Bruă Phung Khua Ƀĭng Kna 19:4 - Klei Aê Diê Blŭ 2015

⁴ Y-Pôl lač, “Y-Yôhan ngă ƀaptem kmhal kơ klei soh, leh anăn hưn kơ phung ƀuôn sang brei đăo kơ Pô srăng truh êdei kơ ñu, jing đăo kơ Yêsu.”

Bruă Phung Khua Ƀĭng Kna 19:4 Iomraidhean Croise

Y-Yôhan 1:15

Anei klei Y-Yôhan hưn djŏ kơ Ñu êjai iêô mthưr kơ phung lu, “Kơ Pô anei yơh kâo hưn leh snei, ‘Pô hriê êdei kơ kâo jing prŏng hĭn kơ kâo, kyuadah Ñu mâo leh êlâo hĭn kơ kâo.’ ”

Y-Yôhan 1:26

Y-Yôhan lŏ wĭt lač kơ digơ̆, “Kâo dê ngă ƀaptem hŏng êa, ƀiădah mâo sa čô dôk ti krah diih, Pô anăn diih amâo thâo kral ôh,

Y-Yôhan 1:27

Pô anăn hriê êdei kơ kâo. Kâo amâo năng kleh klei klĭt juă Ñu ôh.”

Y-Yôhan 1:7

Gơ̆ hriê leh čiăng hưn bi sĭt brei arăng thâo kral klei mngač, čiăng kơ jih jang mnuih dưi đăo.

Bruă Phung Khua Ƀĭng Kna 1:5

kyuadah Y-Yôhan ngă leh ƀaptem hŏng êa, ƀiădah ăt dôk ƀiă hruê diih srăng tŭ klei ƀaptem hŏng Yang Mngăt Jăk.”

Bruă Phung Khua Ƀĭng Kna 11:16

Leh anăn kâo hdơr klei Khua Yang lač leh, ‘Y-Yôhan ngă ƀaptem leh hŏng êa, ƀiădah diih srăng tŭ klei ƀaptem hŏng Yang Mngăt Jăk.’