa kơ phung kahan lač.

Y-Malaki 4:2

Ƀiădah kơ diih phung huĭ mpŭ kơ anăn Kâo, yang hruê klei kpă ênô srăng ƀlĕ mâo klei bi hlao hlăm siap ñu. Diih srăng kbiă kdăt msĕ si êđai êmô mơ̆ng war.

Bruă Phung Khua Ƀĭng Kna 23:6

Ƀiădah tơdah Y-Pôl thâo sa phung diñu jing phung Sadusi leh anăn sa phung mkăn jing phung Pharisi, ñu ur kraih ti anăp phung phat kđi, “Ơ phung ayŏng adei, kâo jing sa čô Pharisi, anak êkei phung Pharisi; arăng dôk phat kđi kâo kyua klei čang hmăng kơ klei phung djiê kbiă lŏ hdĭp.”

Bruă Phung Khua Ƀĭng Kna 24:15

Kâo mâo klei čang hmăng hlăm Aê Diê msĕ si diñu pô tŭ leh, jing klei phung kpă wăt phung wê srăng kbiă lŏ hdĭp.

Bruă Phung Khua Ƀĭng Kna 24:21

Knŏng sa klei anei kâo ur kraih êjai kâo dôk dơ̆ng ti krah diñu, ‘Kyua klei phung djiê srăng kbiă lŏ hdĭp yơh, arăng phat kđi kâo ti anăp diih hruê anei.’ ”

Bruă Phung Khua Ƀĭng Kna 26:8

Si ngă diih amâo đăo hĕ Aê Diê dưi bi kbiă lŏ hdĭp phung djiê?

Bruă Phung Khua Ƀĭng Kna 28:20

Kyuanăn yơh kâo akâo čiăng bi tuôm leh anăn blŭ hrăm hŏng diih, kyua klei phung Israel čang hmăng yơh arăng kă kâo hŏng klei săng đai anei.”

Bruă Phung Khua Ƀĭng Kna 3:24

Jih jang phung khua pô hưn êlâo dơ̆ng mơ̆ng Y-Samuel leh anăn phung êdei kơ ñu hưn leh mơh kơ ênuk anei.

Hră Y-Pôl Mơĭt kơ Phung Rôm 15:8

Kyuadah kâo hưn kơ diih klei Krist jing leh dĭng buăl kơ phung khăt klĭt kyua klei sĭt nik Aê Diê, čiăng bi sĭt klei Ñu ƀuăn leh kơ phung aê phŭn drei,

Galati 4:4

Ƀiădah tơdah hruê bi kčah truh leh, Aê Diê tiŏ hriê Anak Ñu, brei sa čô mniê kkiêng, čiăng kơ Ñu dôk hdĭp ti gŭ klei bhiăn

Klei Mtô Mñă Klei Bhiăn 18:15

“Yêhôwa Aê Diê diih srăng mđĭ kơ diih sa čô khua pô hưn êlâo msĕ si kâo mơ̆ng krah diih, mơ̆ng phung ayŏng adei diih. Brei diih dôk hmư̆ ñu.

Y-Tit 2:13

êjai dôk guôn klei drei čang hmăng jăk mơak, klei bi êdah klei guh kơang Aê Diê prŏng leh anăn Pô Bi Mtlaih drei, Yêsu Krist.