Bruă Phung Khua Ƀĭng Kna 2:23 - Klei Aê Diê Blŭ 2015

²³ Yêsu anei, Pô Aê Diê jao leh tui si hdră Aê Diê čuăn leh anăn thâo êlâo, diih yua kngan phung soh pơ̆ng bi mdjiê leh ti kyâo bi kal.

Bruă Phung Khua Ƀĭng Kna 2:23 Iomraidhean Croise

Klei Mphŭn Dơ̆ng 50:20

Bi diih, diih mĭn ngă ƀai kơ kâo; ƀiădah Aê Diê brei klei anăn jing jăk, čiăng bi mtlaih klei hdĭp lu mnuih, msĕ si truh leh hruê anei.

Klei Mmuñ Hđăp 76:10

Sĭt nik klei mnuih ngêñ ăt srăng brei klei bi mni kơ Ih; Ih srăng yua klei ngêñ ăt dôk, bi guh kơang Ih.

Y-Êsai 37:26

Ih amâo tuôm hmư̆ hĕ Kâo čuăn leh klei anăn mơ̆ng sui? Mơ̆ng ênuk đưm Kâo mkra hdră leh anăn Kâo bi truh klei anăn, čiăng kơ ih dưi bi rai hĕ lu ƀuôn prŏng kjăp, brei jing kăm djah.

Y-Đaniel 4:35

Jih jang mnuih ti lăn ala jing msĕ si hơăi mang; leh anăn Ñu ngă tui si klei Ñu čiăng hlăm phung kahan hlăm adiê leh anăn hlăm phung mnuih ti lăn ala; amâo mâo sa čô dưi kơ̆ng kngan Ñu ôh, amâodah lač kơ Ñu, “Ya klei Ih ngă?”

Y-Mathiơ 20:19

Diñu srăng jao Gơ̆ kơ phung tue čiăng kơ arăng tlao mưč, čăm Gơ̆ hŏng klei hnuăt, leh anăn pơ̆ng Gơ̆ ti kyâo bi kal; ƀiădah ti hruê tal tlâo Ñu srăng lŏ hdĭp.”

Y-Mathiơ 26:24

Anak Mnuih srăng djiê tui si Klei Aê Diê Blŭ čih leh djŏ kơ Ñu, ƀiădah knap mñai yơh kơ pô lhiăr kơ Anak Mnuih! Jăk hĭn arăng amâo tuôm kkiêng kơ gơ̆ ôh.”

Y-Mathiơ 27:35

Leh diñu pơ̆ng Gơ̆ ti kyâo bi kal, diñu bi mbha čhiăm ao Gơ̆ hŏng klei bi mđăo.

Y-Markôs 15:24

Diñu pơ̆ng Gơ̆ ti kyâo bi kal, leh anăn bi mbha čhiăm ao Gơ̆ hdơ̆ng diñu hŏng klei mđăo, čiăng bi thâo ya grăp čô srăng mă.

Y-Luk 22:22

Kyuadah Anak Mnuih srăng nao tui si Aê Diê čuăn leh kơ Ñu; ƀiădah knap mñai yơh kơ pô lhiăr kơ Ñu!”

Y-Luk 22:37

Kyuadah Kâo hưn kơ diih, Klei Aê Diê Blŭ čih leh anei srăng bi sĭt hlăm Kâo, ‘Arăng yap Ñu mbĭt hŏng phung soh;’ kyuadah klei čih leh djŏ kơ Kâo srăng mâo klei bi sĭt.”

Y-Luk 23:33

Tơdah diñu truh ti anôk arăng pia anôk Klang Kŏ, tinăn diñu pơ̆ng Yêsu ti kyâo bi kal, wăt phung soh prŏng anăn, sa čô tĭng hnuă, sa čô tĭng điâo.

Y-Luk 24:20

Leh anăn si klei phung knơ̆ng khua ngă yang leh anăn phung khua kiă kriê drei jao leh Gơ̆ brei arăng phat kđi bi mdjiê pơ̆ng Gơ̆ ti kyâo bi kal.

Y-Yôhan 19:18

Tinăn diñu pơ̆ng Yêsu ti kyâo bi kal, leh anăn mbĭt hŏng Gơ̆ dua čô mkăn, sa čô tĭng điâo, sa čô tĭng hnuă, leh anăn Yêsu ti krah.

Y-Yôhan 19:24

Snăn diñu lač hdơ̆ng diñu pô, “Đăm drei hiêk Gơ̆ ôh, ƀiădah brei drei bi mđăo čiăng thâo hlei pô srăng bha.” Klei anăn čiăng bi sĭt Klei Aê Diê Blŭ čih leh, “Diñu bi mbha čhiăm ao Kâo hdơ̆ng diñu, leh anăn diñu bi mđăo čiăng mâo ao jhung Kâo.”

Bruă Phung Khua Ƀĭng Kna 13:27

Kyuadah phung dôk hlăm ƀuôn Yêrusalem leh anăn phung khua diñu, amâo thâo kral ôh Yêsu anei, kăn thâo săng klei phung khua pô hưn êlâo blŭ, diñu dlăng grăp hruê sabat rei, diñu bi sĭt leh klei anăn hŏng klei diñu phat kđi Yêsu.

