Bruă Phung Khua Ƀĭng Kna 24:5 - Klei Aê Diê Blŭ 2015

⁵ Kyuadah hmei ƀuh êkei anei jing klei ruă tưp, sa čô bi rŭng jih jang phung Yuđa tar ƀar lăn ala, sa čô khua kơ phung Nasaret.

Bruă Phung Khua Ƀĭng Kna 24:5 Iomraidhean Croise

H'Êsther 3:8

Y-Haman lač kơ Mtao Asuêrus, “Mâo sa phung ƀuôn sang bra dôk tar ƀar leh anăn dôk mbĭt hŏng phung ƀuôn sang hlăm jih jang čar ƀuôn ala mtao ih. Klei bhiăn diñu mdê hŏng klei bhiăn jih jang phung ƀuôn sang mkăn, leh anăn diñu amâo djă pioh ôh klei bhiăn mtao, tơl amâo jing jăk ôh kơ mtao tŭ diñu ngă snăn.

Y-Yêrêmi 37:13

Tơdah ñu truh ti ƀăng jang Benjamin, sa čô kahan gak, anăn Y-Irijah anak êkei Y-Sêlêmia čô Y-Hanania, mă čăp khua pô hưn êlâo Y-Yêrêmi, lač, “Ih lui phung Israel nao dôk tĭng kơ phung Kaldê.”

Y-Yêrêmi 38:4

Snăn phung khua lač kơ mtao, “Brei arăng bi mdjiê hĕ mnuih anei, kyuadah ñu bi êdu ai phung kahan ăt dôk hlăm ƀuôn anei, leh anăn jih jang phung ƀuôn sang, êjai ñu blŭ klei msĕ snăn kơ digơ̆. Kyuadah mnuih anei amâo tui duah klei jăk kơ phung ƀuôn sang ôh, ƀiădah duah klei jhat kơ digơ̆.”

Y-Amôs 7:10

Hlăk anăn Y-Amasia khua ngă yang ƀuôn Bêthel tiŏ nao arăng hưn kơ Y-Jêrôbôam mtao Israel, lač, “Y-Amôs arưp aram čiăng ngă kơ ih ti krah sang Israel; čar amâo dưi tŭ ôh jih jang klei ñu blŭ.

Y-Mathiơ 10:25

Djŏ leh ƀĭng kna jing msĕ si nai mtô ñu, leh anăn dĭng buăl jing msĕ si khua ñu. Tơdah arăng pia Bêlsêbul kơ khua sang, kdlưn hĭn êjai diñu srăng bi anăn jhat kơ phung mnuih hlăm sang gơ̆.

Y-Mathiơ 2:23

Leh truh tinăn ñu dôk hlăm sa boh ƀuôn arăng pia ƀuôn Nasaret, čiăng bi sĭt klei phung khua pô hưn êlâo lač, “Arăng srăng pia Ñu mnuih ƀuôn Nasaret.”

Y-Markôs 1:24

leh anăn gơ̆ ur snei, “Ơ Yêsu ƀuôn Nasaret, ya klei Ih mâo hŏng hmei? Ih hriê bi rai hmei hĕ? Kâo thâo leh hlei Ih jing, Pô Doh Jăk mơ̆ng Aê Diê.”

Y-Luk 23:19

Arăng krư̆ leh Y-Barabas kyua klei ñu bi kdơ̆ng hlăm ƀuôn anăn, leh anăn kyua ñu bi mdjiê mnuih.

Y-Luk 23:2

Diñu dơ̆ng kčŭt kơ Yêsu, lač, “Hmei ƀuh êkei anei mtrŭt găp djuê hmei kơ klei bi kdơ̆ng, leh anăn ghă hmei tuh jia kơ Sêsar, leh anăn lač kơ ñu pô jing Yang Krist, sa čô Mtao.”

Y-Luk 23:25

Ñu pŏk pô arăng krư̆ leh kyua klei bi kdơ̆ng leh anăn klei bi mdjiê mnuih, tui si phung anăn akâo; ƀiădah Aê Pilat jao Yêsu kơ klei phung anăn čiăng.

