Bruă Phung Khua Ƀĭng Kna 21:5 - Klei Aê Diê Blŭ 2015

⁵ Tơdah hruê hmei jưh tinăn jih leh, hmei đuĕ nao. Jih jang phung đăo mbĭt hŏng mô̆ anak diñu atăt hmei truh ti êngao ƀuôn. Hmei čuôn kơŭt ti hang êa ksĭ wah lač.

Bruă Phung Khua Ƀĭng Kna 21:5 Iomraidhean Croise

I Bruă Mtao 8:54

Tơdah Y-Salômôn bi ruê̆ leh klei wah lač leh anăn klei kwưh anei kơ Yêhôwa, ñu kgŭ mơ̆ng ti anăp knưl Yêhôwa, anôk ñu čuôn kơŭt kngan ñu yơr phă adiê.

II Klei Yăl Dliê 20:13

Êjai anăn jih jang phung êkei Yuđa dôk dơ̆ng ti anăp Yêhôwa mbĭt hŏng phung anak điêt, phung mô̆, leh anăn phung anak diñu.

Y-Nêhêmi 12:43

Diñu myơr mnơ̆ng ngă yang yuôm hruê anăn, leh anăn hơ̆k mơak, kyuadah Aê Diê bi mơak leh diñu hŏng klei mơak prŏng; phung mniê leh anăn phung hđeh hơ̆k mơak msĕ mơh. Arăng hmư̆ mơ̆ng kbưi klei hơ̆k mơak ƀuôn Yêrusalem.

Klei Mmuñ Hđăp 95:6

Bơ drei buôn leh anăn kkuh mpŭ; brei drei čuôn kơŭt ti anăp Yêhôwa, Pô hrih drei.

Y-Mathiơ 14:21

Phung mnuih ƀơ̆ng kpŭng kan anăn mâo hlăm brô êma êbâo čô êkei, amâo yap mniê leh anăn hđeh ôh.

Y-Markôs 1:40

Mâo sa čô mnuih djŏ phŭng nao kơ Yêsu. Gơ̆ buôn leh anăn lač kơ Ñu, “Tơdah Ih čiăng, Ih dưi bi doh kâo.”

Y-Luk 22:41

Leh anăn Ñu lŏ nao kbưi mơ̆ng digơ̆ hlăm brô sa wang bhĭr boh tâo, leh anăn čuôn kơŭt wah lač snei,

Bruă Phung Khua Ƀĭng Kna 15:3

Snăn leh Phung Sang Aê Diê tiŏ nao diñu, diñu găn čar Phênisi leh anăn čar Samari yăl dliê klei phung tue đăo. Klei anăn bi mơak snăk kơ jih jang phung ayŏng adei.

Bruă Phung Khua Ƀĭng Kna 17:10

Êjai mlam phung ayŏng adei tiŏ nao mtam Y-Pôl leh anăn Y-Silas kơ ƀuôn Ƀêrê. Leh diñu truh, diñu mŭt hlăm sang bi kƀĭn phung Yuđa.

Bruă Phung Khua Ƀĭng Kna 20:36

Leh ñu lač snăn, ñu čuôn kơŭt wah lač mbĭt hŏng jih jang digơ̆.

Bruă Phung Khua Ƀĭng Kna 20:38

Digơ̆ ênguôt hĭn kyua klei Y-Pôl lač digơ̆ amâo srăng lŏ ƀuh ƀô̆ mta ñu ôh. Leh anăn digơ̆ atăt Y-Pôl truh kơ kŭmpăn.

Bruă Phung Khua Ƀĭng Kna 9:40

Y-Pêtrôs brei jih jang mnuih kbiă ti tač. Ñu čuôn kơŭt, wah lač, leh anăn wir dlăng kơ asei mlei mnuih djiê, lač, “Ơ H'Tabitha, kgŭ bĕ.” Gơ̆ mblang ală, leh anăn tơdah gơ̆ ƀuh Y-Pêtrôs, gơ̆ kgŭ dôk.

Y-Yôsuê 24:15

Ară anei, tơdah diih amâo čiăng mă bruă kơ Yêhôwa ôh, ruah bĕ hruê anei kơ hlei pô diih čiăng mă bruă, thâodah phung yang phung aê diih đưm mă bruă ti hang nah yŭ Êa Krông Ơphrat, thâodah kơ yang phung Amôrit hlăm čar diñu diih dôk. Bi kâo leh anăn phung hlăm sang kâo, hmei srăng mă bruă kơ Yêhôwa.”

Y-Yôsuê 8:35

Amâo kƀah ôh sa boh blŭ mơ̆ng jih klei Y-Môis mtă leh Y-Yôsuê amâo tuôm ktuê răk ti anăp jih jang phung Israel bi kƀĭn, phung mniê leh anăn phung hđeh, leh anăn phung jưh bhiâo ti krah diñu.