Bruă Phung Khua Ƀĭng Kna 22:1 - Klei Aê Diê Blŭ 2015

¹ “Ơ phung ayŏng adei leh anăn phung ama, dôk hmư̆ bĕ klei kâo blŭ mgang kâo pô ti anăp diih.”

Bruă Phung Khua Ƀĭng Kna 22:1 Iomraidhean Croise

Y-Luk 12:11

Tơdah arăng atăt ba diih ti anăp sang bi kƀĭn, phung khua phat kđi, leh anăn phung khua kiă kriê, đăm rŭng răng ôh kơ si diih srăng lač mgang diih pô, amâodah ya klei diih srăng lŏ wĭt lač.

Y-Luk 21:14

Brei diih kđăm pioh klei anăn hlăm ai tiê, đăm mĭn êlâo ôh si klei diih srăng lŏ wĭt lač;

Bruă Phung Khua Ƀĭng Kna 13:26

Ơ phung ayŏng adei, phung anak čô găp djuê Y-Abraham, leh anăn Ơ diih phung tue huĭ mpŭ kơ Aê Diê, kơ drei yơh Aê Diê hưn leh klei bi mtlaih anei.

Bruă Phung Khua Ƀĭng Kna 19:33

Arăng đoh Y-Aleksanđơr mơ̆ng phung lu, pô phung Yuđa brei nao dôk ti anăp. Y-Aleksanđơr pưi kngan ñu čiăng blŭ mgang ti anăp phung ƀuôn sang.

Bruă Phung Khua Ƀĭng Kna 23:1

Y-Pôl ktan ală kơ phung khua phat kđi, lač, “Ơ phung ayŏng adei, kâo dôk dơ̆ng ƀơ̆ng huă ti anăp Aê Diê hŏng jih ai tiê kpă truh ti hruê anei.”

Bruă Phung Khua Ƀĭng Kna 23:6

Ƀiădah tơdah Y-Pôl thâo sa phung diñu jing phung Sadusi leh anăn sa phung mkăn jing phung Pharisi, ñu ur kraih ti anăp phung phat kđi, “Ơ phung ayŏng adei, kâo jing sa čô Pharisi, anak êkei phung Pharisi; arăng dôk phat kđi kâo kyua klei čang hmăng kơ klei phung djiê kbiă lŏ hdĭp.”

Bruă Phung Khua Ƀĭng Kna 24:10

Tơdah khua čar yơr kngan brei Y-Pôl blŭ, ñu lŏ wĭt lač: “Kyuadah kâo thâo kơ ih jing khua phat kđi hlăm čar anei sui thŭn leh, kâo mơak blŭ mgang kơ kâo pô.

Bruă Phung Khua Ƀĭng Kna 25:16

Kâo lŏ wĭt lač kơ diñu phung Rôm amâo bhiăn ôh jao sa čô mnuih êlâo kơ gơ̆ dôk ti anăp phung kčŭt kơ gơ̆, leh anăn gơ̆ dưi blŭ mgang kơ klei arăng kčŭt kơ gơ̆.

Bruă Phung Khua Ƀĭng Kna 25:8

Y-Pôl blŭ mgang kơ ñu pô, “Kâo amâo tuôm ngă soh hŏng klei bhiăn phung Yuđa ôh, kăn ngă soh hŏng sang kkuh mpŭ, amâodah hŏng Sêsar rei.”

Bruă Phung Khua Ƀĭng Kna 26:24

Êjai Y-Pôl blŭ mgang ñu pô snăn, Aê Phêtus lač hŏng asăp kraih, “Ơ Y-Pôl, ih khŏ leh! Klei ih hriăm lu yơh bi khŏ ih leh.”

Bruă Phung Khua Ƀĭng Kna 28:17

Êgao leh tlâo hruê, Y-Pôl iêô bi kƀĭn phung khua Yuđa tinăn. Êjai diñu bi kƀĭn, Y-Pôl lač kơ diñu, “Ơ phung ayŏng adei, wăt tơdah kâo amâo tuôm ngă soh hŏng phung ƀuôn sang ôh amâodah hŏng klei bhiăn phung aê drei, ăt arăng jao kâo jing mnă ti ƀuôn Yêrusalem leh anăn jao kâo hlăm kngan phung Rôm.

Bruă Phung Khua Ƀĭng Kna 7:2

Y-Êtiên lŏ wĭt lač, “Ơ phung ayŏng adei leh anăn phung ama, dôk hmư̆ kâo bĕ. Aê Diê klei guh kơang bi êdah leh kơ aê drei Y-Abraham hlăk ñu dôk hlăm čar Mêsôpôtami, êlâo ñu dôk ti ƀuôn Čaran,

Hră Y-Pôl Mơĭt kơ Phung Rôm 2:15

Diñu bi êdah ya bruă klei bhiăn mtă, arăng čih leh hlăm ai tiê diñu, êjai ai tiê kpă diñu msĕ mơh hưn bi sĭt, leh anăn klei mĭn diñu tăp năng kčŭt kơ diñu tăp năng mgang diñu.

I Kôrantô 9:3

Anei jing klei kâo mgang kâo pô kyua phung ksiêm kâo.

II Kôrantô 12:19

Năng ai diih mĭn hmei mgang hmei pô ti anăp diih. Hơăi, hmei blŭ hlăm Krist ti anăp Aê Diê, leh anăn hlăm jih klei anăn čiăng đru diih hriê kơ prŏng, Ơ phung kâo khăp.

II Kôrantô 7:11

Brei diih ksiêm ya klei ênguôt anăn tui si Aê Diê čiăng mjing leh hlăm diih: Ya klei hur har, ya klei čiăng bi sĭt klei diih jing êngeh, ya klei hƀŏk, ya klei bi huĭ, ya klei čiăng snăk, ya klei sĭt suôr, ya klei bi kmhal! Hlăm djăp mta, diih bi êdah leh diih pô amâo jing soh ôh hlăm bruă anăn.

Philip 1:17

Bi phung mkăn mtô klei Krist hŏng klei čiăng bi kah mbha, amâo djŏ hŏng klei kpă sĭt ôh, mĭndah lŏ thiăm klei bi knap kâo êjai arăng krư̆ kâo.

Philip 1:7

Jing djŏ kâo mâo klei mĭn snăn kơ jih jang diih, kyuadah kâo pioh diih hlăm ai tiê kâo nanao, kyuadah jih jang diih mă tŭ leh klei pap mbĭt hŏng kâo, wăt hlăm klei arăng krư̆ kâo leh anăn hlăm klei mgang leh anăn bi sĭt klei mrâo mrang jăk.

II Y-Timôthê 4:16

Hlăm klei kâo mgang kâo pô tal êlâo amâo mâo pô dôk tĭng kơ kâo ôh; jih jang lui kâo leh. Akâo kơ Khua Yang đăm yap klei anăn kơ diñu ôh.

I Y-Pêtrôs 3:15

Ƀiădah hlăm ai tiê diih brei diih mpŭ kơ Krist jing Khua Yang, kăp răng nanao čiăng mgang diih pô čiăng dưi lŏ wĭt lač kơ hlei pô êmuh čiăng thâo săng kơ klei diih čang hmăng;