Biblia Todo Logo
Bìoball air-loidhne

- Sanasan -




Bruă Phung Khua Ƀĭng Kna 18:8 - Klei Aê Diê Blŭ 2015

8 Y-Krispus, khua sang bi kƀĭn, đăo kơ Khua Yang mbĭt hŏng jih phung hlăm sang ñu. Leh anăn lu phung Kôrantô hmư̆ Y-Pôl mtô đăo leh anăn tŭ klei ƀaptem.

Faic an caibideil Dèan lethbhreac




Bruă Phung Khua Ƀĭng Kna 18:8
25 Iomraidhean Croise  

Leh anăn jih jang phung êkei kkiêng hlăm sang ñu, wăt phung arăng blei hŏng prăk mơ̆ng phung tue tŭ klei khăt klĭt sơăi mbĭt hŏng ñu.


Hơăi, kyuadah Kâo ruah ñu leh, čiăng kơ ñu mtă kơ phung anak ñu leh anăn kơ sang ñu kơ êdei, čiăng diñu djă pioh êlan Khua Yang hŏng klei ngă klei kpă ênô leh anăn klei djŏ, čiăng kơ Khua Yang dưi bi sĭt klei Ñu ƀuăn leh kơ Y-Abraham.”


Kyuanăn nao bĕ diih mjing phung ƀĭng kna hlăm jih jang găp djuê mnuih, ngă ƀaptem kơ diñu hlăm anăn Ama, anăn Anak, leh anăn anăn Yang Mngăt Jăk;


leh anăn mâo sa čô khua sang bi kƀĭn hriê, anăn ñu Y-Jairus. Tơdah ñu ƀuh Yêsu, ñu klăm ti jơ̆ng Gơ̆,


Êjai Yêsu ăt dôk blŭ, mâo đa đa mnuih hriê mơ̆ng sang Y-Jairus leh anăn lač, “Anak mniê ih djiê leh. Ya yuôm lŏ bi dleh Nai lĕ?”


sa čô mâo klei đăo, thâo huĭ mpŭ kơ Aê Diê mbĭt hŏng jih phung hlăm sang ñu. Ñu brei lu mnơ̆ng pap hŏng klei kmah kơ phung ƀuôn sang, leh anăn ñu wah lač kơ Aê Diê nanao.


Ñu srăng mtô kơ ih sa klei srăng bi mtlaih ih leh anăn jih jang mnuih hlăm sang ih.’


Leh arăng dlăng hdruôm hră klei bhiăn leh anăn phung khua pô hưn êlâo, phung khua sang bi kƀĭn mơĭt asăp blŭ kơ diñu, lač, “Ơ phung ayŏng adei, tơdah diih mâo klei mtô čiăng mđĭ ai kơ phung ƀuôn sang, blŭ bĕ.”


Leh anăn ñu atăt digơ̆ mŭt hlăm sang ñu, leh anăn mdơ̆ng mnơ̆ng ƀơ̆ng huă kơ digơ̆; leh anăn ñu hơ̆k mơak mbĭt hŏng jih jang phung hlăm sang ñu, kyuadah ñu đăo leh kơ Aê Diê.


Leh klei anăn Y-Pôl đuĕ mơ̆ng ƀuôn Athen, nao kơ ƀuôn Kôrantô.


Snăn jih jang phung anăn mă Y-Sôsthen, khua sang bi kƀĭn, leh anăn čăm gơ̆ ti anăp sang phat kđi. Ƀiădah Y-Galiôn amâo uêñ kơ klei anăn ôh.


Êjai Y-Apôlôs dôk ti ƀuôn Kôrantô, Y-Pôl găn jih čar lăn dap kngư truh ti ƀuôn Êphêsô. Tinăn ñu ƀuh đa đa phung ƀĭng kna,


Ƀiădah leh digơ̆ đăo klei Y-Philip mtô klei mrâo mrang jăk djŏ kơ ƀuôn ala mtao Aê Diê leh anăn kơ anăn Yêsu Krist, digơ̆ tŭ klei ƀaptem, wăt êkei mniê.


Čih mơĭt kơ Phung Sang Aê Diê ti ƀuôn Kôrantô, kơ phung doh jăk leh hlăm Krist Yêsu, phung Aê Diê iêô leh brei jing phung doh jăk mbĭt hŏng jih jang phung dôk tar ƀar anôk iêô wah lač kơ anăn Khua Yang drei Yêsu Krist, Khua Yang diñu leh anăn Khua Yang drei.


Kâo gơ̆ Y-Pôl, sa čô khua ƀĭng kna Krist Yêsu tui si klei Aê Diê čiăng, leh anăn Y-Timôthê adei drei, Čih mơĭt kơ Phung Sang Aê Diê ti ƀuôn Kôrantô, mbĭt hŏng jih jang phung doh jăk dôk tar ƀar čar Akai.


Ƀiădah kâo kwưh kơ Aê Diê jing Pô hưn bi sĭt kơ mngăt kâo, kâo amâo lŏ nao ôh kơ ƀuôn Kôrantô, kyua kâo pap kơ diih.


Ơ phung Kôrantô, hmei ha blŭ leh jih klei sĭt kơ diih; ai tiê hmei pŏk prŏng leh kơ diih.


Y-Êrast ăt dôk ti ƀuôn Kôrantô, leh anăn kâo lui Y-Trôphim dôk ruă ti ƀuôn Milê.


Ară anei, tơdah diih amâo čiăng mă bruă kơ Yêhôwa ôh, ruah bĕ hruê anei kơ hlei pô diih čiăng mă bruă, thâodah phung yang phung aê diih đưm mă bruă ti hang nah yŭ Êa Krông Ơphrat, thâodah kơ yang phung Amôrit hlăm čar diñu diih dôk. Bi kâo leh anăn phung hlăm sang kâo, hmei srăng mă bruă kơ Yêhôwa.”


Lean sinn:

Sanasan


Sanasan