Bruă Phung Khua Ƀĭng Kna 2:40 - Klei Aê Diê Blŭ 2015

⁴⁰ Leh anăn hŏng lu klei blŭ mkăn Y-Pêtrôs mtrŭt diñu, lač, “Đuĕ bĕ mơ̆ng găp djuê soh jhat anei čiăng mâo klei bi mtlaih.”

Bruă Phung Khua Ƀĭng Kna 2:40 Iomraidhean Croise

Klei Bi Hriêng 9:6

Lui hĕ klei mluk leh anăn dôk hdĭp, leh anăn êbat tui hlue êlan klei thâo mĭn.”

Y-Yêrêmi 51:45

Kbiă bĕ mơ̆ng krah ñu, Ơ phung ƀuôn sang Kâo! êran đuĕ bi mtlaih klei hdĭp diih! êran đuĕ mơ̆ng klei Yêhôwa ngêñ hlơr!

Y-Mathiơ 12:34

Ơ êđai ala kpơ̆ng! Si diih dưi blŭ klei jăk êjai diih jing jhat? Kyuadah mơ̆ng klei êbeh dlai hlăm ai tiê ƀăng êgei blŭ.

Y-Mathiơ 16:4

Ênuk phung jhat ƀai leh anăn knhông anei duah sa klei bi knăl mdê, ƀiădah Aê Diê amâo srăng brei klei bi knăl mkăn ôh, knŏng klei bi knăl mdê djŏ kơ Y-Yôna.” Êdei tinăn Gơ̆ lui phung anăn leh anăn đuĕ nao.

Y-Mathiơ 17:17

Yêsu lŏ wĭt lač, “Ơ găp djuê amâo mâo klei đăo leh anăn soh, dŭm boh sui Kâo srăng dôk mbĭt hŏng diih? Dŭm boh sui Kâo srăng gĭr hŏng diih? Atăt ba bĕ gơ̆ kơ Kâo tinei.”

Y-Mathiơ 23:33

Ơ phung ala, găp djuê ala pui, si diih mĭn dưi đuĕ mơ̆ng klei bi kmhal hlăm war pui?

Y-Markôs 8:38

Kyuadah hlei pô hêñ kơ Kâo leh anăn kơ klei Kâo blŭ hlăm ênuk knhông leh anăn soh anei, msĕ mơh Anak Mnuih srăng hêñ kơ pô anăn tơdah Ñu hriê hlăm klei guh kơang Ama Ñu mbĭt hŏng phung dĭng buăl doh jăk.”

Y-Luk 16:28

kyuadah kâo mâo êma čô ayŏng adei, čiăng kơ ñu dưi nao blŭ brei digơ̆ răng huĭdah digơ̆ msĕ mơh mŭt hĕ hlăm anôk knap mñai anei.’

Y-Luk 21:36

Ƀiădah kăp răng nanao, leh anăn wah lač čiăng kơ diih mâo klei ktang dưi tlaih mơ̆ng jih klei srăng truh anăn, leh anăn dưi dôk dơ̆ng ti anăp Anak Mnuih.”

Y-Yôhan 21:25

Leh anăn lŏ mâo lu klei mkăn Yêsu ngă leh; tơdah arăng čih ênŭm jih jang klei anăn, kâo mĭn wăt lăn ala amâo dưi djăp anôk ôh pioh hdruôm hră anăn.

Bruă Phung Khua Ƀĭng Kna 10:42

Leh anăn Ñu mtă leh kơ hmei brei mtô kơ phung ƀuôn sang, leh anăn hưn bi sĭt kơ klei Aê Diê mjing Ñu Khua phat kđi kơ phung hdĭp leh anăn kơ phung djiê.

Bruă Phung Khua Ƀĭng Kna 15:32

Y-Yuđas leh anăn Y-Silas, jing khua pô hưn êlâo mơh, mtô kơ phung ayŏng adei đăo lu klei blŭ bi mđĭ ai leh anăn klei bi ktang digơ̆.

Bruă Phung Khua Ƀĭng Kna 20:11

Leh Y-Pôl lŏ đĭ kơ dlông, ñu kjoh kpŭng leh anăn ƀơ̆ng. Ñu lŏ blŭ hrăm hŏng digơ̆ sui tơl truh kơ aguah, leh anăn ñu đuĕ nao.

Bruă Phung Khua Ƀĭng Kna 20:2

Ñu găn tar krĭng anăn bi mđĭ ai phung đăo lu snăk leh anăn ñu truh kơ čar Grĕk.

