Bruă Phung Khua Ƀĭng Kna 21:11 - Klei Aê Diê Blŭ 2015

¹¹ Tơdah ñu truh kơ hmei, ñu mă hdrăng kơiêng Y-Pôl, kă jơ̆ng kngan ñu pô leh anăn lač, “Snei Yang Mngăt Jăk lač, ‘Msĕ snei phung Yuđa ti ƀuôn Yêrusalem srăng čăp pô hdrăng kơiêng anei, leh anăn jao gơ̆ hlăm kngan phung tue.’ ”

Bruă Phung Khua Ƀĭng Kna 21:11 Iomraidhean Croise

I Bruă Mtao 22:11

Y-Sêdêkia anak êkei Y-Kênana ngă leh kơ ñu pô ki msei leh anăn lač, “Snei Yêhôwa lač, ‘Hŏng ki anei ih srăng klư̆ phung Siri tơl diñu rai.’ ”

Y-Êsai 20:2

hlăk anăn Yêhôwa blŭ leh kơ Y-Êsai anak êkei Y-Amôt, lač, “Nao bĕ, kleh hĕ klŭng mơ̆ng kơiêng ih leh anăn toh hĕ hdruôm jơ̆ng ih.” Gơ̆ ngă snăn, êbat asei lưng leh anăn jơ̆ng mang.

Y-Yêrêmi 19:1

Snei Yêhôwa blŭ, “Nao blei bĕ sa boh čeh lăn, leh anăn atăt ba mbĭt đa đa phung khua mduôn hlăm phung ƀuôn sang leh anăn đa đa phung khua ngă yang mduôn hĭn,

Y-Ôsê 12:10

Kâo blŭ leh kơ phung khua pô hưn êlâo, jing Kâo yơh bi lar leh klei bi ƀuh, leh anăn hŏng phung khua pô hưn êlâo Kâo blŭ leh klei bi hriêng.”

Y-Yôhan 18:1

Leh Yêsu wah lač, Ñu nao mbĭt hŏng phung ƀĭng kna Ñu găn tlung êa hnoh Kidrôn, tinăn mâo war mnga. Ñu mŭt tinăn mbĭt hŏng phung ƀĭng kna Ñu.

Bruă Phung Khua Ƀĭng Kna 13:2

Êjai diñu kkuh mpŭ kơ Khua Yang leh anăn kăm ƀơ̆ng huă, Yang Mngăt Jăk lač, “Pioh brei kơ Kâo Y-Barnabas leh anăn Y-Sôl kơ bruă Kâo iêô digơ̆ leh.”

Bruă Phung Khua Ƀĭng Kna 16:6

Diñu găn čar Phriji leh anăn čar Galati, leh anăn Yang Mngăt Jăk ghă diñu hưn klei Aê Diê blŭ hlăm čar Asi.

Bruă Phung Khua Ƀĭng Kna 20:23

knŏng hlăm grăp boh ƀuôn Yang Mngăt Jăk hưn kơ kâo thâo klei săng đai leh anăn klei knap mñai dôk guôn kâo.

Bruă Phung Khua Ƀĭng Kna 21:33

Khua kahan prŏng nao giăm, mă Y-Pôl leh anăn mtă kơ arăng kă gơ̆ hŏng dua aruăt klei săng đai. Ñu êmuh hlei gơ̆ jing leh anăn ya klei gơ̆ ngă leh.

Bruă Phung Khua Ƀĭng Kna 21:4

Leh hmei duah phung ƀĭng kna, hmei dôk tinăn kjuh hruê. Hŏng klei Yang Mngăt Jăk bi êdah, diñu hưn kơ Y-Pôl đăm nao ôh kơ ƀuôn Yêrusalem.

Bruă Phung Khua Ƀĭng Kna 22:25

Ƀiădah tơdah arăng kă leh čiăng čăm ñu, Y-Pôl lač kơ khua kahan sa êtuh čô dôk dơ̆ng tinăn, “Bhiăn mơ̆ ih čăm sa čô Rôm ka phat kđi ôh?”

Bruă Phung Khua Ƀĭng Kna 24:27

Ƀiădah tơdah êgao leh dua thŭn, Aê Pôrtus Phêtus hriê hrô Aê Phêlik. Kyuadah Aê Phêlik čiăng bi mơak kơ phung Yuđa, ñu ăt brei arăng krư̆ Y-Pôl.

