Bruă Phung Khua Ƀĭng Kna 23:1 - Klei Aê Diê Blŭ 2015

¹ Y-Pôl ktan ală kơ phung khua phat kđi, lač, “Ơ phung ayŏng adei, kâo dôk dơ̆ng ƀơ̆ng huă ti anăp Aê Diê hŏng jih ai tiê kpă truh ti hruê anei.”

Bruă Phung Khua Ƀĭng Kna 23:1 Iomraidhean Croise

Klei Bi Hriêng 28:1

Mnuih ƀai đuĕ wăt tơdah amâo mâo pô tiŏ ñu ôh, ƀiădah phung kpă dôk jhŏng msĕ si êmông gu.

Y-Mathiơ 5:22

Ƀiădah Kâo lač kơ diih, hlei pô ăl kơ ayŏng adei ñu srăng năng kơ klei phat kđi; hlei pô lač ‘Ih mluk’ kơ ayŏng adei ñu srăng năng jao kơ êpul khua phat kđi; hlei pô srăng lač, ‘Ih mluk mgu!’ srăng năng kơ war pui.

Bruă Phung Khua Ƀĭng Kna 22:1

“Ơ phung ayŏng adei leh anăn phung ama, dôk hmư̆ bĕ klei kâo blŭ mgang kâo pô ti anăp diih.”

Bruă Phung Khua Ƀĭng Kna 22:30

Ƀiădah hruê mgi kyuadah khua kahan prŏng čiăng thâo sĭt ya klei phung Yuđa kčŭt kơ Y-Pôl, gơ̆ kleh ñu, leh anăn mtă kơ phung knơ̆ng khua ngă yang leh anăn jih jang phung khua phat kđi bi kƀĭn, leh anăn gơ̆ atăt ba Y-Pôl leh anăn brei ñu dôk ti anăp phung anăn.

Bruă Phung Khua Ƀĭng Kna 22:5

Kơ klei anăn khua ngă yang prŏng leh anăn phung khua mduôn phat kđi dưi hưn bi sĭt. Kâo mă tŭ leh hră mơ̆ng phung anăn mơĭt kơ phung ayŏng adei ti ƀuôn Damas leh anăn kâo nao ti ƀuôn anăn čiăng mă čăp phung đăo tinăn leh anăn đoh ba diñu kơ ƀuôn Yêrusalem kơ klei bi kmhal.”

Bruă Phung Khua Ƀĭng Kna 23:15

Snăn brei diih mbĭt hŏng phung khua phat kđi mơĭt hră ară anei akâo kơ khua kahan prŏng atăt ba Y-Pôl ti anăp diih, mgưt msĕ si diih čiăng ksiêm bi nik klei gơ̆. Leh anăn hmei srăng dôk kăp bi mdjiê gơ̆ êlâo gơ̆ truh.”

Bruă Phung Khua Ƀĭng Kna 23:20

Gơ̆ lač, “Phung Yuđa sa ai čiăng akâo kơ ih atăt Y-Pôl ti anăp phung khua phat kđi mgi, mgưt msĕ si diñu čiăng ksiêm bi nik klei Y-Pôl.

Bruă Phung Khua Ƀĭng Kna 23:28

Kâo brei arăng atăt ba gơ̆ ti anăp phung khua phat kđi phung Yuđa, čiăng thâo ya klei arăng kčŭt kơ gơ̆.

Bruă Phung Khua Ƀĭng Kna 23:6

Ƀiădah tơdah Y-Pôl thâo sa phung diñu jing phung Sadusi leh anăn sa phung mkăn jing phung Pharisi, ñu ur kraih ti anăp phung phat kđi, “Ơ phung ayŏng adei, kâo jing sa čô Pharisi, anak êkei phung Pharisi; arăng dôk phat kđi kâo kyua klei čang hmăng kơ klei phung djiê kbiă lŏ hdĭp.”

Bruă Phung Khua Ƀĭng Kna 24:16

Kyuanăn kâo gĭr tui duah čiăng mâo ai tiê kpă êngeh ti anăp Aê Diê leh anăn ti anăp mnuih.

Bruă Phung Khua Ƀĭng Kna 6:15

Leh anăn jih jang mnuih dôk gŭ hlăm klei phat kđi anăn dôk dlăng amâo kƀreh ală kơ Y-Êtiên, ƀuh ƀô̆ mta gơ̆ msĕ si ƀô̆ mta sa čô dĭng buăl jăk.

I Kôrantô 4:4

Kâo amâo ƀuh ôh sa mta klei soh hlăm kâo, ƀiădah amâo djŏ kyua klei anăn ôh kâo mâo leh klei yap kpă. Khua Yang yơh jing Pô phat kđi kâo.

II Kôrantô 1:12

Hmei bi mni kơ hmei pô kyua klei anei: ai tiê kpă hmei hưn kơ klei hmei dôk dơ̆ng ƀơ̆ng huă hlăm lăn ala, leh anăn lu hĭn ti anăp diih, hŏng klei kpă ênuah leh anăn klei sĭt suôr Aê Diê brei, amâo djŏ hŏng klei thâo mĭn kđeh ôh, ƀiădah hŏng klei Aê Diê pap.

II Kôrantô 4:2

Hmei lui leh jih bruă bi hêñ leh anăn hgăm. Hmei hngah ngă klei mnêč amâodah bi msoh klei Aê Diê blŭ, ƀiădah êjai hmei hưn mngač klei sĭt nik, hmei hưn bi sĭt hmei pô ti anăp ai tiê kpă jih jang mnuih, ti anăp Aê Diê.

II Y-Timôthê 1:3

Kâo bi mni kơ Aê Diê, Pô kâo kkuh mpŭ hŏng ai tiê kpă êngeh, msĕ si phung aê kâo ngă leh, êjai kâo hdơr kơ ih nanao hruê leh anăn mlam hlăm klei kâo wah lač.

Hêbrơ 13:18

Wah lač brei kơ hmei đa, kyuadah hmei mĭn mâo ai tiê kpă êngeh, čiăng ngă jih jang klei hŏng klei djŏ.

I Y-Pêtrôs 3:16

ƀiădah brei diih lŏ wĭt lač hŏng klei êdu leh anăn hŏng klei mpŭ. Brei diih djă pioh ai tiê kpă jăk, čiăng kơ tơdah arăng dlao wač kơ diih, phung mčeh kơ klei diih dôk dơ̆ng ƀơ̆ng huă jăk hlăm Krist srăng mâo klei hêñ.