Bruă Phung Khua Ƀĭng Kna 2:30 - Klei Aê Diê Blŭ 2015

³⁰ Kyuadah ñu jing sa čô khua pô hưn êlâo, leh anăn thâo leh kơ Aê Diê ƀuăn leh kơ ñu hŏng klei kat asei, čiăng brei sa čô hlăm phung anak čô ñu dôk gŭ ti jhưng mtao ñu,

Bruă Phung Khua Ƀĭng Kna 2:30 Iomraidhean Croise

II Y-Samuel 23:2

Mngăt Myang Yêhôwa brei kơ kâo blŭ klei ñu, klei ñu blŭ dôk ti êlah kâo.

Y-Êsai 7:14

Kyuanăn Khua Yang pô srăng brei sa klei bi knăl kơ diih: Nĕ anei, sa čô mniê êra hrông srăng ba tian leh anăn kkiêng kơ sa čô anak êkei. Ñu srăng bi anăn gơ̆ Êmanuel.

Y-Yêrêmi 30:9

Ƀiădah diñu srăng mă bruă kơ Yêhôwa Aê Diê diñu leh anăn Y-Đawit mtao diñu, pô Kâo srăng bi kbiă kơ diñu.’

Y-Mika 5:2

Ƀiădah ih, Ơ ƀuôn Betlêhem Êphrata, wăt tơdah ih jing ƀuôn điêt ti krah phung găp djuê čar Yuđa, mơ̆ng ih srăng kbiă hriê kơ Kâo sa čô srăng jing khua gai gĭt hlăm phung Israel, Pô mâo phŭn mơ̆ng ênuk đưm, mơ̆ng ênuk hlŏng lar.

Y-Mathiơ 22:43

Yêsu lač kơ phung Pharisi, “Snăn si ngă Y-Đawit, êjai blŭ hŏng klei Yang Mngăt Jăk kčŭt pia kơ Gơ̆ Khua Yang, lač,

Y-Mathiơ 27:35

Leh diñu pơ̆ng Gơ̆ ti kyâo bi kal, diñu bi mbha čhiăm ao Gơ̆ hŏng klei bi mđăo.

Y-Markôs 12:36

Y-Đawit, pô hŏng Yang Mngăt Jăk, hưn leh: ‘Khua Yang lač kơ Khua Yang kâo, Dôk gŭ bĕ tĭng hnuă Kâo, tơl Kâo dưm phung roh Ih ti gŭ jơ̆ng Ih.’

Y-Luk 24:44

Leh anăn Yêsu lač kơ diñu, “Jih klei Kâo blŭ leh kơ diih êjai Kâo ăt dôk mbĭt hŏng diih, čiăng kơ jih jang klei arăng čih leh djŏ kơ Kâo hlăm klei bhiăn Y-Môis, hlăm klei phung khua pô hưn êlâo čih, leh anăn hlăm Klei Mmuñ Hđăp srăng bi sĭt sơăi.”

Bruă Phung Khua Ƀĭng Kna 1:16

“Ơ phung ayŏng adei, bi sĭt leh Klei Aê Diê Blŭ čih, klei anăn Yang Mngăt Jăk hưn êlâo leh hŏng ƀăng êgei Y-Đawit, djŏ kơ Y-Yuđas pô atăt êlan kơ phung mă čăp Yêsu.

Hră Y-Pôl Mơĭt kơ Phung Rôm 1:3

Klei mrâo mrang jăk anăn djŏ kơ Anak Ñu, Yêsu Krist Khua Yang drei, tui si hlăm kđeh Gơ̆ jing anak čô Y-Đawit,

Hră Y-Pôl Mơĭt kơ Phung Rôm 15:12

leh anăn Y-Êsai lŏ lač, “Kƀiêng Y-Yêsê srăng kbiă hriê, jing Pô srăng đĭ kiă kriê phung tue; hlăm Ñu phung tue srăng mâo klei čang hmăng.”

II Y-Timôthê 2:8

Brei ih hdơr kơ Yêsu Krist, Pô Aê Diê bi kbiă lŏ hdĭp leh mơ̆ng phung djiê, jing anak čô găp djuê Y-Đawit, tui si klei mrâo mrang jăk kâo mtô.

Hêbrơ 1:1

Lu blư̆ leh anăn hlăm lu êlan mdê mdê Aê Diê blŭ leh mphŭn dô kơ phung aê drei hŏng phung khua pô hưn êlâo;

Hêbrơ 3:7

Kyuanăn tui si Yang Mngăt Jăk lač, “Hruê anei tơdah diih hmư̆ asăp Ñu,

Hêbrơ 4:7

Aê Diê lŏ bi kčah sa hruê, “Hruê anei,” tơdah Ñu blŭ hŏng ƀăng êgei Y-Đawit sui thŭn êdei, msĕ si klei čih leh êlâo, “Hruê anei, tơdah diih hmư̆ asăp Ñu, đăm bi khăng ai tiê diih ôh.”

Hêbrơ 6:17

Snăn msĕ mơh Aê Diê čiăng bi êdah hŏng klei klă hĭn kơ phung srăng dưn klei Ñu ƀuăn klei Ñu amâo bi mlih ôh klei Ñu čiăng ngă, Ñu bi sĭt hŏng klei Ñu kat asei.

Hêbrơ 7:21

ƀiădah Yêsu mâo leh klei kat asei tơdah Aê Diê lač leh kơ Ñu, “Khua Yang kat asei leh, leh anăn Ñu amâo srăng hƀlŏk ôh, ‘Ih jing khua ngă yang hlŏng lar.’ ”

II Y-Pêtrôs 1:21

kyuadah amâo tuôm mâo ôh sa mta klei hưn êlâo kbiă hriê mơ̆ng klei mnuih mĭn, ƀiădah Yang Mngăt Jăk mtrŭt mnuih blŭ klei kbiă mơ̆ng Aê Diê.

Klei Bi Êdah 17:14

Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”

Klei Bi Êdah 19:16

Arăng čih ti ao jhung Ñu leh anăn ti pha Ñu sa anăn, Mtao kơ phung mtao leh anăn Khua Yang kơ phung khua yang.