Bruă Phung Khua Ƀĭng Kna 22:7 - Klei Aê Diê Blŭ 2015

⁷ Kâo lĕ buh ti lăn leh anăn hmư̆ asăp lač kơ kâo, ‘Ơ Y-Sôl, Ơ Y-Sôl, si ngă ih ngă jhat kơ Kâo lĕ?’

Bruă Phung Khua Ƀĭng Kna 22:7 Iomraidhean Croise

Klei Mphŭn Dơ̆ng 16:8

Dĭng buăl jăk lač, “Ơ H'Agar, dĭng buăl mniê H'Sarai, mơ̆ng ih hriê, leh anăn ti ih nao?” Gơ̆ wĭt lač, “Kâo đuĕ mơ̆ng ƀô̆ mta H'Sarai, khua mniê kâo.”

Klei Mphŭn Dơ̆ng 22:1

Leh jih klei anăn Aê Diê lông dlăng Y-Abraham, leh anăn lač kơ ñu, “Ơ Y-Abraham.” Ñu lŏ lač, “Nĕ tinei kâo.”

Klei Mphŭn Dơ̆ng 22:11

Ƀiădah dĭng buăl jăk Yêhôwa iêô ñu mơ̆ng adiê, lač, “Ơ Y-Abraham, Ơ Y-Abraham!” Y-Abraham wĭt lač, “Nĕ tinei kâo.”

Klei Mphŭn Dơ̆ng 3:9

Ƀiădah Khua Yang Aê Diê iêô êkei anăn leh anăn lač kơ ñu, “Ti anôk ih dôk?”

Klei Kbiă 3:4

Tơdah Yêhôwa ƀuh ñu weh čiăng dlăng, snăn mơ̆ng krah ƀur Aê Diê iêô ñu leh anăn lač, “Ơ Y-Môis ơi, Y-Môis ơi.” Leh anăn ñu lŏ wĭt lač, “Nĕ tinei kâo.”

Y-Yêrêmi 2:5

Snei Yêhôwa lač: “Ya klei soh phung ama diih ƀuh hlăm Kâo, tơl diñu đuĕ kbưi mơ̆ng Kâo, čiăng tui hlue klei hơăi mang leh anăn jing hĕ hơăi mang?

Y-Yêrêmi 2:9

“Kyuanăn Kâo ăt bi tăng hŏng diih,” Yêhôwa lač, “leh anăn Kâo srăng bi tăng hŏng phung čô anak diih mơh.

Y-Mathiơ 25:45

Ñu srăng lŏ wĭt lač kơ phung anăn, ‘Sĭt nik Kâo lač kơ diih, tơdah diih amâo tuôm ngă klei anăn kơ sa čô hlăm phung đơ điêt anei, jing msĕ si diih amâo tuôm ngă kơ Kâo ôh.’

Y-Mathiơ 27:23

Aê Pilat lač, “Si ngă, ya klei jhat ñu ngă leh?” Ƀiădah jih jang phung anăn lŏ ur ktang hĭn, “Pơ̆ng hĕ ñu ti kyâo bi kal.”

Bruă Phung Khua Ƀĭng Kna 22:6

“Êjai kâo êbat nao giăm truh kơ ƀuôn Damas hlăm brô yang hruê dơ̆ng, bhiâo riâo rit mâo klei mngač ktang mơ̆ng adiê mtrang jŭm kâo.

Bruă Phung Khua Ƀĭng Kna 22:8

Kâo lŏ wĭt lač, ‘Hlei Ih, Ơ Khua Yang?’ Ñu lač kơ kâo, ‘Kâo jing Yêsu ƀuôn Nasaret, Pô ih dôk ngă jhat.’

Bruă Phung Khua Ƀĭng Kna 9:4

Ñu lĕ buh ti lăn leh anăn hmư̆ asăp blŭ lač kơ ñu, “Ơ Y-Sôl, Ơ Y-Sôl, si ngă ih ngă jhat kơ Kâo?”

I Y-Timôthê 1:13

Mphŭn dô kâo jing sa čô blŭ mgao, ngă jhat, leh anăn dlao wač kơ Ñu. Ƀiădah kâo mă tŭ leh klei pap, kyuadah kâo ngă hŏng klei amâo thâo săng, hlăm klei amâo đăo ôh.

I Y-Samuel 3:10

Yêhôwa hriê leh anăn dôk dơ̆ng leh anăn iêô msĕ si êlâo, “Ơ Y-Samuel! Ơ Y-Samuel!” Leh anăn Y-Samuel lač, “Blŭ bĕ, kyuadah dĭng buăl Ih dôk hmư̆.”