Bruă Phung Khua Ƀĭng Kna 2:42 - Klei Aê Diê Blŭ 2015

⁴² Diñu gĭr hlăm klei hriăm klei phung khua ƀĭng kna mtô, hlăm klei bi mguôp, hlăm klei kjoh kpŭng, leh anăn hlăm klei wah lač.

Bruă Phung Khua Ƀĭng Kna 2:42 Iomraidhean Croise

Y-Luk 24:30

Êjai Yêsu dôk huă ƀơ̆ng mbĭt hŏng digơ̆, Ñu mă kpŭng leh anăn wah lač bi mni, kjoh kpŭng leh anăn brei kơ digơ̆.

Y-Luk 24:35

Leh anăn dua čô ƀĭng kna anăn msĕ mơh yăl dliê ya klei truh leh kơ digơ̆ ktuê êlan, leh anăn si digơ̆ thâo kral Yêsu êjai Ñu kjoh kpŭng.

Bruă Phung Khua Ƀĭng Kna 1:14

Jih jang phung anăn sa ai dôk wah lač, mbĭt hŏng phung mniê, mbĭt hŏng H'Mari amĭ Yêsu, leh anăn hŏng phung ayŏng adei Yêsu.

Bruă Phung Khua Ƀĭng Kna 11:23

Tơdah ñu truh leh anăn ƀuh klei Aê Diê pap, ñu mơak; leh anăn ñu mđĭ ai jih jang digơ̆ brei dôk kjăp sĭt suôr hŏng Khua Yang.

Bruă Phung Khua Ƀĭng Kna 14:22

lŏ bi ktang phung ƀĭng kna, mđĭ ai digơ̆ brei dôk kjăp hlăm klei đăo, leh anăn hưn kơ digơ̆ hŏng klei tŭ lu klei knap mñai kơh srăng mŭt hlăm ƀuôn ala mtao Aê Diê.

Bruă Phung Khua Ƀĭng Kna 2:46

Grăp hruê diñu bi kƀĭn hlăm sang kkuh mpŭ, leh anăn kjoh kpŭng hlăm sang diñu pô, hŏng ai tiê hơ̆k mơak leh anăn luă gŭ,

Bruă Phung Khua Ƀĭng Kna 20:11

Leh Y-Pôl lŏ đĭ kơ dlông, ñu kjoh kpŭng leh anăn ƀơ̆ng. Ñu lŏ blŭ hrăm hŏng digơ̆ sui tơl truh kơ aguah, leh anăn ñu đuĕ nao.

Bruă Phung Khua Ƀĭng Kna 20:7

Hruê tal sa hlăm hruê kăm, êjai hmei bi kƀĭn čiăng kjoh kpŭng, Y-Pôl blŭ hrăm hŏng diñu, mĭn đuĕ nao hruê mgi. Ñu dôk mtô sui tơl truh krah mlam.

Bruă Phung Khua Ƀĭng Kna 4:23

Leh arăng phưi digơ̆, digơ̆ nao kơ phung mah jiăng leh anăn hưn ya klei phung knơ̆ng khua ngă yang leh anăn phung khua mduôn lač leh kơ digơ̆.

Bruă Phung Khua Ƀĭng Kna 4:31

Leh wah lač, anôk diñu bi kƀĭn ktư̆ mgei. Jih jang diñu bŏ hŏng Yang Mngăt Jăk, leh anăn hưn klei Aê Diê blŭ hŏng klei jhŏng.

Bruă Phung Khua Ƀĭng Kna 6:4

Bi hmei srăng jao hmei pô kơ klei wah lač leh anăn mtô klei Aê Diê blŭ.”

Hră Y-Pôl Mơĭt kơ Phung Rôm 12:12

Hơ̆k mơak bĕ kyua klei diih čang hmăng, brei diih gĭr hlăm klei knap mñai, wah lač nanao.

I Kôrantô 10:21

Diih amâo dưi mnăm ôh atŏ Khua Yang leh anăn atŏ phung yang jhat. Diih amâo dưi ƀơ̆ng huă ôh ti jhưng Khua Yang leh anăn ti jhưng huă phung yang jhat.

