Bruă Phung Khua Ƀĭng Kna 22:16 - Klei Aê Diê Blŭ 2015

¹⁶ Ară anei, ya ih dôk guôn? Kgŭ bĕ, tŭ klei ƀaptem, leh anăn bi doh klei soh ih, êjai iêô wah lač kơ anăn Khua Yang.’ ”

Bruă Phung Khua Ƀĭng Kna 22:16 Iomraidhean Croise

Klei Mmuñ Hđăp 119:60

Kâo ruăt, amâo lŏ krư̆i ôh, čiăng tui hlue klei Ih mtă.

Klei Mmuñ Hđăp 51:2

Rao kâo bi doh mơ̆ng jih klei wê kâo, leh anăn bi doh kâo mơ̆ng klei soh kâo.

Y-Yêrêmi 8:14

“Si ngă drei ăt dôk gŭ? Bi kƀĭn bĕ mbĭt! Brei drei mŭt hlăm ƀuôn mâo mnư̆ kjăp leh anăn rai tuč tinăn! Kyuadah Yêhôwa Aê Diê drei bi kčah leh klei bi rai drei, leh anăn brei drei mnăm êa kêč kam, kyuadah drei ngă soh leh hŏng Yêhôwa.

Y-Yôhan 13:8

Y-Pêtrôs lač kơ Ñu, “Hơăi, Ih amâo srăng rao jơ̆ng kâo ôh.” Yêsu lŏ wĭt lač kơ gơ̆, “Tơdah Kâo amâo rao ih, ih amâo mâo sa kdrêč hlăm Kâo ôh.”

Bruă Phung Khua Ƀĭng Kna 2:21

Snăn hlei pô srăng kwưh akâo kơ anăn Khua Yang srăng tlaih.’

Bruă Phung Khua Ƀĭng Kna 2:38

Y-Pêtrôs lač kơ diñu, “Kmhal bĕ kơ klei soh diih, leh anăn brei grăp čô diih tŭ klei ƀaptem hlăm anăn Yêsu Krist, čiăng mâo klei pap brei kơ klei soh diih; leh anăn diih srăng mă tŭ Yang Mngăt Jăk Aê Diê brei.

Bruă Phung Khua Ƀĭng Kna 7:59

Êjai diñu bhĭr boh tâo kơ Y-Êtiên, gơ̆ wah lač snei, “Ơ Khua Yang Yêsu, jum mngăt kâo.”

Bruă Phung Khua Ƀĭng Kna 9:14

leh anăn tinei ñu mâo klei dưi mơ̆ng phung knơ̆ng khua ngă yang brei mă čăp jih jang phung iêô wah lač kơ anăn Ih.”

Bruă Phung Khua Ƀĭng Kna 9:18

Mtam mnơ̆ng msĕ si kkaih lĕ mơ̆ng ală Y-Sôl, leh anăn gơ̆ lŏ ƀuh mngač. Gơ̆ kgŭ leh anăn tŭ klei ƀaptem,

I Kôrantô 1:2

Čih mơĭt kơ Phung Sang Aê Diê ti ƀuôn Kôrantô, kơ phung doh jăk leh hlăm Krist Yêsu, phung Aê Diê iêô leh brei jing phung doh jăk mbĭt hŏng jih jang phung dôk tar ƀar anôk iêô wah lač kơ anăn Khua Yang drei Yêsu Krist, Khua Yang diñu leh anăn Khua Yang drei.

I Kôrantô 12:13

Kyuadah hŏng sa Yang Mngăt Jăk jih jang drei tŭ leh klei ƀaptem bi mguôp hlăm sa asei mlei — phung Yuđa amâodah phung Grĕk, phung hlŭn amâodah phung êngiê — leh anăn Aê Diê brei jih jang drei mnăm sa Yang Mngăt Jăk anăn.

I Kôrantô 6:11

Đa đa hlăm phung diih mphŭn dô jing leh msĕ snăn yơh. Ƀiădah Aê Diê rao diih leh, bi doh jăk diih leh, yap kpă diih leh hlăm anăn Khua Yang Yêsu Krist leh anăn hlăm Yang Mngăt Jăk Aê Diê drei.

Galati 3:27

Kyuadah dŭm čô hlăm phung diih tŭ leh klei ƀaptem hlăm Krist hơô leh Krist yơh.

Êphêsô 5:26

čiăng pioh brei gơ̆, tơdah leh Ñu bi doh gơ̆ hŏng êa leh anăn hŏng klei Ñu blŭ,

Y-Tit 3:5

Ñu bi mtlaih leh drei, amâo djŏ kyua bruă kpă drei ngă leh ôh, ƀiădah tui si klei Ñu pô pap, hŏng klei bi doh kbiă hriê mơ̆ng klei lŏ bi kkiêng mrâo, leh anăn klei lŏ bi mrâo hŏng Yang Mngăt Jăk,

Hêbrơ 10:22

brei drei nao giăm Aê Diê hŏng ai tiê sĭt suôr, hŏng klei thâo sĭt mơ̆ng klei đăo, ai tiê drei bi doh leh mơ̆ng ai tiê kpă jing jhat leh, leh anăn asei mlei drei rao leh hŏng êa doh.

I Y-Pêtrôs 3:21

Êa anăn jing klei bi hmô kơ klei ƀaptem bi mtlaih diih ară anei, amâo djŏ klei bi doh klei čhŏ asei mlei ôh, ƀiădah jing klei kwưh ƀuăn kơ Aê Diê mơ̆ng ai tiê kpă jăk, hŏng klei Yêsu Krist kbiă lŏ hdĭp.