Bruă Phung Khua Ƀĭng Kna 19:9 - Klei Aê Diê Blŭ 2015

⁹ Ƀiădah mâo đa đa ai tiê khăng, amâo đăo ôh, leh anăn blŭ jhat kơ Êlan ti anăp phung bi kƀĭn. Y-Pôl đuĕ mơ̆ng diñu, jak ba phung ƀĭng kna mbĭt, leh anăn bi hriăm grăp hruê hlăm sang hră Y-Tiranus.

Bruă Phung Khua Ƀĭng Kna 19:9 Iomraidhean Croise

II Bruă Mtao 17:14

Ƀiădah diñu amâo dôk hmư̆ ôh, ƀiădah jing khăng kŏ, msĕ si phung aê diñu jing leh, phung amâo đăo ôh kơ Yêhôwa Aê Diê diñu.

II Klei Yăl Dliê 30:8

Đăm jing khăng kŏ msĕ si phung aê diih ôh, ƀiădah yơr bĕ diih pô kơ Yêhôwa, leh anăn hriê kơ anôk doh jăk Ñu, anôk Ñu bi doh pioh brei leh hlŏng lar, leh anăn mă bruă bĕ kơ Yêhôwa Aê Diê diih, čiăng kơ klei Ñu ngêñ hlơr dưi weh đuĕ mơ̆ng diih.

II Klei Yăl Dliê 36:16

ƀiădah diñu mưč nanao kơ phung mnuih Aê Diê tiŏ nao, bi êmut kơ klei Gơ̆ blŭ, djă djik djak kơ phung khua pô hưn êlâo Gơ̆, tơl klei Yêhôwa ngêñ đĭ lar kơ phung ƀuôn sang Gơ̆, tơl amâo dưi lŏ bi hlao ôh.

Y-Nêhêmi 9:29

Leh anăn Ih hưn brei diñu răng čiăng bi wĭt diñu kơ klei bhiăn Ih. Ƀiădah diñu ngă hŏng klei mgao leh anăn amâo gưt ôh kơ klei Ih mtă, ƀiădah ngă soh leh hŏng klei bhiăn Ih, hŏng klei gưt kơ klei bhiăn anăn arăng srăng dôk hdĭp. Diñu kkui rŏng leh anăn bi khăng hĕ kŏ, leh anăn amâo čiăng gưt ôh.

Klei Mmuñ Hđăp 95:8

đăm bi khăng ai tiê diih ôh msĕ si ti Mêriba, msĕ si ti hruê diih dôk ti Masa hlăm kdrăn tač.

Klei Bi Hriêng 8:34

Jăk mơak yơh mnuih dôk hmư̆ kâo, kăp dlăng grăp hruê ti ƀăng jang kâo, leh anăn dôk guôn ti ƀăng bhă kâo.

Y-Êsai 8:14

Ñu srăng jing sa anôk doh jăk, sa boh tâo bi têč hnêč arăng, leh anăn boh tâo prŏng bi lĕ buh kơ jih dua găp djuê Israel. Bi kơ phung dôk hlăm ƀuôn Yêrusalem, Ñu srăng jing đrư̆ leh anăn kđông ƀêč.

Y-Yêrêmi 19:15

“Snei klei Yêhôwa kơ phung kahan, Aê Diê phung Israel, lač, ‘Nĕ anei, Kâo bi truh kơ ƀuôn prŏng anei leh anăn kơ jih jang ƀuôn điêt gơ̆ djăp mta klei jhat Kâo hưn kơ gơ̆ leh, kyuadah diñu bi khăng leh ai tiê diñu, hngah amâo čiăng hmư̆ klei Kâo blŭ ôh.’ ”

Y-Yêrêmi 7:26

Ƀiădah diñu amâo tuôm dôk hmư̆ Kâo ôh, kăn mđing knga diñu rei, ƀiădah bi khăng hĕ ai tiê diñu. Diñu ngă klei jhat hĭn kơ phung aê diñu.

Y-Mathiơ 15:14

Lui mơ̆ng ai diñu; diñu jing phung bum ală atăt êlan phung bum ală. Tơdah sa čô bum ală atăt sa čô bum ală, jih dua srăng lĕ hlăm ƀăng.”

Y-Mathiơ 16:4

Ênuk phung jhat ƀai leh anăn knhông anei duah sa klei bi knăl mdê, ƀiădah Aê Diê amâo srăng brei klei bi knăl mkăn ôh, knŏng klei bi knăl mdê djŏ kơ Y-Yôna.” Êdei tinăn Gơ̆ lui phung anăn leh anăn đuĕ nao.

Y-Mathiơ 26:55

Hlăk anăn Yêsu lač kơ phung lu, “Diih hriê hŏng đao gưm leh anăn giê čiăng mă Kâo msĕ si mă sa čô knĕ. Grăp hruê Kâo dôk mtô hlăm Sang Kkuh Mpŭ, ƀiădah diih amâo mă čăp Kâo ôh.

Y-Yôhan 12:40

“Aê Diê bi bum ală digơ̆ leh anăn bi khăng ai tiê digơ̆, huĭdah digơ̆ ƀuh hŏng ală digơ̆, leh anăn thâo săng hŏng ai tiê digơ̆, leh anăn lŏ wĭt kơ Kâo čiăng kơ Kâo bi hlao digơ̆.”

Bruă Phung Khua Ƀĭng Kna 11:26

Leh ñu ƀuh Y-Sôl, ñu atăt ba gơ̆ kơ ƀuôn Antiôs. Liăp sa thŭn diñu bi kƀĭn mbĭt hŏng Phung Sang Aê Diê, leh anăn bi hriăm lu mnuih. Hlăm ƀuôn Antiôs tal êlâo hĭn arăng pia phung Krist kơ phung ƀĭng kna.