Y-Luk 23:5

Ƀiădah diñu mtrŭt Aê Pilat hŏng klei diñu lač, “Ñu mčhur phung ƀuôn sang krŭ kdơ̆ng êjai mtô tar ƀar čar Yuđa mơ̆ng čar Galilê truh ti anôk anei.”

Bruă Phung Khua Ƀĭng Kna 15:5

Ƀiădah đa đa hlăm phung tĭng Pharisi đăo leh kgŭ dơ̆ng leh anăn lač, “Brei khăt klĭt wăt kơ phung tue leh anăn mtă kơ digơ̆ brei gưt klei bhiăn Y-Môis.”

Bruă Phung Khua Ƀĭng Kna 21:28

Diñu ur kraih, “Ơ phung ayŏng adei Israel, hriê đru! Nĕ anei êkei hiu mtô tar ƀar bi kdơ̆ng hŏng phung ƀuôn sang, hŏng klei bhiăn, leh anăn hŏng anôk anei. Êbeh kơ anăn ñu atăt phung Grĕk mŭt hlăm sang kkuh mpŭ, leh anăn bi čhŏ anôk doh jăk anei.”

Bruă Phung Khua Ƀĭng Kna 22:22

Arăng dôk hmư̆ Y-Pôl truh ti klei blŭ anăn. Hlăk anăn diñu dơ̆ng ur lač, “Bi luč hĕ mnuih msĕ snăn mơ̆ng lăn ala! Ñu amâo năng dôk hdĭp ôh!”

Bruă Phung Khua Ƀĭng Kna 24:14

Ƀiădah kâo tŭ klei anei ti anăp ih, kâo kkuh mpŭ kơ Aê Diê phung aê hmei tui si Êlan diñu lač jing soh, êjai kâo đăo jih klei čih leh hlăm hdruôm hră klei bhiăn leh anăn phung khua pô hưn êlâo.

Bruă Phung Khua Ƀĭng Kna 24:4

Ƀiădah kyuadah amâo čiăng kơ̆ng ih sui ôh, kâo akâo kơ ih dôk hmư̆ hmei bhiâo hŏng ai tiê jăk.

Bruă Phung Khua Ƀĭng Kna 25:7

Tơdah Y-Pôl truh leh, phung Yuđa mơ̆ng ƀuôn Yêrusalem dôk dơ̆ng jŭm dar gơ̆ leh anăn kčŭt kơ gơ̆ lu klei soh prŏng, ƀiădah diñu amâo dưi bi sĭt ôh.

Bruă Phung Khua Ƀĭng Kna 26:5

Diñu thâo mơ̆ng sui leh, tơdah diñu čiăng hưn, kâo jing sa čô Pharisi, dôk dơ̆ng ƀơ̆ng huă tui si phung kpă hĭn hlăm klei phung hmei đăo.

Bruă Phung Khua Ƀĭng Kna 28:22

Ƀiădah hmei čiăng hmư̆ mơ̆ng ih ya klei ih mĭn; kyuadah hmei thâo kơ arăng blŭ bi kdơ̆ng tar ƀar anôk hŏng mta klei đăo anei.”

Bruă Phung Khua Ƀĭng Kna 5:17

Ƀiădah khua ngă yang prŏng leh anăn jih jang phung mbĭt hŏng ñu, čiăng lač phung Sadusi, kgŭ bi kdơ̆ng bŏ hŏng klei nač.

Bruă Phung Khua Ƀĭng Kna 6:13

Diñu brei phung kčŭt mčeh, lač, “Êkei anei amâo mdei ôh blŭ bi kdơ̆ng hŏng anôk doh jăk anei leh anăn hŏng klei bhiăn.

I Kôrantô 11:19

kyuadah sĭt yơh mâo phung mdê mdê ti krah diih, čiăng kơ arăng dưi thâo kral hlei hlăm phung diih jing sĭt.

I Kôrantô 4:13

tơdah arăng mčeh, hmei blŭ hŏng klei jăk; hlŏng truh kơ ară anei hmei jing mnơ̆ng arăng bi êmut, msĕ si djah lăn ala!

I Y-Pêtrôs 2:19

Jăk jĭn yơh kơ pô thâo klei Aê Diê čiăng, tơdah ñu tŭ klei knap mñai amâo djŏ kyua klei soh ñu ngă ôh.