Bruă Phung Khua Ƀĭng Kna 26:23 - Klei Aê Diê Blŭ 2015

²³ čiăng lač Yang Krist srăng tŭ klei knap mñai, leh anăn kyua Ñu jing Pô kbiă lŏ hdĭp tal êlâo hĭn mơ̆ng phung djiê, Ñu srăng hưn klei mngač kơ phung ƀuôn sang leh anăn kơ phung tue.”

Bruă Phung Khua Ƀĭng Kna 26:23 Iomraidhean Croise

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

Y-Êsai 42:6

“Kâo gơ̆ Yêhôwa iêô ih leh hlăm klei kpă ênô; Kâo djă leh ih ti kngan. Kâo srăng kiă kriê ih brei ih jing sa klei bi mguôp kơ phung ƀuôn sang, klei mngač kơ phung găp djuê mnuih,

Y-Êsai 49:6

Ñu lač, “Jing klei điêt đei kơ ih jing dĭng buăl Kâo čiăng lŏ kơrŭ phung găp djuê Yakôp leh anăn čiăng lŏ mdơ̆ng phung Israel adôk. Kâo msĕ mơh srăng brei ih jing klei mngač kơ phung tue, čiăng kơ klei Kâo bi mtlaih dưi truh ti knhal lăn ala.”

Y-Sakari 12:10

“Leh anăn Kâo srăng tuh ti sang Y-Đawit leh anăn ti phung dôk hlăm ƀuôn Yêrusalem Mngăt Myang klei pap leh anăn kwưh, čiăng kơ tơdah diñu dlăng kơ Kâo, Pô diñu tlŏ leh, diñu srăng kơŭ kyăm kơ Pô anăn, msĕ si kơŭ kyăm kơ anak êkei mâo knŏng sa čô, leh anăn čŏk hia hŏng klei ênguôt kơ Pô anăn, msĕ si čŏk hia kơ anak kkiêng tal êlâo.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Mathiơ 26:24

Anak Mnuih srăng djiê tui si Klei Aê Diê Blŭ čih leh djŏ kơ Ñu, ƀiădah knap mñai yơh kơ pô lhiăr kơ Anak Mnuih! Jăk hĭn arăng amâo tuôm kkiêng kơ gơ̆ ôh.”

Y-Mathiơ 27:53

Leh Yêsu kbiă lŏ hdĭp, phung kbiă mơ̆ng msat anăn mŭt hlăm ƀuôn doh jăk leh anăn bi êdah kơ lu mnuih.

Y-Luk 2:32

jing klei mngač brei klei bi êdah kơ phung tue, leh anăn jing klei guh kơang kơ phung ƀuôn sang Ih Israel.”

Y-Luk 24:26

Amâo jing djŏ hĕ kơ Yang Krist tŭ jih klei knap msĕ snăn leh anăn mŭt hlăm klei guh kơang Ñu?”

Y-Luk 24:46

Gơ̆ lač kơ diñu, “Snei klei čih leh djŏ kơ Yang Krist srăng tŭ klei knap mñai, leh anăn ti hruê tal tlâo Ñu srăng kbiă lŏ hdĭp mơ̆ng phung djiê,

Y-Yôhan 10:18

Amâo mâo pô ƀlêč mă klei hdĭp Kâo mơ̆ng Kâo ôh, ƀiădah Kâo jao gơ̆ tui si Kâo pô čiăng. Kâo mâo klei dưi jao gơ̆, leh anăn Kâo mâo klei dưi lŏ mă gơ̆. Klei mtă anăn Kâo mă tŭ leh mơ̆ng Ama Kâo.”

Y-Yôhan 11:25

Yêsu lač kơ gơ̆, “Kâo jing klei kbiă lŏ hdĭp leh anăn klei hdĭp. Hlei pô đăo kơ Kâo, srăng hdĭp wăt tơdah ñu djiê dưn;

Bruă Phung Khua Ƀĭng Kna 13:34

Bi kơ klei Aê Diê bi kbiă lŏ hdĭp Gơ̆ leh mơ̆ng phung djiê, amâo lŏ wĭt kơ klei brŭ rai ôh, Ñu lač snei, ‘Kâo srăng brei kơ diih klei jăk jĭn doh jăk leh anăn sĭt nik Kâo ƀuăn leh kơ Y-Đawit.’

Bruă Phung Khua Ƀĭng Kna 26:18

čiăng mblang ală diñu, brei diñu đuĕ mơ̆ng klei mmăt wir phă kơ klei mngač, leh anăn mơ̆ng klei myang Satan wir phă klei myang Aê Diê, čiăng kơ diñu dưi mă tŭ klei pap brei kơ klei soh leh anăn dưn ngăn mbĭt hŏng phung jing doh jăk leh hŏng klei đăo kơ Kâo.’ ”

Bruă Phung Khua Ƀĭng Kna 26:8

Si ngă diih amâo đăo hĕ Aê Diê dưi bi kbiă lŏ hdĭp phung djiê?

Bruă Phung Khua Ƀĭng Kna 3:18

Ƀiădah snei Aê Diê bi sĭt leh klei Ñu hưn êlâo hŏng ƀăng êgei jih jang phung khua pô hưn êlâo, kơ Yang Krist Ñu srăng tŭ klei knap mñai.

Bruă Phung Khua Ƀĭng Kna 3:24

Jih jang phung khua pô hưn êlâo dơ̆ng mơ̆ng Y-Samuel leh anăn phung êdei kơ ñu hưn leh mơh kơ ênuk anei.

I Kôrantô 15:3

Kyuadah kâo mtô leh kơ diih klei yuôm hĭn, klei kâo pô mă tŭ leh msĕ mơh, jing klei Krist djiê leh kyua klei soh drei tui si Klei Aê Diê Blŭ čih leh,

II Kôrantô 4:4

Kơ phung amâo đăo anăn, yang ênuk anei guôm hĕ leh klei mĭn diñu, čiăng đăm brei diñu thâo săng klei mngač mơ̆ng klei mrâo mrang jăk kơ klei guh kơang Krist, Pô jing rup Aê Diê.

Kôlôs 1:18

Ñu jing boh kŏ kơ asei mlei, čiăng lač Phung Sang Aê Diê. Ñu jing klei mphŭn dơ̆ng, Pô kkiêng êlâo hĭn mơ̆ng phung djiê, čiăng kơ Ñu dưi jing khua hlăm jih jang mnơ̆ng.

Hêbrơ 2:10

Kyuadah jing djŏ leh Aê Diê Pô mjing leh anăn krơ̆ng jih jang mnơ̆ng, hlăm klei Ñu atăt lu anak kơ klei guh kơang, srăng brei Yêsu Pô atăt diñu kơ klei bi mtlaih jing jăk klă hŏng klei knap mñai Gơ̆ tŭ.

Klei Bi Êdah 1:5

leh anăn mơ̆ng Yêsu Krist, Pô hưn sĭt suôr, Pô kbiă lŏ hdĭp tal êlâo mơ̆ng phung djiê, leh anăn Khua kơ phung mtao ti lăn ala. Kơ Pô khăp kơ drei leh anăn bi êngiê leh drei mơ̆ng klei soh drei hŏng êrah Ñu pô,