Bruă Phung Khua Ƀĭng Kna 23:6 - Klei Aê Diê Blŭ 2015

⁶ Ƀiădah tơdah Y-Pôl thâo sa phung diñu jing phung Sadusi leh anăn sa phung mkăn jing phung Pharisi, ñu ur kraih ti anăp phung phat kđi, “Ơ phung ayŏng adei, kâo jing sa čô Pharisi, anak êkei phung Pharisi; arăng dôk phat kđi kâo kyua klei čang hmăng kơ klei phung djiê kbiă lŏ hdĭp.”

Bruă Phung Khua Ƀĭng Kna 23:6 Iomraidhean Croise

Y-Mathiơ 10:16

“Nĕ anei, Kâo tiŏ nao diih msĕ si phung biăp ti krah phung asâo tan. Snăn brei diih thâo răng msĕ si ala leh anăn ênang msĕ si mgăm.

Y-Mathiơ 22:23

Hruê anăn mơh mâo phung Sadusi hriê kơ Yêsu, phung lač amâo mâo klei kbiă lŏ hdĭp ôh. Diñu êmuh kơ Yêsu snei,

Y-Mathiơ 3:7

Ƀiădah tơdah ñu ƀuh lu phung Pharisi leh anăn phung Sadusi hriê tŭ klei ƀaptem, ñu lač kơ digơ̆, “Ơ phung djuê ala kpơ̆ng, hlei hưn kơ diih dưi đuĕ mơ̆ng klei Aê Diê ngêñ srăng truh?

Bruă Phung Khua Ƀĭng Kna 22:3

“Kâo jing sa čô Yuđa arăng kkiêng ti ƀuôn Tars hlăm čar Silisi, ƀiădah kâo hriê kơ prŏng hlăm ƀuôn anei, jing sa čô hriăm mơ̆ng Y-Gamaliêl djŏ tui si klei bhiăn phung aê drei, hur har kơ Aê Diê msĕ si jih jang diih hruê anei.

Bruă Phung Khua Ƀĭng Kna 22:30

Ƀiădah hruê mgi kyuadah khua kahan prŏng čiăng thâo sĭt ya klei phung Yuđa kčŭt kơ Y-Pôl, gơ̆ kleh ñu, leh anăn mtă kơ phung knơ̆ng khua ngă yang leh anăn jih jang phung khua phat kđi bi kƀĭn, leh anăn gơ̆ atăt ba Y-Pôl leh anăn brei ñu dôk ti anăp phung anăn.

Bruă Phung Khua Ƀĭng Kna 22:5

Kơ klei anăn khua ngă yang prŏng leh anăn phung khua mduôn phat kđi dưi hưn bi sĭt. Kâo mă tŭ leh hră mơ̆ng phung anăn mơĭt kơ phung ayŏng adei ti ƀuôn Damas leh anăn kâo nao ti ƀuôn anăn čiăng mă čăp phung đăo tinăn leh anăn đoh ba diñu kơ ƀuôn Yêrusalem kơ klei bi kmhal.”

Bruă Phung Khua Ƀĭng Kna 23:1

Y-Pôl ktan ală kơ phung khua phat kđi, lač, “Ơ phung ayŏng adei, kâo dôk dơ̆ng ƀơ̆ng huă ti anăp Aê Diê hŏng jih ai tiê kpă truh ti hruê anei.”

Bruă Phung Khua Ƀĭng Kna 23:15

Snăn brei diih mbĭt hŏng phung khua phat kđi mơĭt hră ară anei akâo kơ khua kahan prŏng atăt ba Y-Pôl ti anăp diih, mgưt msĕ si diih čiăng ksiêm bi nik klei gơ̆. Leh anăn hmei srăng dôk kăp bi mdjiê gơ̆ êlâo gơ̆ truh.”

Bruă Phung Khua Ƀĭng Kna 23:20

Gơ̆ lač, “Phung Yuđa sa ai čiăng akâo kơ ih atăt Y-Pôl ti anăp phung khua phat kđi mgi, mgưt msĕ si diñu čiăng ksiêm bi nik klei Y-Pôl.

Bruă Phung Khua Ƀĭng Kna 23:7

Leh ñu lač klei anăn, phung Pharisi bi tăng hŏng phung Sadusi, leh anăn phung bi kƀĭn bi kah mbha.

Bruă Phung Khua Ƀĭng Kna 24:15

Kâo mâo klei čang hmăng hlăm Aê Diê msĕ si diñu pô tŭ leh, jing klei phung kpă wăt phung wê srăng kbiă lŏ hdĭp.

Bruă Phung Khua Ƀĭng Kna 24:21

Knŏng sa klei anei kâo ur kraih êjai kâo dôk dơ̆ng ti krah diñu, ‘Kyua klei phung djiê srăng kbiă lŏ hdĭp yơh, arăng phat kđi kâo ti anăp diih hruê anei.’ ”

Bruă Phung Khua Ƀĭng Kna 28:20

Kyuanăn yơh kâo akâo čiăng bi tuôm leh anăn blŭ hrăm hŏng diih, kyua klei phung Israel čang hmăng yơh arăng kă kâo hŏng klei săng đai anei.”

Philip 3:5

arăng khăt klĭt kâo ti hruê sa păn, sa čô hlăm phung ƀuôn sang Israel, mơ̆ng găp djuê Ƀenjamin, sa čô Hêbrơ phung Hêbrơ kkiêng; tui si klei bhiăn kâo jing sa čô Pharisi;

Kôlôs 1:5

kyua klei čang hmăng pioh leh kơ diih hlăm adiê. Diih hmư̆ leh klei anăn mơ̆ng êlâo hlăm klei blŭ sĭt nik jing klei mrâo mrang jăk

Hêbrơ 6:19

Drei mâo leh klei čang hmăng anăn jing msĕ si msei ktrŏ sĭt leh anăn kjăp kơ̆ng mngăt drei, klei čang hmăng anăn găn leh čhiăm păng mŭt leh nah dih hlăm adŭ doh jăk hlăm sang yang.