Bruă Phung Khua Ƀĭng Kna 21:9 - Klei Aê Diê Blŭ 2015

⁹ Ñu mâo pă čô anak mniê êra hrông khăng hưn êlâo.

Bruă Phung Khua Ƀĭng Kna 21:9 Iomraidhean Croise

II Bruă Mtao 22:14

Snăn Y-Hilkia khua ngă yang, Y-Ahikam, Y-Akbôr, Y-Saphan, leh anăn Y-Asaya nao kơ H'Hulda khua pô hưn êlâo mniê, mô̆ Y-Salum anak êkei Y-Tikwa, čô Y-Harhas, pô kiă kriê adŭ čhiăm ao (gơ̆ dôk hlăm ƀuôn Yêrusalem hlăm wăl sang tal dua), leh anăn diñu blŭ kơ gơ̆.

Y-Nêhêmi 6:14

Ơ Aê Diê kâo, hdơr bĕ kơ Y-Tôbia leh anăn Y-Sanbalat tui si klei anei diñu ngă leh, leh anăn msĕ mơh kơ khua pô hưn êlâo mniê H'Nôadia leh anăn phung khua pô hưn êlâo mkăn čiăng bi huĭ kâo.

Klei Kbiă 15:20

H'Miriam, khua pô hưn êlâo mniê, amai Y-Arôn, djă sa boh hgơr điêt; leh anăn jih jang phung mniê tui hlue ñu djă hgơr điêt leh anăn kdŏ.

Y-Êsêkiêl 13:17

Bi ih, Ơ anak mnuih, wir ƀô̆ ih phă phung anak mniê phung ƀuôn sang ih, phung tuôm hưn êlâo leh tui si klei diñu pô mĭn; hưn êlâo bĕ bi kdơ̆ng hŏng diñu

Y-Yôel 2:28

“Êdei tinăn Kâo srăng tuh Mngăt Myang Kâo ti jih jang kđeh; phung anak êkei leh anăn phung anak mniê diih srăng hưn êlâo, phung êkei mduôn diih srăng êpei, leh anăn phung êkei hlăk ai diih srăng mâo lu klei bi ƀuh.

Y-Luk 2:36

Leh anăn mâo sa čô khua pô hưn êlâo mniê, H'Ana anak mniê Y-Phanuel mơ̆ng găp djuê Aser. Ñu mduôn snăk, Ñu dôk leh hŏng ung ñu kjuh thŭn mơ̆ng leh bi kuôl ung mô̆,

Bruă Phung Khua Ƀĭng Kna 13:1

Hlăm Phung Sang Aê Diê ƀuôn Antiôs mâo phung khua pô hưn êlâo leh anăn phung nai mtô: Y-Barnabas, Y-Simêôn bi anăn Niger, Y-Lusius čar Siren, Y-Manahen ayŏng adei rông mbĭt hŏng mtao Hêrôt, leh anăn Y-Sôl.

Bruă Phung Khua Ƀĭng Kna 2:17

‘Aê Diê lač, Hlăm ênuk knhal tuč srăng truh snei: Kâo srăng tuh Mngăt Myang Kâo ti jih jang kđeh; phung anak êkei leh anăn anak mniê diih srăng hưn êlâo, phung êkei hlăk ai diih srăng mâo klei bi ƀuh, leh anăn phung êkei mduôn diih srăng mâo klei êpei.

I Kôrantô 7:38

Snăn hlei pô brei anak mniê ñu dôk ung ngă jăk yơh; leh anăn hlei pô amâo brei dôk ôh ngă jăk hĭn.

Klei Bi Êdah 2:20

Ƀiădah anei klei Kâo mâo hŏng ih, ih jum sa čô mniê bi anăn H'Jêsabel. Ñu pia kơ ñu pô sa čô khua pô hưn êlâo mniê, leh anăn ñu mtô leh anăn mplư phung dĭng buăl Kâo ngă klei knhông leh anăn ƀơ̆ng čĭm arăng myơr leh kơ rup yang.

Phung Khua Phat Kđi 4:4

Ênuk anăn, H'Dêbôra sa čô khua pô hưn êlâo mniê, mô̆ Y-Lapidôt, jing khua phat kđi kơ phung Israel.