Bruă Phung Khua Ƀĭng Kna 2:7 - Klei Aê Diê Blŭ 2015

⁷ Diñu bi kngăr leh anăn amâo thâo săng, snăn diñu lač, “Amâo djŏ hĕ jih jang phung dôk blŭ anăn jing phung Galilê?

Bruă Phung Khua Ƀĭng Kna 2:7 Iomraidhean Croise

Y-Mathiơ 21:11

Phung lu lŏ wĭt lač, “Pô anei jing Yêsu, khua pô hưn êlâo mơ̆ng ƀuôn Nasaret čar Galilê.”

Y-Mathiơ 26:73

Ƀiăriă phung dôk giăm tinăn hriê lač kơ Y-Pêtrôs, “Sĭt nik ih jing sa čô hlăm phung anăn mơh, kyuadah asăp ih blŭ hưn hlei ih jing.”

Y-Mathiơ 8:10

Tơdah Yêsu hmư̆ khua kahan anăn, Ñu bi kngăr leh anăn lač kơ phung tui hlue Ñu, “Sĭt nik Kâo lač kơ diih, wăt hlăm čar Israel Kâo ka tuôm ƀuh ôh mnuih mâo klei đăo prŏng msĕ snăn.

Y-Markôs 1:27

Jih jang diñu bi kngăr, leh anăn bi êmuh hdơ̆ng diñu lač, “Ya klei anei lĕ? Sa klei mtô mrâo mơ̆? Ñu mtă hŏng klei kơhưm wăt kơ phung yang čhŏ, leh anăn diñu gưt mơh.”

Y-Markôs 2:12

Pô êwiên kgŭ mtam, mă añuê buk ñu leh anăn kbiă mơ̆ng anăp jih jang phung anăn; snăn jih jang diñu bi kngăr leh anăn mpŭ mni kơ Aê Diê, lač, “Drei amâo tuôm ƀuh ôh klei msĕ snei.”

Y-Yôhan 7:52

Phung Pharisi lŏ wĭt lač, “Ih msĕ mơ̆ jing sa čô mnuih mơ̆ng čar Galilê? Ksiêm bĕ Klei Aê Diê Blŭ leh anăn ih srăng thâo amâo mâo ôh sa čô khua pô hưn êlâo kbiă hriê mơ̆ng čar Galilê.” [

Bruă Phung Khua Ƀĭng Kna 1:11

leh anăn lač, “Ơ phung mnuih čar Galilê, si ngă diih dôk dơ̆ng dlăng kơ adiê lĕ? Yêsu anei, Pô Aê Diê pŭ ba leh kơ adiê mơ̆ng diih, srăng lŏ hriê msĕ si diih ƀuh Ñu đĭ kơ adiê mơh.”

Bruă Phung Khua Ƀĭng Kna 2:12

Jih jang diñu bi kngăr leh anăn rŭng răng, bi lač hdơ̆ng diñu, “Ya jing klei anei?”

Bruă Phung Khua Ƀĭng Kna 2:8

Si ngă grăp čô phung drei hmư̆ diñu blŭ klei blŭ čar drei pô lĕ?

Bruă Phung Khua Ƀĭng Kna 3:10

Arăng thâo kral gơ̆ jing pô akâo mnơ̆ng pap dôk gŭ ti Ƀăng Jang Siam sang kkuh mpŭ. Snăn diñu bŏ hŏng klei bi kngăr leh anăn amâo thâo săng kơ klei truh leh kơ gơ̆.