Bruă Phung Khua Ƀĭng Kna 20:21

Kâo mtô kơ phung Yuđa leh anăn kơ phung Grĕk klei kmhal kơ klei soh hŏng Aê Diê, leh anăn klei đăo hlăm Khua Yang drei Yêsu Krist.

Bruă Phung Khua Ƀĭng Kna 20:24

Ƀiădah kâo amâo yap klei hdĭp kâo yuôm ôh, knŏng kâo čiăng bi leh jih bruă kâo mă tŭ leh mơ̆ng Khua Yang Yêsu, brei kâo hưn klei mrâo mrang jăk klei Aê Diê pap.

Bruă Phung Khua Ƀĭng Kna 20:9

Sa čô êkei hlăk ai bi anăn Y-Ơtyk dôk gŭ ti ƀăng bhă điêt. Ñu pĭt hĕ êjai Y-Pôl dôk mtô sui sĭn. Leh anăn êjai ñu pĭt hĕ, ñu lĕ mơ̆ng adŭ tal tlâo, leh anăn arăng rŭ ñu djiê leh.

Bruă Phung Khua Ƀĭng Kna 28:23

Tơdah truh hruê diñu bi kčah, lu mnuih hriê kơ gơ̆ hlăm sang gơ̆ dôk. Y-Pôl mblang klei anăn kơ diñu mơ̆ng aguah lĕ tlam, hưn bi sĭt kơ ƀuôn ala mtao Aê Diê leh anăn duah mtrŭt diñu đăo kơ Yêsu tui si klei čih hlăm klei bhiăn Y-Môis leh anăn hlăm phung khua pô hưn êlâo.

Bruă Phung Khua Ƀĭng Kna 4:36

Snăn Y-Yôsep, pô phung khua ƀĭng kna lŏ bi anăn Y-Barnabas (čiăng lač pô thâo mđĭ ai), sa čô Lêwi kkiêng ti plao êa Čiprơ,

II Kôrantô 5:20

Snăn hmei jing dĭng ktang kơ Krist, msĕ si Aê Diê yua hmei kwưh kơ arăng. Hmei kwưh kơ diih hlăm anăn Krist, brei diih lŏ bi grăng bĕ hŏng Aê Diê.

II Kôrantô 6:17

Kyuanăn kbiă bĕ diih mơ̆ng krah diñu, leh anăn bi ktlah bĕ mơ̆ng diñu, Khua Yang lač, leh anăn đăm ruêh ôh mnơ̆ng čhŏ, snăn Kâo srăng jum diih;

Galati 5:3

Kâo lŏ mñă kơ grăp čô hlei pô tŭ klei khăt klĭt, ñu đuôm hŏng klei gưt jih jang klei bhiăn.

Êphêsô 4:17

Snei klei kâo hưn bi sĭt hlăm anăn Khua Yang, đăm brei diih lŏ dôk hdĭp msĕ si phung tue ôh, phung tui hlue klei mĭn hơăi mang diñu pô.

Klei Mtô Mñă Klei Bhiăn 32:5

Diñu ngă hŏng Gơ̆ klei soh jhat êdi, diñu amâo lŏ jing phung anak Gơ̆ ôh kyua klei hêñ diñu; diñu jing phung găp djuê soh leh anăn wê.

Philip 2:15

čiăng kơ diih jing êngeh amâo mâo klei dưi ƀuah ôh, jing phung anak Aê Diê amâo mâo klei čhŏ ôh ti krah ênuk phung soh leh anăn jhat. Ti krah diñu diih mtrang msĕ si pui mngač hlăm lăn ala,

I Têsalônik 2:11

Kyuadah diih thâo leh, msĕ si sa čô ama hŏng phung anak ñu. Snăn mơh, hmei jing hŏng grăp čô diñu.

I Y-Timôthê 4:16

Răng bĕ kơ ih pô leh anăn kơ klei ih mtô. Gĭr ngă klei anăn nanao, kyuadah êjai ngă snăn ih srăng bi mtlaih ih pô leh anăn phung dôk hmư̆ ih.

I Y-Pêtrôs 5:12

Hŏng Y-Silas, pô kâo yap jing sa čô adei sĭt suôr, kâo brei čih leh dua tlâo boh anei kơ diih, čiăng mtrŭt diih leh anăn hưn kơ diih thâo klei anei jing klei Aê Diê pap sĭt. Dôk kjăp bĕ hlăm klei pap anăn.