Bruă Phung Khua Ƀĭng Kna 2:43 - Klei Aê Diê Blŭ 2015

⁴³ Jih jang mnuih mâo klei huĭ kyua phung khua ƀĭng kna ngă lu klei yuôm bhăn leh anăn klei bi knăl mdê.

Bruă Phung Khua Ƀĭng Kna 2:43 Iomraidhean Croise

H'Êsther 8:17

Hlăm grăp boh čar leh anăn hlăm grăp boh ƀuôn, grăp anôk klei mtao mtă leh anăn klei bhiăn ñu truh, mâo klei mơak mñai leh anăn klei hơ̆k kdơ̆k ti krah phung Yuđa, sa klei huă mnăm leh anăn sa hruê knăm. Mâo lu mnuih phung găp djuê ti čar mkăn hưn diñu jing phung Yuđa, kyuadah klei huĭ kơ phung Yuđa ngă kơ diñu.

Y-Yêrêmi 33:9

Ƀuôn anei srăng jing kơ Kâo sa anăn klei hơ̆k mơak, klei bi mni, leh anăn klei guh kơang ti anăp jih jang phung găp djuê mnuih ti lăn ala, phung srăng hmư̆ kơ jih klei jăk Kâo ngă kơ gơ̆; digơ̆ srăng huĭ leh anăn ktư̆ yơ̆ng kyuadah jih klei jăk leh anăn jih klei čăt đĭ Kâo srăng brei kơ ƀuôn anei.’

Y-Ôsê 3:5

Êdei kơ klei anăn phung anak čô Israel srăng lŏ wĭt leh anăn tui duah Yêhôwa Aê Diê diñu, leh anăn Y-Đawit mtao diñu. Diñu srăng hriê hŏng klei huĭ mpŭ kơ Yêhôwa leh anăn hriê mă tŭ klei jăk jĭn Ñu hlăm ênuk knhal tuč.

Y-Markôs 16:17

Leh anăn arăng srăng brei klei bi knăl mdê anei kơ phung đăo: hlăm anăn Kâo diñu srăng suôt phung yang jhat, diñu srăng blŭ klei tue,

Y-Luk 7:16

Jih jang mnuih huĭ sơăi, leh anăn diñu mpŭ mni kơ Aê Diê, lač, “Sa čô khua pô hưn êlâo prŏng truh leh ti krah drei,” leh anăn “Aê Diê hriê čhưn leh hŏng phung ƀuôn sang Ñu.”

Y-Luk 8:37

Snăn jih jang phung ƀuôn sang jŭm dar krĭng Gêrasen akâo kơ Yêsu đuĕ mơ̆ng diñu, kyuadah diñu huĭ snăk. Snăn Yêsu đĭ hlăm čhŏng leh anăn đuĕ wĭt.

Y-Yôhan 14:12

Kâo lač kơ diih klei sĭt nik, hlei pô đăo kơ Kâo srăng ngă mơh bruă Kâo ngă; leh anăn ñu srăng ngă bruă prŏng hĭn kơ bruă Kâo ngă, kyuadah Kâo đuĕ nao kơ Ama.

Bruă Phung Khua Ƀĭng Kna 2:22

Ơ phung Israel, hmư̆ bĕ klei blŭ anei: Yêsu ƀuôn Nasaret, Pô Aê Diê hưn bi sĭt leh klei Ñu jing ti anăp diih hŏng bruă myang, klei yuôm bhăn, leh anăn klei bi knăl yuôm Aê Diê yua Ñu ngă ti krah diih, msĕ si diih pô thâo leh —

Bruă Phung Khua Ƀĭng Kna 4:33

Hŏng klei myang prŏng phung khua ƀĭng kna hưn bi sĭt kơ klei Khua Yang Yêsu kbiă lŏ hdĭp, leh anăn klei pap prŏng dôk ti jih jang diñu.

Bruă Phung Khua Ƀĭng Kna 5:5

Y-Ananias hmư̆ klei blŭ anăn, ñu lĕ buh leh anăn djiê. Jih jang phung hmư̆ klei anăn huĭ snăk.

Bruă Phung Khua Ƀĭng Kna 9:34

Y-Pêtrôs lač kơ gơ̆, “Ơ Y-Ênê, Yêsu Krist bi hlao ih; kgŭ bĕ leh anăn mă jhưng pĭt ih.” Mtam gơ̆ kgŭ.

Bruă Phung Khua Ƀĭng Kna 9:40

Y-Pêtrôs brei jih jang mnuih kbiă ti tač. Ñu čuôn kơŭt, wah lač, leh anăn wir dlăng kơ asei mlei mnuih djiê, lač, “Ơ H'Tabitha, kgŭ bĕ.” Gơ̆ mblang ală, leh anăn tơdah gơ̆ ƀuh Y-Pêtrôs, gơ̆ kgŭ dôk.