I Kôrantô 11:2

Kâo bi mni kơ diih kyuadah diih hdơr kơ kâo hlăm jih jang klei, leh anăn tui gưt klei kâo mtô leh kơ diih.

I Kôrantô 14:6

Snăn, ơ phung ayŏng adei, tơdah kâo truh kơ diih, kâo blŭ klei blŭ amâo mâo pô thâo, si kâo srăng đru diih tơdah kâo amâo blŭ kơ diih hŏng klei bi êdah, hŏng klei thâo săng, hŏng klei hưn êlâo, amâodah hŏng klei mtô?

Galati 1:6

Kâo bi kngăr snăk kơ diih ruăt dơ̆ng lui Pô iêô diih leh hŏng klei Krist pap, čiăng tui hlue klei mrâo mrang jăk mkăn —

Êphêsô 2:20

mdơ̆ng leh ti dlông atur phung khua ƀĭng kna leh anăn phung khua pô hưn êlâo dưm leh, Krist Yêsu pô jing boh tâo phŭn ti kiêng.

Êphêsô 6:18

Hŏng Yang Mngăt Jăk wah lač jêñ jêñ leh anăn kwưh. Răng kơ klei anăn nanao hŏng klei gĭr, êjai wah lač brei kơ jih jang phung doh jăk.

Philip 1:5

hdơr knga kơ klei diih đru mă bruă mbĭt hlăm klei mrâo mrang jăk mơ̆ng mphŭn truh kơ ară anei.

Kôlôs 1:23

knŏng tơdah diih ăt dôk kjăp hlăm klei đăo, amâo kpleh mơ̆ng klei čang hmăng kbiă hriê mơ̆ng klei mrâo mrang jăk diih hmư̆ leh. Klei anăn arăng mtô leh kơ jih jang mnuih ti gŭ adiê, leh anăn kâo gơ̆, Y-Pôl, jing sa čô dĭng ktang kơ klei anăn.

Kôlôs 4:2

Gĭr bĕ diih hlăm klei wah lač, dôk răng kơ klei anăn leh anăn bi mni kơ Aê Diê.

II Y-Timôthê 3:14

Ƀiădah bi kơ ih, dôk kjăp bĕ hlăm klei ih hriăm leh anăn đăo sĭt leh. Ih thâo mơ̆ng hlei pô ih hriăm leh klei anăn,

Hêbrơ 10:25

Đăm lui ôh klei bi kƀĭn msĕ si đa đa mưng ngă, ƀiădah bi mđĭ ai hdơ̆ng drei, leh anăn ngă klei anăn lu hĭn êjai diih ƀuh Hruê Krist giăm truh.

Hêbrơ 10:39

Bi drei, amâo jing ôh hlăm phung kdŭn leh anăn luč, ƀiădah hlăm phung djă pioh klei đăo čiăng bi mtlaih kơ mngăt.

I Y-Yôhan 1:3

Klei hmei ƀuh leh anăn hmư̆ leh, hmei hưn kơ diih msĕ mơh, čiăng kơ diih dưi mâo klei bi mguôp mbĭt hŏng hmei. Leh anăn drei mâo klei bi mguôp anăn hŏng Ama leh anăn hŏng Anak Ñu Yêsu Krist.

I Y-Yôhan 1:7

Ƀiădah tơdah drei êbat hlăm klei mngač msĕ si Ñu dôk hlăm klei mngač, drei mâo klei bi mguôp hdơ̆ng drei, leh anăn êrah Yêsu Anak Ñu bi doh hĕ drei mơ̆ng jih jang klei soh.

I Y-Yôhan 2:19

Diñu kbiă leh mơ̆ng ti krah phung drei, ƀiădah diñu amâo jing phung drei ôh; kyuadah tơdah diñu jing phung drei, diñu ăt srăng dôk mbĭt hŏng drei. Ƀiădah diñu kbiă leh mơ̆ng drei, čiăng bi êdah klă kơ jih jang diñu amâo jing phung drei ôh.

Y-Yut 1:20

Ƀiădah diih, Ơ phung kâo khăp, brei diih mdơ̆ng diih pô hlăm klei đăo doh jăk diih, leh anăn wah lač bĕ hŏng klei myang Yang Mngăt Jăk.