Bruă Phung Khua Ƀĭng Kna 19:13 - Klei Aê Diê Blŭ 2015

¹³ Hlăk anăn phung mjâo Yuđa hiu djăp anôk lông yua anăn Khua Yang Yêsu kơ phung mnuih yang jhat ngă, lač, “Kâo mtă kơ diih hlăm anăn Yêsu pô Y-Pôl mtô anăn!”

Bruă Phung Khua Ƀĭng Kna 19:13 Iomraidhean Croise

Y-Mathiơ 12:27

Tơdah Kâo suôt yang jhat hŏng anăn Bêlsêbul, bi phung anak diih, hŏng diñu suôt lĕ? Kyuanăn diñu yơh srăng jing phung phat kđi diih.

Y-Markôs 9:38

Y-Yôhan lač kơ Yêsu, “Ơ Nai, hmei ƀuh sa čô êkei suôt yang jhat hlăm anăn Ih, leh anăn hmei ghă ñu kyuadah ñu amâo tui hlue drei ôh.”

Y-Luk 11:19

Leh anăn tơdah Kâo suôt phung yang jhat hŏng Bêlsêbul, hŏng hlei pô phung anak diih suôt diñu lĕ? Kyuanăn phung anak diih srăng jing khua phat kđi kơ diih.

Y-Luk 9:49

Y-Yôhan lač, “Ơ Nai, hmei ƀuh leh sa čô mnuih suôt yang jhat hlăm anăn Ih, leh anăn hmei ghă ñu, kyuadah ñu amâo tui hlue drei ôh.”

Y-Markôs 5:7

leh anăn gơ̆ ur kraih, lač, “Ya klei Ih mâo hŏng kâo, Ơ Yêsu, Anak Aê Diê Pô Ti Dlông Hĭn? Ƀuăn bĕ hŏng anăn Aê Diê, đăm bi knap kâo ôh.”

Y-Mathiơ 26:63

Ƀiădah Yêsu dôk ñăt. Khua ngă yang prŏng lač kơ Ñu, “Kâo mtă kơ ih hŏng anăn Aê Diê hdĭp, hưn bĕ kơ hmei djŏ mơ̆ ih jing Yang Krist, Anak Aê Diê?”

I Bruă Mtao 22:16

Ƀiădah mtao lač kơ gơ̆, “Dŭm blư̆ kâo srăng mtă kơ ih čiăng kơ ih blŭ knŏng klei sĭt nik kơ kâo hlăm anăn Yêhôwa?”

I Y-Samuel 14:24

Hruê anăn phung êkei Israel mâo klei awăt leh anăn êpa; kyuadah Y-Sôl ngă klei kat asei kơ phung ƀuôn sang, lač, “Tăm pah hĕ kơ pô ƀơ̆ng huă êlâo yang hruê lĕ leh anăn êlâo kâo rŭ ênua kơ phung roh kâo.” Snăn amâo mâo pô djiêl mnơ̆ng ƀơ̆ng huă ôh.

Y-Yôsuê 6:26

Hlăk anăn Y-Yôsuê kat asei lač, “Tăm pah hĕ ti anăp Yêhôwa mnuih kgŭ čiăng lŏ mdơ̆ng ƀuôn Yêrikô anei! Ñu srăng mdơ̆ng tur hŏng ênoh anak êkei ñu kkiêng tal êlâo, leh anăn ñu srăng ngă ƀăng jang hŏng ênoh anak êkei ñu mda hĭn.”

Klei Mphŭn Dơ̆ng 4:14

Nĕ anei, Ih suôt kâo leh hruê anei mơ̆ng lăn anei, leh anăn mdăp kâo mơ̆ng ƀô̆ mta Ih; kâo srăng jing sa čô pô đuĕ nanao leh anăn hiu rưng ti lăn ala, leh anăn hlei pô tuôm hŏng kâo srăng bi mdjiê hĕ kâo.”

Klei Mphŭn Dơ̆ng 4:12

Tơdah ih tlăng ksul hma, lăn amâo srăng lŏ mboh lu ôh kơ ih; ih srăng jing sa čô pô đuĕ nanao leh anăn hiu rưng ti lăn ala.”

Klei Mmuñ Hđăp 109:10

Brei phung anak ñu hiu rưng leh anăn hiu dan; brei arăng suôt diñu mơ̆ng anôk diñu dôk rai leh.

Bruă Phung Khua Ƀĭng Kna 19:14

Mâo kjuh čô anak êkei khua ngă yang prŏng Yuđa bi anăn Y-Sêwa dôk ngă klei anăn.

II Kôrantô 11:4

Kyuadah tơdah arăng hriê mtô kơ diih sa Yêsu mkăn mdê hŏng pô hmei mtô leh, amâodah tơdah diih jum sa yang mkăn mdê hŏng Yang Mngăt Jăk diih jum leh, amâodah tơdah diih mă tŭ sa klei mrâo mrang jăk mkăn mdê hŏng klei diih mă tŭ leh, diih djăl tŭ klei anăn!