Bruă Phung Khua Ƀĭng Kna 21:3 - Klei Aê Diê Blŭ 2015

³ Tơdah hmei ƀuh plao êa Čiprơ, hmei găn nao phă dhŭng, hlŏng truh kơ čar Siri, leh anăn hmei trŭn ti ƀuôn Tir; kyuadah tinăn arăng suai mă mnơ̆ng kŭmpăn mdiăng.

Bruă Phung Khua Ƀĭng Kna 21:3 Iomraidhean Croise

II Y-Samuel 8:6

Leh anăn Y-Đawit ngă đa đa kđông kahan hlăm Aram ti ƀuôn Damas; leh anăn phung Siri jing dĭng buăl kơ Y-Đawit leh anăn tuh jia. Yêhôwa brei klei dưi kơ Y-Đawit grăp anôk ñu nao.

Klei Mmuñ Hđăp 45:12

Phung ƀuôn sang ƀuôn Tir srăng djă ba mnơ̆ng myơr; wăt phung mdrŏng hĭn srăng kwưh klei ih pap.

Klei Mmuñ Hđăp 87:4

Tơdah kâo hưn anăn phung thâo kral kâo, kâo srăng hưn anăn čar Êjip leh anăn čar Ƀaƀilôn. Kâo srăng lač, nĕ anei ti ƀuôn Siôn arăng kkiêng leh kơ čar phung Philistin, Tir, leh anăn Êthiôpi.

Y-Êsai 7:2

Tơdah arăng hriê hưn kơ sang Y-Đawit, lač, “Phung Siri bi mguôp leh hŏng phung Êphraim,” ai tiê Y-Ahas wăt ai tiê phung ƀuôn sang ñu ktư̆ yơ̆ng msĕ si kyâo hlăm kmrơ̆ng mgei hŏng angĭn.

Y-Mathiơ 11:21

“Knap mñai yơh kơ ih, Ơ ƀuôn Kôrasin! Knap mñai yơh kơ ih, Ơ ƀuôn Betsaida! Kyuadah tơdah arăng ngă leh ti ƀuôn Tir leh anăn ti ƀuôn Sidôn bruă myang arăng ngă leh ti krah diih, sĭt nik sui leh yơh diñu kmhal kơ klei soh, hơô klŭng, leh anăn ƀui hbâo.

Y-Mathiơ 4:24

Snăn arăng hmư̆ hing kơ Ñu tar ƀar čar Siri. Digơ̆ atăt ba kơ Ñu jih phung mnuih ruă duam, mâo klei ruă mdê mdê, đa đa mâo yang jhat dôk hlăm digơ̆, phung mâo klei ruă kñhăk asei mlei, leh anăn phung êwiên. Ñu bi hlao digơ̆ jih.

Y-Luk 10:13

“Knap mñai yơh kơ ih, Ơ ƀuôn Kôrasin! Knap mñai yơh kơ ih, Ơ ƀuôn Betsaida! Kyuadah tơdah bruă myang arăng ngă leh ti krah diih arăng ngă leh hlăm ƀuôn Tir leh anăn ƀuôn Sidôn, sui leh diñu kmhal kơ klei soh, hơô klŭng, leh anăn dôk gŭ ti hbâo.

Y-Luk 2:2

Anei jing klei čih anăn tal êlâo hĭn, êjai Y-Kirinius jing khua kiă kriê čar Siri.

Bruă Phung Khua Ƀĭng Kna 11:19

Mâo phung đăo bra đuĕ leh kyua klei arăng ngă jhat dơ̆ng hŏng Y-Êtiên, leh anăn diñu hiu truh ti čar Phênisi, ti plao êa Čiprơ, leh anăn ti ƀuôn Antiôs, mtô klei Aê Diê blŭ knŏng kơ phung Yuđa.

