Bruă Phung Khua Ƀĭng Kna 19:1 - Klei Aê Diê Blŭ 2015

¹ Êjai Y-Apôlôs dôk ti ƀuôn Kôrantô, Y-Pôl găn jih čar lăn dap kngư truh ti ƀuôn Êphêsô. Tinăn ñu ƀuh đa đa phung ƀĭng kna,

Bruă Phung Khua Ƀĭng Kna 19:1 Iomraidhean Croise

Bruă Phung Khua Ƀĭng Kna 18:1

Leh klei anăn Y-Pôl đuĕ mơ̆ng ƀuôn Athen, nao kơ ƀuôn Kôrantô.

Bruă Phung Khua Ƀĭng Kna 18:8

Y-Krispus, khua sang bi kƀĭn, đăo kơ Khua Yang mbĭt hŏng jih phung hlăm sang ñu. Leh anăn lu phung Kôrantô hmư̆ Y-Pôl mtô đăo leh anăn tŭ klei ƀaptem.

Bruă Phung Khua Ƀĭng Kna 19:17

Jih jang phung Yuđa leh anăn phung Grĕk dôk ti ƀuôn Êphêsô hmư̆ hing kơ klei anăn. Jih jang diñu huĭ; leh anăn arăng hơêč hmưi bi mni kơ anăn Khua Yang Yêsu.

Bruă Phung Khua Ƀĭng Kna 19:26

Leh anăn diih ƀuh leh anăn hmư̆ leh amâo djŏ knŏng ti ƀuôn Êphêsô ôh, ƀiădah păt čiăng tar ƀar čar Asi, Y-Pôl anăn mtô leh anăn mtrŭt lu mnuih lui drei, êjai lač kơ rup yang kngan mnuih ngă amâo jing yang sĭt ôh.

Bruă Phung Khua Ƀĭng Kna 20:16

Kyuadah Y-Pôl čuăn čiăng găn ƀuôn Êphêsô, amâo jưh tinăn ôh huĭ luč hruê hlăm čar Asi, kyuadah ñu ruăt čiăng truh ti ƀuôn Yêrusalem hruê Pantơkôt tơdah dưi.

Bruă Phung Khua Ƀĭng Kna 20:18

Tơdah digơ̆ truh leh kơ ñu, ñu lač kơ digơ̆: “Diih pô thâo leh si kâo dôk dơ̆ng ƀơ̆ng huă mbĭt hŏng diih nanao dơ̆ng mơ̆ng hruê kâo mphŭn truh hlăm čar Asi.

Bruă Phung Khua Ƀĭng Kna 21:29

Kyuadah êlâo diñu ƀuh Y-Trôphim mơ̆ng ƀuôn Êphêsô mbĭt hŏng ñu hlăm ƀuôn, leh anăn diñu mĭn Y-Pôl atăt ba leh gơ̆ hlăm sang kkuh mpŭ.

I Kôrantô 1:12

Kâo čiăng lač snei, grăp čô diih lač, “Kâo jing phung Y-Pôl”, amâodah “Kâo jing phung Y-Apôlôs”, amâodah “Kâo jing phung Y-Sêphas”, amâodah “Kâo jing phung Krist”.

I Kôrantô 15:32

Tơdah blŭ tui si mnuih, ya klei tŭ dưn kâo mâo tơdah kâo bi blah hŏng hlô dliê ti ƀuôn Êphêsô? Tơdah phung djiê amâo kbiă lŏ hdĭp ôh, “Brei drei huă ƀơ̆ng leh anăn mnăm, kyuadah mgi drei srăng djiê yơh.”

I Kôrantô 16:12

Bi kơ adei drei Y-Apôlôs, kâo mtrŭt ñu ktang brei ñu nao čhưn kơ diih mbĭt hŏng phung ayŏng adei mkăn, ƀiădah amâo djŏ ôh Aê Diê čiăng ñu nao ară anei. Ñu srăng truh tơdah ñu wăn.

I Kôrantô 16:8

Ƀiădah kâo srăng dôk ti ƀuôn Êphêsô tơl truh hruê knăm Pantơkôt,

I Kôrantô 4:6

Ơ phung ayŏng adei, kâo ngă leh klei bi hmô anei hŏng kâo pô leh anăn Y-Apôlôs kyua diih, čiăng kơ diih dưi hriăm mơ̆ng hmei, ya čiăng mblang klei lač, “đăm êgao ôh klei čih leh”, čiăng đăm mâo ôh sa čô hlăm phung diih ngă klei mgao hlue pô anei bi kdơ̆ng hŏng pô mkăn.

Êphêsô 1:1

Kâo gơ̆ Y-Pôl, sa čô khua ƀĭng kna Krist Yêsu, tui si klei Aê Diê čiăng, Čih mơĭt kơ phung doh jăk dôk ti Êphêsô, phung sĭt suôr hlăm Krist Yêsu.