Bruă Phung Khua Ƀĭng Kna 14:4

Ƀiădah phung ƀuôn sang bi mbha phung; đa đa dôk tĭng kơ phung Yuđa, đa đa dôk tĭng kơ phung khua ƀĭng kna.

Bruă Phung Khua Ƀĭng Kna 17:4

Đa đa hlăm phung digơ̆ đăo leh anăn bi mguôp hŏng Y-Pôl leh anăn Y-Silas. Leh anăn msĕ mơh mâo lu phung Grĕk kkuh mpŭ kơ Aê Diê wăt lu phung mniê arăng mpŭ đăo mơh.

Bruă Phung Khua Ƀĭng Kna 19:23

Hlăk anăn mâo klei rŭng răng prŏng kyua Êlan.

Bruă Phung Khua Ƀĭng Kna 19:30

Y-Pôl čiăng mŭt ti krah phung lu, ƀiădah phung ƀĭng kna amâo brei ôh.

Bruă Phung Khua Ƀĭng Kna 20:31

Snăn răng bĕ, brei diih hdơr êjai tlâo thŭn leh kâo amâo mdei ôh hruê mlam mtô kơ grăp čô diih hŏng klei hia.

Bruă Phung Khua Ƀĭng Kna 22:4

Kâo ngă jhat tơl bi mdjiê phung tui Êlan anei, kă leh anăn krư̆ hlăm war wăt êkei leh anăn mniê.

Bruă Phung Khua Ƀĭng Kna 24:21

Knŏng sa klei anei kâo ur kraih êjai kâo dôk dơ̆ng ti krah diñu, ‘Kyua klei phung djiê srăng kbiă lŏ hdĭp yơh, arăng phat kđi kâo ti anăp diih hruê anei.’ ”

Bruă Phung Khua Ƀĭng Kna 28:22

Ƀiădah hmei čiăng hmư̆ mơ̆ng ih ya klei ih mĭn; kyuadah hmei thâo kơ arăng blŭ bi kdơ̆ng tar ƀar anôk hŏng mta klei đăo anei.”

Bruă Phung Khua Ƀĭng Kna 7:51

Ơ phung ƀuôn sang khăng kŏ, ai tiê leh anăn knga amâo mâo khăt klĭt ôh. Diih bi kdơ̆ng nanao hŏng Yang Mngăt Jăk. Msĕ si phung aê diih ngă leh, diih ngă msĕ mơh.

Bruă Phung Khua Ƀĭng Kna 9:2

akâo kơ gơ̆ čih hră kơ jih jang sang bi kƀĭn ti ƀuôn Damas, čiăng kơ tơdah ñu ƀuh phung tui Êlan, êkei amâodah mniê, ñu dưi mă čăp đoh ba phung anăn kơ ƀuôn Yêrusalem.

Hră Y-Pôl Mơĭt kơ Phung Rôm 11:7

Si ngă snăn? Klei phung Israel duah, diñu amâo dưi mâo ôh. Ƀiădah phung Aê Diê ruah mâo leh klei anăn, ƀiădah phung mkăn Aê Diê bi khăng leh ai tiê diñu,

Hră Y-Pôl Mơĭt kơ Phung Rôm 9:18

Snăn Ñu pap kơ hlei pô Ñu čiăng, leh anăn Ñu bi khăng ai tiê kơ hlei pô Ñu čiăng.

I Kôrantô 16:9

kyuadah mâo ƀăng bhă prŏng pŏk leh kơ kâo dưi mă bruă yuôm, wăt mâo lu phung bi kdơ̆ng dưn.

I Y-Timôthê 6:5

leh anăn klei bi msao ti krah phung mnuih mâo klei mĭn soh jhat amâo thâo săng klei sĭt nik ôh, leh anăn mĭn kơ klei mpŭ kơ Aê Diê jing êlan arăng dưi ƀơ̆ng prăk.

II Y-Timôthê 1:15

Ih thâo leh jih phung hlăm čar Asi lui kâo leh. Hlăm phung anăn mâo Y-Phijêl leh anăn Y-Hermôgen;

II Y-Timôthê 3:5

ngă klei mpŭ knŏng ti êngao ƀiădah hngah klei myang mơ̆ng klei kkuh mpŭ anăn. Brei ih đuĕ mơ̆ng phung anăn.

II Y-Timôthê 4:2

mtô klei Aê Diê blŭ, brei ih gĭr thâodah mông găl amâodah amâo găl ôh, mblang bi klă, ƀuah, mđĭ ai, đăm kƀah ôh klei gĭr leh anăn klei mtô.

Hêbrơ 3:13

Ƀiădah mtrŭt hdơ̆ng diih grăp hruê êjai arăng pia “Hruê anei”, amâo čiăng kơ sa čô hlăm phung diih mâo ai tiê khăng kyua klei soh mplư.

II Y-Pêtrôs 2:12

Ƀiădah phung soh anăn jing msĕ si hlô mnơ̆ng amâo mâo klei thâo mĭn ôh, phung ngă tui si knuih diñu, phung arăng kkiêng pioh kơ arăng mă leh anăn bi mdjiê, phung dlao wač kơ klei diñu amâo thâo săng ôh. Arăng srăng bi rai diñu msĕ si hlô mnơ̆ng anăn

II Y-Pêtrôs 2:2

Lu mnuih srăng tui hlue êlan klei knhông diñu, leh anăn kyua diñu arăng srăng blŭ jhat kơ êlan klei sĭt nik.

Y-Yut 1:10

Ƀiădah phung anei dlao wač kơ klei diñu amâo thâo săng ôh, leh anăn diñu bi rai diñu pô hŏng klei diñu ngă tui si knuih diñu jing msĕ si hlô mnơ̆ng.