Bruă Phung Khua Ƀĭng Kna 20:6 - Klei Aê Diê Blŭ 2015

⁶ Leh ruê̆ hruê ƀơ̆ng kpŭng amâo mâo kpei, hmei đĭ kŭmpăn mơ̆ng ƀuôn Philip, leh anăn êgao êma hruê hmei bi tuôm hŏng diñu ti ƀuôn Trôas. Tinăn hmei dôk kjuh hruê.

Bruă Phung Khua Ƀĭng Kna 20:6 Iomraidhean Croise

Klei Kbiă 23:15

Brei ih ngă klei knăm kơ Kpŭng Amâo Mâo Kpei; tui si Kâo mtă leh, ih srăng ƀơ̆ng kpŭng amâo mâo kpei êjai kjuh hruê bi kčah leh hlăm mlan pă, kyuadah mlan anăn yơh ih kbiă leh mơ̆ng čar Êjip. Đăm brei sa čô hriê ti anăp Kâo hŏng kngan mang ôh.

Klei Kbiă 34:18

Brei ih hdơr pioh Klei Knăm Kpŭng Amâo Mâo Kpei. Tui si Kâo mtă leh kơ ih, brei ih ƀơ̆ng kpŭng amâo mâo kpei êjai kjuh hruê ti yan bi kčah leh hlăm mlan Abib; kyuadah hlăm mlan Abib ih kbiă mơ̆ng čar Êjip.

Bruă Phung Khua Ƀĭng Kna 12:3

Tơdah ñu ƀuh klei anăn bi mơak kơ phung Yuđa, ñu brei arăng mă čăp Y-Pêtrôs msĕ mơh. Klei anăn truh êjai hruê ƀơ̆ng kpŭng amâo mâo kpei.

Bruă Phung Khua Ƀĭng Kna 16:10

Leh Y-Pôl mâo leh klei bi ƀuh anăn, hmei duah mtam êlan hlŏng nao kơ čar Masêdôn, kyuadah hmei thâo klă Aê Diê iêô leh hmei brei hưn klei mrâo mrang jăk kơ phung anăn.

Bruă Phung Khua Ƀĭng Kna 16:12

Mơ̆ng anăn hmei nao kơ ƀuôn Philip, ƀuôn prŏng hĭn hlăm čar Masêdôn, jing ƀuôn phung Rôm hriê dôk kiă kriê. Hmei dôk ti ƀuôn anăn lu hruê.

Bruă Phung Khua Ƀĭng Kna 16:8

Snăn diñu găn čar Misi leh anăn trŭn nao kơ ƀuôn Trôas.

Bruă Phung Khua Ƀĭng Kna 20:16

Kyuadah Y-Pôl čuăn čiăng găn ƀuôn Êphêsô, amâo jưh tinăn ôh huĭ luč hruê hlăm čar Asi, kyuadah ñu ruăt čiăng truh ti ƀuôn Yêrusalem hruê Pantơkôt tơdah dưi.

Bruă Phung Khua Ƀĭng Kna 20:5

Phung anei nao êlâo leh anăn dôk guôn hmei ti ƀuôn Trôas.

Bruă Phung Khua Ƀĭng Kna 21:4

Leh hmei duah phung ƀĭng kna, hmei dôk tinăn kjuh hruê. Hŏng klei Yang Mngăt Jăk bi êdah, diñu hưn kơ Y-Pôl đăm nao ôh kơ ƀuôn Yêrusalem.

Bruă Phung Khua Ƀĭng Kna 21:8

Hruê mgi hmei đuĕ nao kơ ƀuôn Sêsarê. Hmei mŭt dôk hlăm sang pô mtô Klei Mrâo Mrang Jăk Y-Philip. Ñu jing sa čô hlăm phung kjuh čô khua sang yang anăn.

Bruă Phung Khua Ƀĭng Kna 28:14

Tinăn hmei tuôm hŏng phung ayŏng adei, leh anăn diñu jak hmei dôk hŏng diñu êjai kjuh hruê. Leh anăn hmei hlŏng truh kơ ƀuôn Rôm.

Philip 1:1

Y-Pôl leh anăn Y-Timôthê, phung dĭng buăl Krist Yêsu, čih mơĭt kơ jih jang phung doh jăk hlăm Krist Yêsu dôk ti ƀuôn Philip mbĭt hŏng phung khua kiă kriê Phung Sang Aê Diê leh anăn phung khua sang yang.

I Têsalônik 2:2

Wăt tơdah hmei tŭ leh klei knap leh anăn klei arăng ngă jhat ti ƀuôn Philip, msĕ si diih thâo leh, hmei ăt mâo klei jhŏng hlăm Aê Diê hmei čiăng hưn kơ diih klei mrâo mrang jăk Aê Diê ti krah lu klei bi kdơ̆ng.

II Y-Timôthê 4:13

Tơdah ih srăng hriê, djă ba ao kpal kâo lui leh hlăm sang Y-Karpus ti ƀuôn Trôas, leh anăn djă ba msĕ mơh wăt jih jang hdruôm hră, boh nik nak hdruôm hră klĭt.