Bruă Phung Khua Ƀĭng Kna 15:18

Snăn Khua Yang lač, Pô brei arăng thâo klei anei mơ̆ng ênuk đưm.’

Bruă Phung Khua Ƀĭng Kna 2:36

Kyuanăn brei jih jang sang Israel thâo sĭt kơ Aê Diê brei Yêsu anei, Pô diih pơ̆ng leh ti kyâo bi kal, jing Khua Yang leh anăn Yang Krist.”

Bruă Phung Khua Ƀĭng Kna 3:18

Ƀiădah snei Aê Diê bi sĭt leh klei Ñu hưn êlâo hŏng ƀăng êgei jih jang phung khua pô hưn êlâo, kơ Yang Krist Ñu srăng tŭ klei knap mñai.

Bruă Phung Khua Ƀĭng Kna 4:28

čiăng bi sĭt jih jang klei kngan Ih leh anăn hdră Ih čuăn leh mơ̆ng êlâo.

Bruă Phung Khua Ƀĭng Kna 5:28

“Hmei ghă diih ktang tĭt amâo brei mtô hlăm anăn anei ôh, ƀiădah diih bi bŏ leh ƀuôn Yêrusalem hŏng klei diih mtô, leh anăn diih čiăng bi lĕ êrah mnuih anăn ti hmei.”

Bruă Phung Khua Ƀĭng Kna 5:30

Aê Diê phung aê drei bi kbiă lŏ hdĭp leh Yêsu, Pô diih pơ̆ng bi mdjiê leh ti kyâo bi kal.

Bruă Phung Khua Ƀĭng Kna 7:52

Hlei hlăm phung khua pô hưn êlâo phung aê diih amâo tuôm ngă jhat ôh? Diñu bi mdjiê leh phung hưn êlâo kơ Pô Kpă srăng hriê, Pô Kpă anăn ară anei diih lhiăr leh anăn bi mdjiê leh.

Hră Y-Pôl Mơĭt kơ Phung Rôm 2:12

Jih jang hlei pô ngă soh leh ti êngao klei bhiăn, msĕ mơh srăng rai tuč ti êngao klei bhiăn. Leh anăn jih jang hlei pô ngă soh leh ti gŭ klei bhiăn, klei bhiăn anăn srăng phat kđi ñu.

Hră Y-Pôl Mơĭt kơ Phung Rôm 4:17

Klei anăn djŏ tui si Klei Aê Diê Blŭ čih leh, “Kâo mjing ih leh ama kơ lu phung găp djuê mnuih.” Snăn klei ƀuăn anăn rơ̆ng pioh sĭt ti anăp Aê Diê Pô ñu đăo, Pô brei klei hdĭp kơ phung djiê, leh anăn mtă brei jing mnơ̆ng mơ̆ng mnơ̆ng ka jing ôh.

I Têsalônik 2:15

Phung anăn bi mdjiê leh Khua Yang Yêsu leh anăn phung khua pô hưn êlâo, leh anăn suôt leh hmei. Diñu amâo bi mơak kơ Aê Diê ôh, leh anăn bi kdơ̆ng hŏng jih jang mnuih

I Y-Pêtrôs 1:2

phung Aê Diê Ama ruah leh anăn čuăn leh, phung Yang Mngăt Jăk pioh brei leh kơ klei gưt asăp Yêsu Krist leh anăn kơ klei hƀrah hŏng êrah Ñu: Akâo kơ Aê Diê brei klei pap leh anăn klei êđăp ênang êbeh dlai kơ diih.

I Y-Pêtrôs 1:20

Aê Diê čuăn pioh ñu leh mơ̆ng mphŭn klei hrih lăn ala, ƀiădah bi êdah leh hlăm ênuk knhal tuč kyua diih.

I Y-Pêtrôs 2:8

leh anăn “Sa klŏ boh tâo bi têč hnêč phung mnuih, leh anăn boh tâo prŏng bi lĕ buh diñu.” Diñu čah boh tâo anăn kyuadah diñu amâo gưt ôh kơ klei blŭ, tui si Aê Diê čuăn leh kơ diñu ngă.

Y-Yut 1:4

Kyuadah mâo đa đa phung mnuih mŭt leh hlăm phung diih hŏng klei hgăm, phung anăn arăng čuăn leh mơ̆ng sui kơ klei bi kmhal. Diñu jing phung amâo thâo mpŭ kơ Aê Diê ôh, phung bi mbliư̆ klei pap Aê Diê drei brei jing klei dưi ngă soh, leh anăn hngah kơ Khua drei mâo knŏng sa čô, jing Khua Yang Yêsu Krist.

Klei Bi Êdah 13:8

Jih jang mnuih dôk ti lăn ala srăng kkuh mpŭ kơ ñu, grăp čô amâo mâo anăn čih leh mơ̆ng êlâo klei hrih lăn ala hlăm hdruôm hră klei hdĭp Êđai Biăp, Pô arăng bi mdjiê leh.