Bruă Phung Khua Ƀĭng Kna 26:29

Y-Pôl lač, “Thâodah ƀiă mông amâodah sui, kâo akâo kơ Aê Diê brei amâo djŏ knŏng hjăn ih ôh, ƀiădah wăt jih jang mnuih dôk hmư̆ kâo hruê anei srăng jing msĕ si kâo, ƀiădah knŏng amâo mâo klei săng đai anei ôh.”

Bruă Phung Khua Ƀĭng Kna 28:17

Êgao leh tlâo hruê, Y-Pôl iêô bi kƀĭn phung khua Yuđa tinăn. Êjai diñu bi kƀĭn, Y-Pôl lač kơ diñu, “Ơ phung ayŏng adei, wăt tơdah kâo amâo tuôm ngă soh hŏng phung ƀuôn sang ôh amâodah hŏng klei bhiăn phung aê drei, ăt arăng jao kâo jing mnă ti ƀuôn Yêrusalem leh anăn jao kâo hlăm kngan phung Rôm.

Bruă Phung Khua Ƀĭng Kna 28:20

Kyuanăn yơh kâo akâo čiăng bi tuôm leh anăn blŭ hrăm hŏng diih, kyua klei phung Israel čang hmăng yơh arăng kă kâo hŏng klei săng đai anei.”

Bruă Phung Khua Ƀĭng Kna 28:25

Snăn êjai diñu amâo sa ai ôh hdơ̆ng diñu, diñu đuĕ wĭt leh Y-Pôl blŭ snei, “Djŏ leh Yang Mngăt Jăk blŭ kơ phung aê diih hŏng khua pô hưn êlâo Y-Êsai:

Bruă Phung Khua Ƀĭng Kna 8:29

Yang Mngăt Jăk lač kơ Y-Philip, “Nao bĕ bi hmao êdeh aseh anăn.”

Bruă Phung Khua Ƀĭng Kna 9:16

Kyuadah Kâo srăng bi êdah kơ gơ̆ lu klei knap mñai gơ̆ srăng tŭ kyua anăn Kâo.”

Êphêsô 3:1

Kyua klei anăn, kâo gơ̆ Y-Pôl, jing sa čô mnă kơ Krist Yêsu kyua diih phung tue.

Êphêsô 4:1

Snăn kâo gơ̆, sa čô jing mnă kyua Khua Yang, kwưh kơ diih dôk dơ̆ng ƀơ̆ng huă năng hŏng klei Aê Diê iêô diih leh,

Êphêsô 6:20

Kyua bruă anăn kâo jing dĭng ktang arăng kă hŏng klei săng đai. Snăn wah lač kơ kâo čiăng kơ kâo dưi hưn klei anei hŏng klei jhŏng tui si jing djŏ kơ kâo blŭ.

I Y-Timôthê 4:1

Yang Mngăt Jăk hưn mngač leh hlăm ênuk knhal tuč đa đa srăng lui wir klei đăo, čiăng gưt kơ phung yang mplư leh anăn kơ klei yang jhat mtô.

II Y-Timôthê 2:9

Kyua klei mrâo mrang jăk anăn kâo tŭ klei knap mñai leh anăn arăng kă hŏng klei săng đai msĕ si sa čô mnuih soh prŏng. Ƀiădah amâo mâo pô dưi kă ôh klei Aê Diê blŭ.

Hêbrơ 10:34

Kyuadah diih mâo leh klei thâo pap kơ phung mnă, leh anăn diih tŭ leh hŏng klei hơ̆k mơak klei arăng plah mă ngăn dŏ diih, kyuadah diih thâo leh diih pô mâo ngăn dŏ jăk hĭn leh anăn dôk hlŏng lar.

Hêbrơ 3:7

Kyuanăn tui si Yang Mngăt Jăk lač, “Hruê anei tơdah diih hmư̆ asăp Ñu,

I Y-Pêtrôs 1:12

Aê Diê bi êdah leh kơ diñu bruă diñu ngă amâo djŏ kơ diñu pô ôh, ƀiădah kơ diih ară anei yơh. Klei anăn phung mtô klei mrâo mrang jăk hŏng Yang Mngăt Jăk Aê Diê tiŏ hriê leh mơ̆ng adiê hưn kơ diih. Wăt phung dĭng buăl jăk Aê Diê čiăng ksiêm dlăng klei anăn mơh.