Bruă Phung Khua Ƀĭng Kna 12:20

Mtao Hêrôt ăl kơ phung Tir leh anăn kơ phung Sidôn. Phung anăn, leh ngă mah jiăng hŏng Y-Blastus khua kiă sang mtao Hêrôt, nao mbĭt mđrăm kơ mtao akâo klei êđăp ênang, kyuadah čar diñu knang kơ čar mtao čiăng mâo mnơ̆ng ƀơ̆ng huă.

Bruă Phung Khua Ƀĭng Kna 13:4

Snăn Yang Mngăt Jăk tiŏ nao Y-Barnabas leh anăn Y-Sôl, leh anăn diñu trŭn nao kơ ƀuôn Sêlusi. Mơ̆ng anăn diñu đĭ kŭmpăn nao kơ plao êa Čiprơ.

Bruă Phung Khua Ƀĭng Kna 15:23

Diñu brei digơ̆ djă ba sa pŏk hră čih snei: “Phung ayŏng adei, jing phung khua ƀĭng kna wăt phung khua mduôn, mơĭt klei kkuh čhưn kơ phung ayŏng adei hlăm phung tue ti ƀuôn Antiôs, čar Siri, leh anăn čar Silisi.

Bruă Phung Khua Ƀĭng Kna 15:39

Diñu bi mgăl ktang snăk, tơl diñu bi ktlah. Y-Barnabas jak ba Y-Markôs mbĭt hŏng ñu leh anăn đĭ kŭmpăn nao kơ plao êa Čiprơ.

Bruă Phung Khua Ƀĭng Kna 15:41

Ñu hiu hlăm čar Siri leh anăn čar Silisi bi ktang Phung Sang Aê Diê.

Bruă Phung Khua Ƀĭng Kna 18:18

Leh klei anăn Y-Pôl lŏ dôk sui ƀiă ti ƀuôn Kôrantô. Leh anăn ñu lui phung ayŏng adei, đĭ kŭmpăn nao kơ čar Siri, H'Prisil leh anăn Y-Akilas nao mbĭt, leh ñu kuêh ƀŭk ñu ti ƀuôn Sankrê, kyuadah ñu ngă leh klei ƀuăn.

Bruă Phung Khua Ƀĭng Kna 21:16

Đa đa phung ƀĭng kna mơ̆ng ƀuôn Sêsarê nao mbĭt hŏng hmei. Diñu atăt hmei kơ sang Y-Mnasôn mnuih plao êa Čiprơ, sa čô ƀĭng kna mơ̆ng mphŭn, leh anăn hmei dôk hlăm sang gơ̆.

Bruă Phung Khua Ƀĭng Kna 21:2

Hmei ƀuh tinăn sa boh kŭmpăn nao kơ čar Phênisi, snăn hmei đĭ kŭmpăn anăn leh anăn nao.

Bruă Phung Khua Ƀĭng Kna 21:7

Mơ̆ng ƀuôn Tir hmei đĭ kŭmpăn nao truh ti ƀuôn Tôlômê. Hmei čhưn hŏng phung ayŏng adei đăo leh anăn dôk mbĭt hŏng diñu sa hruê.

Bruă Phung Khua Ƀĭng Kna 27:4

Mơ̆ng anăn hmei đĭ kŭmpăn, kyuadah angĭn tlă anăp hmei nao hlue hang anôk kơup plao êa Čiprơ.

Bruă Phung Khua Ƀĭng Kna 4:36

Snăn Y-Yôsep, pô phung khua ƀĭng kna lŏ bi anăn Y-Barnabas (čiăng lač pô thâo mđĭ ai), sa čô Lêwi kkiêng ti plao êa Čiprơ,

Phung Khua Phat Kđi 10:6

Phung ƀuôn sang Israel lŏ ngă klei ƀai ti anăp ală Yêhôwa, leh anăn mă bruă kơ phung yang Baal, kơ yang Astarôt, phung yang čar Aram, phung yang ƀuôn Sidôn, phung yang čar Môap, phung yang phung Amôn, leh anăn phung yang phung Philistin; leh anăn diñu lui wir Yêhôwa, amâo mă bruă kơ Gơ̆ ôh.